1 Gawˇliˬtu 12:18 - Akha

¹⁸ Ehˇ kʼawꞈ, Miˬyehˇ nui ma tsaˬ-eu loꞈ-ehˇ, maˬ duˇ leˇ-eu aˇ sehˇ yawˬ sehˇ na luꞈ-ahˇ nymˬ-mˇ kʼaˇ tsoꞈ luꞈ-eu loꞈ-ehˇ gʼawˇ mawˇ-ahˇ bi tsoꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Aerkhawf, Miqyaer, aqyawf nuima tsaq-eu lof-aer, arsaer yawqsaer navluf-anr yawqha-euq tsofduq tsofzar-anr bitsof-euq mae.

1 Gawˇliˬtu 12:18 ပူးပေါင်းရင်းမြစ်များ

Jaceuq 110:3

Muiˇ-eu deuˬ-ahˇ nawˇ guiˇ deuˆ-eu aˇ nah keuˆ laˇ ngeh, nawˬ-euˬ tsawˇ haˬ deuˬ nui ma keuˆ-awˇ caw ba tehꞈ-a. Uˬ shawˬ yaw naꞈ-ehˇ ga-eu ceuˬ loꞈ-ehˇ, muiˬ-eu shawˇ-eu gawˬ jawˬ kʼoeˇ taˆ, nawˬ-euˬ zaˬ guˬ deuˬ nawˇ jawˇ gaˇ laˇ tehꞈ-a.

Jaceuq 135:6

Mˬ hawˇ-eu miˇ kʼoeˇ taˆ maˬ ehˇ, iˬ ma laˆ shaˆ hawˇ-eu naꞈ dui dui-eu laˆ shaˆ dawˬ dah maˬ ehˇ, aˬ yawꞈ-euˬ nui noeˬ mˇ byah taˬ-euˬ meh.

Iˇsaˬyaˇ 46:10

Aˇ dahˬ beh ngeh neh aˇ saˬ saˬ-eu jeˬ ngaˇ ehˇ jiˇ-awˇ, aˇ hu ba neh aˬ kaˇ pyeuꞈ laˇ-eu gaˇ kawˆ ehˇ taˬ jiˇ-euˬ ma. Ngaˬ neh lehˬ hmˬ-euˬ jeˬ tiˬ hmˬ-iˬ maˬ bi dzeuˇ-iˇ ni, kʼaˇ noeˬ taˬ-euˬ yawˬ jeˬ na luꞈ mˇ keuˆ ma lehˇ, ngaˬ neh ehˇ taˬ-euˬ dawˬ jaˆ ma.

Yawˇnaˆ 1:14

Kʼoeˇ ngeh, aˬ yawꞈ maꞈ Sahˬpaˬ Miˬyehˇ-ahˇ guˇ-awˇ, “Sahˬpaˬ Miˬyehˇ-oˇ, tsawˇ haˬ heu gʼaˬ-ahˇ bi shiˇ-euˬ baˬ da neh nga maꞈ-ahˇ kʼehˬ-awˇ taˬ sehꞈ nehˬ laꞈ lehˇ nawˬ-ahˇ nga maꞈ shaˇ-eu ma. Sahˬpaˬ Miˬyehˇ-oˇ, heu loꞈ-ehˇ pyeuꞈ laˇ ni dawˬ tawˆ luꞈ nawˬ neh jahˇ-euˬ meh” lehˇ shaˇ-euˬ meh.

Luˇkaꞈ 10:21

Kʼoeˇ ngeh, Muiˬ-eu shawˇ-eu Yaw sahˇ Miˬyehˇ laꞈ kʼoeˇ Yeˬsuˇ laˬ kʼaˬ cehˇ-awˇ, heu loꞈ-ehˇ ehˇ-eu meh. “Mˬ sahˇ Sahˬpaˬ miˇ sahˇ Sahˬma pyeuꞈ-eu Aˬda-oˇ, nawˬ-euˬ guiˬ lahˬ-ahˇ ngaˇ ja ceuˬ-eu ma. Aˬ jeˬ miˇ neh ehˇ naˇ, zaˬ siˬ tsawˇ gahˇ ahˇ-eu tsawˇ haˬ deuˬ hawˇ-eu, siˬ-eu nya-eu tsawˇ haˬ deuˬ-ahˇ, gaˇ kawˆ heu deuˬ nawˇ zaꞈ taˬ-awˇ, maˬ siˬ maˬ nya-eu tsawˇ haˬ deuˬ-ahˇ nawˇ pah mehˬ nehˬ-euˬ meh. Nawˬ-euˬ gʼawˬ shaˬ gaˬ-eu jeˬ baˬ da neh, nawˇ kʼoeˇ loꞈ-ehˇ jahˇ nehˬ laꞈ mawꞈ-eu jeˬ pyeuꞈ-eu meh.

