1 Gawˇliˬtu 12:12 - Akha

¹² Ka li-aˬ, aˇ sehˇ gʼawˬ mya sehˇ tsoꞈ-eu gʼawˇ mawˇ tiˬ mawˇ-ahˇ duˇ-eu meh. Maˬ duˇ leˇ-eu aˇ sehˇ deuˬ tsoꞈ luꞈ kʼawꞈ, gʼawˇ mawˇ tiˬ mawˇ tehꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Mawrdo tiq do taef khawf arsaer ghawqmya’ni tsof-eu mae. Mawrdo-euq arsaer deuq ghawqmya’ni tsof-eu khawf, dawqtawvluf mawrdo tiq do taef-aer pyeuf-eu lof-aer, Kali khawf khoerlof-aer dur-eu mae.

1 Gawˇliˬtu 12:12 ပူးပေါင်းရင်းမြစ်များ

1 Gawˇliˬtu 10:17

Aˬ dui tsawˇ haˬ gʼawˬ mya gʼaˬ pyeuꞈ-eu kʼawꞈ, kaˬ muˇ tiˬ yaˆ tehꞈ miˇ neh, gʼawˇ mawˇ tiˬ mawˇ-ahˇ tehꞈ-ehˇ taꞈ-eu meh. Aˬ jeˬ mˇ neh ehˇ naˇ, kaˬ muˇ tiˬ yaˆ-ahˇ tehꞈ-ehˇ aˬ dui taꞈ-eu ma.

1 Gawˇliˬtu 12:20

Nymˬ-mˇ mawˇ luꞈ-eu loꞈ-ehˇ, aˇ sehˇ gʼawˬ mya sehˇ tsoꞈ kʼawꞈ gʼawˇ mawˇ tiˬ mawˇ tehꞈ meh.

1 Gawˇliˬtu 12:27

Naw maꞈ dawˬ tawˆ luꞈ Ka li-euˬ gʼawˇ mawˇ pyeuꞈ-awˇ, aˬ yawꞈ gʼaˬ yawꞈ aˇ sehˇ tiˬ sehˇ-ahˇ duˇ-eu meh.

1 Gawˇliˬtu 12:7

Tsawˇ haˬ dawˬ tawˆ luꞈ-ahˇ gaˇ dahˇ bi tsoeˬ leˇ-eu gʼaˇ duˬ, tsawˇ haˬ aˬ yawꞈ gʼaˬ yawꞈ laꞈ kʼoeˇ Yaw sahˇ Miˬyehˇ tiˬ jeˬ-ehˇ jawˇ luꞈ-eu gaˇ kawˆ siˬ laˇ mawˇ laˇ-eu meh.

Gaˬlaˬtiˆ 3:16

Miˬyehˇ-aˬ, Aˬbyaˬhaˬ hawˇ-eu aˬ yawꞈ-euˬ zaˬ-ahˇ saˇ jaˇ dzaˬ-euˬ meh. Jaˇliꞈ laꞈ kʼoeˇ Aˬbyaˬhaˬ-euˬ “zaˬ deuˬ uˆ deuˬ” lehˇ maˬ ehˇ taˬ-aˬ. Kʼoeˇ miˇ neh tsawˇ haˬ gʼawˬ mya ni-ahˇ saˇ jaˇ dzaˬ-euˬ lehˇ ehˇ mawꞈ-eu maˬ ngeuˇ-a. Aˬbyaˬhaˬ-euˬ “zaˬ” lehˇ, tiˬ gʼaˬ-ahˇ tehꞈ-ehˇ ehˇ taˬ-euˬ meh. Ka li tiˬ gʼaˬ-ahˇ tehꞈ-ehˇ saˇ jaˇ dzaˬ-euˬ gaˇ ehˇ mawꞈ-eu meh.

Eˇpeˇsu 1:23

Ka li zaˬ aˇ muˇ-aˬ, Ka li tiˬ byah ni jawˇ-eu Ka li-euˬ gʼawˇ mawˇ meh. Ka li-aˬ, yawˬ jeˬ na luꞈ-ahˇ yawˬ gaˇ na luꞈ bi byah laˇ-eu gʼaˬ meh.

Eˇpeˇsu 4:12

Ka li-euˬ gʼawˇ mawˇ huiˬ laˇ mahˇ laˇ ni Miˬyehˇ-euˬ gaˇ bi mˇ-eu gʼaˇ duˬ, Miˬyehˇ-euˬ tsawˇ haˬ dawˬ tawˆ luꞈ-ahˇ lehˬ hmˬ laˆ saˆ dah nehˬ-eu lehˇ aˬ yawꞈ kʼoeˇ loꞈ-ehˇ laꞈ sawˬ biꞈ-euˬ meh.

Eˇpeˇsu 4:4

Miˬyehˇ naw maꞈ-ahˇ kuˇ-euˬ kʼoeˇ noeˬ tmˬ duˬ tiˬ jeˬ tehꞈ-ehˇ jaˆ-eu loꞈ-ehˇ, gʼawˇ mawˇ tiˬ mawˇ tehꞈ-ehˇ baw-awˇ, Yaw sahˇ Miˬyehˇ tiˬ gʼaˬ tehꞈ-ehˇ jawˇ-eu meh.

