1 Gawˇliˬtu 12:11 - Akha

¹¹ Ehˇ kʼawꞈ, kʼoeˇ deuˬ dawˬ tawˆ luꞈ-ahˇ mˇ nya ni jahˇ-eu gʼaˬ-aˬ, Yaw sahˇ Miˬyehˇ meh. Aˬ yawꞈ neh nui ma kʼaˇ tsaˬ-euˬ loꞈ-ehˇ, tsawˇ haˬ aˬ yawꞈ gʼaˬ yawꞈ-ahˇ beu gaˇ-eu laꞈ sawˬ aˬ yawꞈ biꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aerkhawf, heudeuq dawqtawvluf bi pyeuflarni mr-eu ghaq-aq, muiq-eu Saflar mae. Aqyawf nuima tsaq-eu lof-aer, aqyawf ghaq aqyawf-anr daeqbirnaeq taq-euq mae.

1 Gawˇliˬtu 12:11 ပူးပေါင်းရင်းမြစ်များ

Daˬyeˬlaˇ 4:35

Miˇ tsaˬ tsawˇ haˬ dawˬ tawˆ luꞈ-ahˇ, aˬ yawꞈ tsawˇ haˬ maˬ sawˇ nehˬ-a. Mˬ taˆ zaˬ deuˬ, miˇ tsaˬ zaˬ deuˬ, yawꞈ-euˬ laꞈ kʼawˆ uˬ moˆ tehꞈ meh. Yawꞈ nui kʼahˇ maˬ tsahˇ pyawˇ nya-a. Yawꞈ-ahˇ dawˬ poˆ maˬ poˆ nya-a.

Maꞈtehˬ 11:26

Aˬda-oˇ, kʼoeˇ loꞈ-ehˇ bi pyeuꞈ laˇ-eu gʼaˇ duˬ, nawˇ nui ma tsaˬ-eu meh.

Maꞈtehˬ 20:15

Ngaˬ-euˬ pyuˇ ngaˇ noeˬ-euˬ loꞈ-ehˇ maˬ biꞈ kʼmˬ ta loˇ. Ngaˇ aˬ cawˬ-ahˇ gʼawˬ mya ni biꞈ mawꞈ-eu nui ma ahˇ gaˇ naw maꞈ myaˆ naˆ-eu nya loˇ’ lehˇ ehˇ nehˬ-euˬ meh.

Yoˇhaˬ 3:27

Yoˇhaˬ ehˇ-eu, “Tsawˇ haˬ aˬ geu gʼaˬ maˬ kaˬ, Miˬyehˇ neh maˬ biꞈ-euˬ gaˇ tiˬ jeˬ-iˬ maˬ za nya-a.

Yoˇhaˬ 3:8

Jaˬ lehˇ-aˬ, yawˬ ha kʼaˇ baw mawꞈ-eu paw baw gʼeh-eu meh. Jaˬ lehˇ baw-eu teˇ saˇ-ahˇ nawˇ gaˬ nya kʼawꞈ, aˬ gaˇ neh oe-awˇ aˬ geu paw iˇ-eu nawˇ maˬ siˬ nya-a. Yaw sahˇ Miˬyehˇ laꞈ kʼoeˇ dehꞈ le-eu tsawˇ haˬ yawˬ gʼaˬ na luꞈ kʼoeˇ gaˇ duˇ-eu meh.”

Yoˇhaˬ 5:21

Aˬda-aˬ, shiˇ-euˬ tsawˇ haˬ deuˬ-ahˇ bi gʼoꞈ dehꞈ laˇ-awˇ, dehꞈ-eu jeˬ biꞈ-eu loꞈ-ehˇ, Zaˬmaˇ kʼawꞈ, aˬ yawꞈ biꞈ mawꞈ-eu tsawˇ haˬ-ahˇ dehꞈ-eu jeˬ biꞈ-eu meh.

Lormav 12:6

Miˬyehˇ neh biꞈ laꞈ-euˬ guiˬ lahˬ maˬ duˇ leˇ-eu loꞈ-ehˇ, aˬ dui za taˬ-euˬ maˬ duˇ leˇ-eu laꞈ sawˬ deuˬ-ahˇ, kʼaˇ za taˬ-euˬ loꞈ-ehˇ aˬ dui zmˬ kaˇ-euˇ. Aˬ cawˬ-ahˇ Miˬyehˇ dawˬ kawˬ mehˬ-eu gʼaˇ duˬ laꞈ sawˬ za-euˬ ngeuˇ naˇ, aˬ dui jah gʼaˬ kʼaˇ kʼaˆ-eu naˆ ni mˇ-eu tsaˬ meh.

Lormav 9:18

Kʼoeˇ miˇ neh, Miˬyehˇ-aˬ, aˬ yawꞈ gʼawˬ shaˬ gaˬ mawꞈ-eu tsawˇ haˬ-ahˇ gʼaw shaˬ gaˬ-awˇ, aˬ yawꞈ nui ma bi gʼahˇ mawꞈ-eu tsawˇ haˬ-ahˇ nui ma bi gʼahˇ-eu meh.