Luˇkaꞈ 12:32

“Nyiˇ dui dui-eu yawˇ yawˇ maꞈ-oˇ, taˬ guˆ. Aˬ jeˬ miˇ neh ehˇ naˇ, naw maꞈ-ahˇ Miˇkʼahˬ biꞈ-eu gʼaˇ duˬ naw maꞈ-euˬ Aˬda nui ma tsaˬ-eu meh.

Lormav 12:3

Miˬyehˇ neh ngaˬ-ahˇ gʼawˬ shaˬ gaˬ-eu laꞈ kʼoeˇ biꞈ laꞈ-euˬ laꞈ sawˬ baˬ da neh, naw maꞈ yawˬ gʼaˬ na luꞈ-ahˇ ngaˇ heu loꞈ-ehˇ ehˇ-eu ma. Naw maꞈ yawˬ haˇ yawˬ ha aˇ dzehˬ dzeuˇ ni taˬ noeˬ huiˬ. Tsaˬ tsaˬ ni tehꞈ-ehˇ noeˬ-awˬ. Miˬyehˇ neh biꞈ laꞈ-euˬ jah-eu jeˬ aˇ myaˆ ni ahˇ-eu nya lehˇ shaˇ sawˇ-awˇ, yawˬ haˇ yawˬ ha siˬ nya-awˬ.

Lormav 12:6

Miˬyehˇ neh biꞈ laꞈ-euˬ guiˬ lahˬ maˬ duˇ leˇ-eu loꞈ-ehˇ, aˬ dui za taˬ-euˬ maˬ duˇ leˇ-eu laꞈ sawˬ deuˬ-ahˇ, kʼaˇ za taˬ-euˬ loꞈ-ehˇ aˬ dui zmˬ kaˇ-euˇ. Aˬ cawˬ-ahˇ Miˬyehˇ dawˬ kawˬ mehˬ-eu gʼaˇ duˬ laꞈ sawˬ za-euˬ ngeuˇ naˇ, aˬ dui jah gʼaˬ kʼaˇ kʼaˆ-eu naˆ ni mˇ-eu tsaˬ meh.

1 Gawˇliˬtu 12:11

Ehˇ kʼawꞈ, kʼoeˇ deuˬ dawˬ tawˆ luꞈ-ahˇ mˇ nya ni jahˇ-eu gʼaˬ-aˬ, Yaw sahˇ Miˬyehˇ meh. Aˬ yawꞈ neh nui ma kʼaˇ tsaˬ-euˬ loꞈ-ehˇ, tsawˇ haˬ aˬ yawꞈ gʼaˬ yawꞈ-ahˇ beu gaˇ-eu laꞈ sawˬ aˬ yawꞈ biꞈ-euˬ meh.

1 Gawˇliˬtu 12:17

Gʼawˇ mawˇ mawˇ lah-ehˇ myaˆ nuiˆ tiˬ nuiˆ tehꞈ-ehˇ tsoꞈ naˇ, teˇ saˇ gaˬ nya tehꞈ-a loˇ. Naˬ bawˇ tehꞈ-ehˇ tsoꞈ naˇ, yaw saꞈ behꞈ laꞈ nya tehꞈ-a loˇ.

1 Gawˇliˬtu 12:19

Aˇ sehˇ tiˬ sehˇ tehꞈ naˇ, gʼawˇ mawˇ tiˬ mawˇ maˬ pyeuꞈ laˇ nya-a.

1 Gawˇliˬtu 12:24

Ehˇ kʼawꞈ, haw muiˬ-eu aˇ sehˇ deuˬ-ahˇ-aˬ, kʼoeˇ naˆ naˆ-ehˇ ngehˬ gʼeh-eu maˬ loˬ-a. Yaw kʼaˆ-ehˇ maˬ taˬ huiˬ nehˬ-euˬ aˇ sehˇ deuˬ-ahˇ bi taˬ huiˬ dzehˬ-eu gʼaˇ duˬ, Miˬyehˇ neh gʼawˇ mawˇ aˇ sehˇ deuˬ-ahˇ aˬ yawꞈ gaˇ yawꞈ tsaˬ leˇ ni kʼoeˇ loꞈ-ehˇ laˆ tsoꞈ taˬ-euˬ meh.