Eˇpeˇsu 5:23

Aˬ jeˬ miˇ neh ehˇ naˇ, Ka li zaˬ aˇ muˇ kʼoeˇ taˆ Ka li uˆ lahˇ-eu baoˬ jaˆ-eu loꞈ-ehˇ, miˬ zaˬ kʼoeˇ taˆ kʼaˬ dzeˇ zaˬ uˆ lahˇ-eu baoˬ jaˆ meh. Ka li-aˬ, Ka li zaˬ aˇ muˇ pyeuꞈ-eu aˬ yawꞈ-euˬ gʼawˇ mawˇ-ahˇ Ka kʼoꞈ-eu yaw sahˇ pyeuꞈ-eu meh.

Eˇpeˇsu 5:30

Aˬ dui-aˬ, Ka li-euˬ gʼawˇ mawˇ-ahˇ tsoꞈ-eu aˇ sehˇ deuˬ pyeuꞈ-eu ma.

Gawˇlawˇsehˇ 1:18

Aˬ yawꞈ-aˬ, aˬ yawꞈ-euˬ gʼawˇ mawˇ pyeuꞈ-eu Ka li zaˬ aˇ muˇ-euˬ uˬ duˬ pyeuꞈ-awˇ, gʼawˇ mawˇ kʼoeˇ-ahˇ yaw dehꞈ bi dehꞈ-eu gʼaˬ pyeuꞈ-eu meh. Kʼaˇ jawˇ kʼaˇ jaˆ-eu jeˬ dawˬ tawˆ luꞈ kʼoeˇ taˆ aˬ yawꞈ huiˬ dzehˬ mahˇ dzeh ni, shiˇ-euˬ gaˇ gʼoꞈ dehꞈ laˇ-euˬ dehꞈ beh beh le-euˬ gʼaˬ pyeuꞈ-eu meh.

Gawˇlawˇsehˇ 1:24

Nymˬ-mˇ naw maꞈ gʼaˇ duˬ ngaˇ ya daˬ luꞈ-eu heu-ahˇ, ngaˇ laˬ kʼaˬ cehˇ ma. Aˬ jeˬ miˇ neh ehˇ naˇ, ngaˬ-euˬ shiˬ shaˬ jiˇ gʼawˇ mawˇ heu loꞈ-ehˇ ya daˬ luꞈ-eu heu-aˬ, Ka li aˬ yawꞈ-euˬ gʼawˇ mawˇ pyeuꞈ-eu Ka li zaˬ aˇ muˇ gʼaˇ duˬ aˬ yawꞈ ya daˬ-euˬ kʼoeˇ maˬ byah laˇ jiˇ-ehˇ jaˆ yaꞈ-euˬ deuˬ bi byah laˇ-eu gʼaˇ duˬ caw ba gaˇ duˇ-eu ma.

Gawˇlawˇsehˇ 2:19

Aˬ yawꞈ maꞈ-aˬ, Ka li zaˬ aˇ muˇ-euˬ uˬ duˬ pyeuꞈ-eu Ka li-ahˇ maˬ paˇ tsoꞈ taꞈ ni byehˇ-euˬ meh. Uˬ duˬ pyeuꞈ-eu Ka li uˆ lahˇ-eu uˬ moˆ gʼawˇ mawˇ mawˇ lah-ehˇ gʼaˬ tiˬ byah ni ahˇ-awˇ, yoeˬ tsuiꞈ yoeˬ laꞈ hawˇ-eu shaˬ guˬ shaˬ caˆ deuˬ neh tiˬ gaˇ gʼeu tawꞈ jiˇ taˬ-euˬ miˇ neh, Miˬyehˇ nui ma tsaˬ-eu loꞈ-ehˇ huiˬ laˇ-eu meh.

Gawˇlawˇsehˇ 3:15

Ka li neh biꞈ-euˬ tsaˬ leˇ dzoeˇ leˇ-eu jeˬ kʼoeˇ-aˬ, naw maꞈ tiˬ jeˬ paˬ mˇ-eu lehˇ noeˬ tsehˆ ngeh naw maꞈ-ahˇ gaˇ ma sheuˬ mehˬ-eu gʼaˇ duˬ pyeuꞈ-eu meh. Aˬ jeˬ miˇ neh ehˇ naˇ, naw maꞈ kʼoeˇ loꞈ-ehˇ tsaˬ leˇ dzoeˇ leˇ-awˇ gʼawˇ mawˇ tiˬ mawˇ tehꞈ-ehˇ pyeuꞈ laˇ-eu gʼaˇ duˬ, Miˬyehˇ neh naw maꞈ-ahˇ kuˇ taˬ-euˬ meh. Naw maꞈ Miˬyehˇ-euˬ guiˬ lahˬ-ahˇ ngehˇ-eu maˬ tsaˬ-a.