1 Gawˇliˬtu 11:6 - Akha

⁶ Zaˬ miˬ zaˬ-aˬ, uˬ boeˬ maˬ boeˬ ma lehˇ ngeuˇ naˇ, tsehˇ kahˇ tehˬ tsehˆ dzeh paˬ-ehˇ gʼeh-eu meh. Ehˇ kʼawꞈ, uˬ jehˆ jehˆ-eu hawˇ-eu uˬ duˬ tsehˇ kahˇ tehˬ tsehˆ dzeh-eu jeˬ-aˬ, zaˬ miˬ zaˬ gʼaˇ duˬ shaꞈ dawˇ dui dui paˬ-ehˇ gʼeh-eu tiˬ jeˬ pyeuꞈ-eu miˇ neh, uˬ boeˬ boeˬ-eu tsaˬ dzehˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Zaqmiq aqbur uqboeq maq boeqmawf nar-aq, tsaerkanr taeq-eu tsaq mae. Aerkhawf, tsaerkanr taeq-eu hawr-eu uqjaev jaev-eu, zaqmiq aqbur-euq gharduq-aq, shafdawr-eu jeq pyeuf nar-aq, uqboeq boeq-eu tsaq mae.

1 Gawˇliˬtu 11:6 ပူးပေါင်းရင်းမြစ်များ

Bawˇtsahˬ 5:18

Kʼoeˇ naˇ, zaˬ miˬ zaˬ kʼoeˇ gʼaˬ-euˬ uˬ duˬ tsehˇ kahˇ caˆ luˆ puiˇ-awˇ, lawˇ-eu cehˇ meu kʼoeˇ zaˬ miˬ zaˬ kʼoeˇ gʼaˬ-euˬ laꞈ kʼawˆ-ahˇ ya dawˆ ahˇ nehˬ meh. Piˇ ma gʼaˬ-aˬ, yaˬ kʼehˇ yaˬ-eu jeˬ hehˇ leꞈ-eu iˇ cuꞈ yaw kʼaˬ kʼoeˇ shehˆ ahˇ taˬ-euˬ naˬ bo ya yuˇ meh.

Gʼaˬkʼehˇ 18:18

Pawˇluˆ-aˬ, Gawˇliˬtu meuˬ-ahˇ jawˇ-eu jah-eu tsawˇ haˬ deuˬ nehˬ-ehˇ gʼawˬ mya nah paˇ jawˇ-euˬ meh. Kʼoeˇ naˇ, aˬ yawꞈ maꞈ-ahˇ gʼawˬ-iˇ-awˇ, Biˇgiˇla hawˇ-eu Aˬguˇla aˬ nyaꞈ nehˬ-ehˇ tiˬ kawˆ loꞈ-ehˇ saˇ baoˬ dziˬ-awˇ, Suˇliˆ miˇ kʼahˬ-ahˇ iˇ-euˬ meh. Geˬjeˬ meuˬ-ahˇ iˇ keuˆ ngeh, aˬ yawꞈ dawˬ ma saˇ jaˇ dzaˬ-eu laꞈ kʼoeˇ uˬ jehˆ jehˆ dzeh-euˬ meh.

1 Gawˇliˬtu 11:5

Ehˇ kʼawꞈ, zaˬ miˬ zaˬ tiˬ gʼaˬ tsawˇ haˬ gʼawˬ mya ni uiˬ leˇ-awˇ uˬ duˬ tahˬ gaˇ guiˬ lahˬ shaˇ-awˇ sheuˬ gʼeh-eu maˬ kaˬ, dawˬ mehˬ mehˬ-eu maˬ kaˬ, uˬ boeˬ maˬ boeˬ taˬ naˇ, yawˬ ha-euˬ uˬ duˬ pyeuꞈ-eu yawˬ ha-euˬ kʼaˬ dzeˇ zaˬ-ahˇ yaw zeu maˬ baw gaˇ duˇ-eu meh. Aˬ yawꞈ-aˬ, uˬ jehˆ jehˆ dzeh-euˬ zaˬ miˬ zaˬ tiˬ gʼaˬ-ahˇ duˇ tsehˆ tsehˆ-euˬ meh.

1 Gawˇliˬtu 11:7

Kʼaˬ dzeˇ zaˬ-aˬ, uˬ dzahˬ dzahˬ-eu maˬ loˬ-a. Aˬ jeˬ miˇ neh ehˇ naˇ, aˬ yawꞈ-aˬ Miˬyehˇ-euˬ myaˆ pyawˬ naˇ mehˇ pyeuꞈ-eu meh. Ehˇ kʼawꞈ, zaˬ miˬ zaˬ-aˬ kʼaˬ dzeˇ zaˬ-euˬ myaˇ pyawˬ naˇ mehˇ pyeuꞈ-eu meh.

Dawˬmehˬ 22:5

“Zaˬ miˬ zaˬ deuˬ kʼaˬ dzeˇ zaˬ deuˬ-euˬ mehˬ tsoeˬ maˬ ya dm-a. Kʼaˬ dzeˇ zaˬ deuˬ kʼawꞈ zaˬ miˬ zaˬ deuˬ-euˬ mehˬ tsoeˬ maˬ ya dm-a. Kʼoeˇ loꞈ-ehˇ jahˇ-eu tsawˇ haˬ-ahˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ bye-eu meh.