1 Gawˇliˬtu 12:28

Ka li zaˬ aˇ muˇ laꞈ kʼoeˇ, Miˬyehˇ neh jawˇ duˬ biˇ tsaˬ taˬ-euˬ meh. Gʼaˬ kʼehˇ deuˬ-ahˇ jeˬ hu hu saˬ bi jawˇ-awˇ, kʼoeˇ-euˬ jeˬ nah Miˬyehˇ gʼaˇ duˬ ngeh dah-eu deuˬ-ahˇ bi jawˇ-euˬ meh. Kʼoeˇ-euˬ jeˬ nah mehˬ-eu tsoˆ-eu saˬ laˬ deuˬ-ahˇ bi jawˇ-euˬ meh. Kʼoeˇ naˇ, zahˬ leˇ paˬ-ehˇ gʼeh-eu jeˬ mˇ nya-eu baoˬ biꞈ taˬ-euˬ deuˬ, naˇ gawˇ laˆ taˬ nya-eu baoˬ biꞈ taˬ-euˬ deuˬ, aˬ cawˬ-ahˇ caw ba nehˬ nya-eu deuˬ, Ka li zaˬ aˇ muˇ-euˬ gaˇ-ahˇ haw-eu pyaˆ-eu deuˬ hawˇ-eu, dawˬ gʼawˬ mya jeˬ ngehˬ nya-eu deuˬ-ahˇ tiˬ tiˆ saˇ-iˬ tiˬ tiˆ bi jawˇ ka leꞈ-euˬ meh.

1 Gawˇliˬtu 15:38

Aˇ nuiˆ kʼoeˇ-ahˇ Miˬyehˇ nui ma kʼaˇ tsaˬ-eu loꞈ-ehˇ aˇ bawˬ bi bawˬ laˇ-eu meh. Siˬ yoeˬ aˬ yawꞈ jeˬ yawꞈ-ahˇ geuˇ-eu aˇ bawˬ bi pyeuꞈ laˇ-eu meh.

1 Gawˇliˬtu 3:5

Aˬpawˇluˆ aˬ suˇ gʼaˬ-a. Pawˇluˆ aˬ suˇ gʼaˬ-a. Nga nyaꞈ-aˬ, naw maꞈ jah laˇ ni sheuˬ gʼeh nehˬ-eu Miˬyehˇ-euˬ zaˬ kʼaˆ pyeuꞈ-eu tehꞈ ma. Nyiˬ gʼaˬ luꞈ yawˬ ha-ahˇ Miˬyehˇ neh kʼaˇ bi mˇ laꞈ-euˬ jeˬ mˇ-eu tehꞈ ma.

Eˇpeˇsu 1:5

Miˬyehˇ aˬ dui-ahˇ gaˬ-eu miˇ neh, Yeˬsuˇ Ka li-ahˇ gʼoe-awˇ aˬ dui-ahˇ aˬ yawꞈ-euˬ zaˬ deuˬ bi pyeuꞈ laˇ-eu gʼaˇ duˬ noeˬ tsehˆ taˬ-euˬ meh. Kʼoeˇ loꞈ-ehˇ bi pyeuꞈ laˇ-eu gʼaˇ duˬ aˬ yawꞈ laˬ kʼaˬ cehˇ-awˇ noeˬ tmˬ taˬ-euˬ meh.

Eˇpeˇsu 1:9

aˬ yawꞈ neh noeˬ tmˬ taˬ-euˬ loꞈ-ehˇ Yeˬsuˇ Ka li-ahˇ gʼoe-awˇ mˇ byah-eu gʼaˇ duˬ lehˬ hmˬ taˬ-euˬ zaꞈ taˬ-euˬ jeˬ, aˬ dui-ahˇ bi siˬ bi mawˇ laꞈ-euˬ meh.

Panmaeq 4:11

“Nga maꞈ-euˬ Sahˬpaˬ Miˬyehˇ-oˇ, yawˬ jeˬ na luꞈ nawˬ neh beh-awˇ, nawˬ-euˬ nui kʼahˇ baˬ da baˇ neh, jaˆ luꞈ jawˇ luꞈ-eu baˬ da neh, yaw shehꞈ kʼahˬ sehˇ maˬ ehˇ, taˬ huiˬ taˬ mahˇ-eu jeˬ maˬ ehˇ, baoˬ maˬ ehˇ, nawˇ za geuˇ-eu meh.”