1 Gawˇliˬtu 12:18

Ehˇ kʼawꞈ, Miˬyehˇ nui ma tsaˬ-eu loꞈ-ehˇ, maˬ duˇ leˇ-eu aˇ sehˇ yawˬ sehˇ na luꞈ-ahˇ nymˬ-mˇ kʼaˇ tsoꞈ luꞈ-eu loꞈ-ehˇ gʼawˇ mawˇ-ahˇ bi tsoꞈ-euˬ meh.

1 Gawˇliˬtu 12:4

Saꞈ laˇ paw za-euˬ laꞈ sawˬ gʼawˬ mya jeˬ jaˆ-eu meh. Ehˇ kʼawꞈ, dawˬ tawˆ luꞈ Yaw sahˇ Miˬyehˇ neh biꞈ leꞈ-euˬ tehꞈ meh.

1 Gawˇliˬtu 12:6

Miˬyehˇ gaˇ mˇ ngeh, tiˬ gʼaˬ tiˇ gʼaˬ mˇ nya-eu jeˬ maˬ duˇ leˇ-a. Ehˇ kʼawꞈ, aˬ yawꞈ gʼaˬ yawꞈ-ahˇ geuˇ-eu bym-eu nya-eu jeˬ, Miˬyehˇ tiˬ gʼaˬ neh tehꞈ-ehˇ biꞈ taˬ-euˬ meh

1 Gawˇliˬtu 7:17

Yawˬ gʼaˬ na luꞈ Miˬyehˇ neh kʼaˇ biˇ oꞈ nehˬ-euˬ loꞈ-ehˇ dehꞈ-awˇ, Miˬyehˇ neh bi kuˇ ngeh kʼaˇ pyeuꞈ luꞈ-eu loꞈ-ehˇ dehꞈ gʼeh-eu tsaˬ meh.

1 Gawˇliˬtu 7:7

Maˇ maˇ ni ya ehˇ naˇ, naw maꞈ dawˬ tawˆ luꞈ ngaˬ loꞈ-ehˇ bi dehꞈ mawꞈ miˇ-a. Ehˇ kʼawꞈ, tsawˇ haˬ yawˬ gʼaˬ na luꞈ-ahˇ aˬ cawˬ-ahˇ biꞈ-euˬ gaˇ maˬ duˇ-eu laꞈ sawˬ Miˬyehˇ biꞈ taˬ-awˇ, tiˬ gʼaˬ tiˬ jeˬ za taˬ-euˬ meh.

2 Gawˇliˬtu 10:13

Ehˇ kʼawꞈ, nga maꞈ-aˬ, aˇ dzehˬ nui paw aˇ dzeuˇ dzeuˇ ni kʼahˬ sehˇ maˬ jehˆ. Miˬyehˇ neh bi mˇ laꞈ-euˬ gaˇ laꞈ kʼoeˇ kʼahˬ sehˇ jehˆ-eu tehꞈ ma. Naw maꞈ nehˬ-ehˇ mˇ luꞈ-eu heu kʼawꞈ, Miˬyehˇ neh bi mˇ laꞈ-euˬ meh.

Eˇpeˇsu 1:11

Dawˬ tawˆ luꞈ Miˬyehˇ neh noeˬ tsehˆ-awˇ lehˬ hmˬ taˬ-euˬ loꞈ-ehˇ pyeuꞈ laˇ-euˬ meh. Aˇ dahˬ beh ngeh neh Miˬyehˇ noeˬ tsehˆ-awˇ lehˬ hmˬ taˬ-euˬ jaˆ-eu miˇ neh, Ka li laꞈ kʼoeˇ aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ aˬ dui -ahˇ tseˇ doˆ-euˬ meh.

Eˇpeˇsu 4:7

Aˬ dui yawˬ gʼaˬ na luꞈ aˬ cawˬ-ahˇ maˬ duˇ-eu laꞈ sawˬ za taˬ-euˬ ma. Kʼoeˇ-aˬ, yawˬ ha-ahˇ kʼaˇ geuˇ-eu loꞈ-ehˇ Ka li neh biꞈ laꞈ-euˬ meh.

HeˬByehˇ 2:4

Miˬyehˇ aˬ yawꞈ kʼawꞈ, aˬ yawꞈ nui ma kʼaˇ tsaˬ-eu loꞈ-ehˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ mˇ-eu uˬ taꞈ, Yaw sahˇ Miˬyehˇ neh biꞈ-euˬ laꞈ sawˬ deuˬ-ahˇ bi za-eu laꞈ kʼoeˇ, aˬ yawꞈ maꞈ nehˬ-ehˇ saˇ kiˇ caw kamˬ luꞈ-eu meh.

Yaˬkoˆ 1:18

Kʼaˇ beh dehꞈ taˬ-euˬ jeˬ dawˬ tawˆ luꞈ laꞈ kʼoeˇ aˬ dui aˬ cawˬ jeˬ hu hu saˬ ya jawˇ ni, aˬ yawꞈ nui ma kʼaˇ tsaˬ-eu loꞈ-ehˇ yaw tsaˬ yaw dawˇ dawˬ-ahˇ gʼoe-awˇ aˬ dui-ahˇ beh dehꞈ taˬ-euˬ meh.