1 Gawˇliˬtu 12:25 - Akha

²⁵ Kʼoeˇ miˇ neh, gʼawˇ mawˇ laꞈ kʼoeˇ gʼawˬ-iˇ gʼehˇ-iˇ-eu jeˬ maˬ jaˆ-ehˇ, maˬ duˇ leˇ-eu aˇ sehˇ kʼoeˇ deuˬ dawˬ tawˆ luꞈ tiˬ sehˇ tiˇ sehˇ ya bo saˆ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Khoer-aq, mawrdo-euq arsaer deuq ghawq-awr ghaer-eu jeq maqbi jav-aer, tiqsaer tirsaer ghawqshaq bigaq-eu gharduq mae.

1 Gawˇliˬtu 12:25 ပူးပေါင်းရင်းမြစ်များ

1 Gawˇliˬtu 12:24

Ehˇ kʼawꞈ, haw muiˬ-eu aˇ sehˇ deuˬ-ahˇ-aˬ, kʼoeˇ naˆ naˆ-ehˇ ngehˬ gʼeh-eu maˬ loˬ-a. Yaw kʼaˆ-ehˇ maˬ taˬ huiˬ nehˬ-euˬ aˇ sehˇ deuˬ-ahˇ bi taˬ huiˬ dzehˬ-eu gʼaˇ duˬ, Miˬyehˇ neh gʼawˇ mawˇ aˇ sehˇ deuˬ-ahˇ aˬ yawꞈ gaˇ yawꞈ tsaˬ leˇ ni kʼoeˇ loꞈ-ehˇ laˆ tsoꞈ taˬ-euˬ meh.

1 Gawˇliˬtu 12:26

Aˇ sehˇ tiˬ sehˇ naˇ laˇ naˇ, aˇ sehˇ dawˬ tawˆ luꞈ ya caw naˇ-eu meh. Aˇ sehˇ tiˬ sehˇ-ahˇ aˬ cawˬ ja ceuˬ kʼaˇ za naˇ, aˇ sehˇ dawˬ tawˆ luꞈ laˬ kʼaˬ ya caw cehˇ-eu meh.

1 Gawˇliˬtu 3:3

Aˬ jeˬ miˇ neh ehˇ naˇ, miˇ tsaˬ zaˬ deuˬ dehꞈ-eu loꞈ-ehˇ naw ma dehꞈ luꞈ-a siˬ. Naw maꞈ yaw kaˬ myaˆ naˆ-awˇ iˬ dehˬ iˬ ceh jaˆ-eu kʼoeˇ-aˬ, naw maꞈ miˇ tsaˬ heu-ahˇ taꞈ-awˇ miˇ tsaˬ zaˬ deuˬ dehꞈ-eu aˇ tiˆ-ahˇ dehꞈ luꞈ-eu gaˇ kawˆ saˇ kiˇ pyeuꞈ-eu meh.

2 Gawˇliˬtu 13:11

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ ma. Laˬ kʼaˬ cehˇ-eu jeˬ oꞈ luꞈ-uˇ. Naw maꞈ dehꞈ paˇ-awˬ. Ngaˬ-euˬ shaˇ dawˬ naˇ haˬ nehˬ laꞈ-awˬ. Tiˬ gʼaˬ tiˇ gʼaˬ tsaˬ leˇ dzoeˇ leˇ-awˬ. Gʼoeˇ-eu gaˬ-eu jeˬ hawˇ-eu nui saˇ oꞈ-eu jeˬ biꞈ-eu Miˬyehˇ naw maꞈ nehˬ-ehˇ jawˇ tehꞈ-a.

2 Gawˇliˬtu 7:12

Kʼoeˇ miˇ neh, sahˬ boꞈ kʼoeˇ taꞈ ngaˇ boꞈ-euˬ kʼawꞈ, aˬ cawˬ-ahˇ mˇ lehˬ-euˬ tsawˇ haˬ gʼaˇ duˬ boꞈ-euˬ maˬ ngeuˇ. Aˬ cawˬ mˇ lehˬ gaˇ ya daˬ-euˬ tsawˇ haˬ gʼaˇ duˬ boꞈ-euˬ kʼawꞈ maˬ ngeuˇ. Nga maꞈ gʼaˇ duˬ naw maꞈ nui ma aˇ naˆ ni keuˆ-eu gaˇ kawˆ Miˬyehˇ mehˬ shi naw maꞈ siˬ duˬ mawˇ duˬ nya ni boꞈ-euˬ ma.

2 Gawˇliˬtu 8:16

Ngaˇ naw maꞈ gʼaˇ duˬ nui ma keuˆ-eu loꞈ-ehˇ, Tiˇtuˆ kʼawꞈ nui ma keuˆ ni Miˬyehˇ jahˇ-euˬ miˇ neh, Miˬyehˇ-euˬ guiˬ lahˬ-ahˇ ja ceuˬ ngeh maˬ jiˇ nya.