1 Gawˇliˬtu 11:5 - Akha

⁵ Ehˇ kʼawꞈ, zaˬ miˬ zaˬ tiˬ gʼaˬ tsawˇ haˬ gʼawˬ mya ni uiˬ leˇ-awˇ uˬ duˬ tahˬ gaˇ guiˬ lahˬ shaˇ-awˇ sheuˬ gʼeh-eu maˬ kaˬ, dawˬ mehˬ mehˬ-eu maˬ kaˬ, uˬ boeˬ maˬ boeˬ taˬ naˇ, yawˬ ha-euˬ uˬ duˬ pyeuꞈ-eu yawˬ ha-euˬ kʼaˬ dzeˇ zaˬ-ahˇ yaw zeu maˬ baw gaˇ duˇ-eu meh. Aˬ yawꞈ-aˬ, uˬ jehˆ jehˆ dzeh-euˬ zaˬ miˬ zaˬ tiˬ gʼaˬ-ahˇ duˇ tsehˆ tsehˆ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aerkhawf, zaqmiq aqbur aqgeu ghaq maqkaq, guiqlanqshar ngae hawr-eu Miqyaer gharduq ngaeqdan ngae, uqboeq maqboeq-eu ghaq-aq, yawqha-euq uqduq-anr yaeqbawq-aer janr-eu jeq pyeuf-eu mae. Aqjeq mirnae aernar-aq, aqyawf uqboeq maqboeq nar-aq, aqyawf-euq uqduq jaevdzae-euq lof-aer dur-eu mae.

1 Gawˇliˬtu 11:5 ပူးပေါင်းရင်းမြစ်များ

Iˇsaˬyaˇ 47:2

Kʼaˬ lo lo lehˬ ngawˬ-awˇ cehˇ meu lehˬ-awˬ. Uˬ boeˬ lehˆ-awˇ, mehˬ tsoeˬ yaw muiˬ lehˆ-awˬ. Laˬ gʼaˬ sheu luiˆ daˆ-awˇ lawˇ baˬ tsehˆ-awˬ.

Luˇkaꞈ 2:36

Aˬ shaˬ tsawˇ jeuˬ Paˬnoeˬlaˇ-euˬ aˬ buˇ Aˬnaˬ lehˇ kuˇ-eu, Miˬyehˇ gʼaˇ duˬ ngeh dah-eu zaˬ miˬ zaˬ tiˬ gʼaˬ jawˇ-eu meh. Aˬ yawꞈ-aˬ, mawˬ dui dui laˇ-euˬ meh. Aˬ yawꞈ smˇ miˇ iˇ-awˇ, kʼaˬ dzeˇ zaˬ nehˬ-ehˇ shiꞈ kʼoꞈ tehꞈ-ehˇ ya dehꞈ taꞈ yaꞈ-euˬ meh.

Gʼaˬkʼehˇ 2:17

‘Miˬyehˇ neh ehˇ taˬ-euˬ dawˬ-aˬ, Aˇ saˬ saˬ-eu aˇ nah keuˆ ngeh, tsawˇ haˬ yawˬ gʼaˬ na luꞈ kʼoeˇ taˆ, ngaˬ-euˬ Yaw sahˇ shehˆ daˆ nehˬ ma. Naw maꞈ-euˬ aˬ buˇ aˬ li deuˬ, ngaˬ-euˬ gʼaˇ duˬ ngehˬ dah tehꞈ-a. Naw maꞈ-euˬ tsawˇ haˬ zaˬ guˬ deuˬ, Yaw sahˇ mehˬ-eu jeˬ ya mawˇ-awˇ, naw maꞈ-euˬ tsawˇ mawˬ tsawˇ kʼaˆ deuˬ, yuꞈ maˆ gʼawˬ mya jeˬ maˆ tehꞈ-a.

Gʼaˬkʼehˇ 21:9

Aˬ yawꞈ-aˬ, Miˬyehˇ gʼaˇ duˬ ngehˬ dah-eu smˇ miˇ maˬ iˇ-euˬ aˬ buˇ oeˬ buˇ jawˇ-eu meh.

1 Gawˇliˬtu 11:4

Kʼaˬ dzeˇ zaˬ tiˬ gʼaˬ tsawˇ haˬ gʼawˬ mya ni uiˬ leˇ-awˇ uˬ duˬ tahˬ gaˇ guiˬ lahˬ shaˇ-awˇ sheuˬ gʼeh-eu maˬ kaˬ, dawˬ mehˬ mehˬ-eu maˬ kaˬ, uˬ dzahˬ dzahˬ naˇ, yawˬ ha-euˬ uˬ duˬ pyeuꞈ-eu Ka li-ahˇ yaw zeu maˬ baw gaˇ duˇ-eu meh.

1 Gawˇliˬtu 11:6

Zaˬ miˬ zaˬ-aˬ, uˬ boeˬ maˬ boeˬ ma lehˇ ngeuˇ naˇ, tsehˇ kahˇ tehˬ tsehˆ dzeh paˬ-ehˇ gʼeh-eu meh. Ehˇ kʼawꞈ, uˬ jehˆ jehˆ-eu hawˇ-eu uˬ duˬ tsehˇ kahˇ tehˬ tsehˆ dzeh-eu jeˬ-aˬ, zaˬ miˬ zaˬ gʼaˇ duˬ shaꞈ dawˇ dui dui paˬ-ehˇ gʼeh-eu tiˬ jeˬ pyeuꞈ-eu miˇ neh, uˬ boeˬ boeˬ-eu tsaˬ dzehˬ meh.

1 Gawˇliˬtu 14:34

zaˬ miˬ zaˬ deuˬ-aˬ, Ka li zaˬ aˇ muˇ uiˬ leˇ ngeh ciˬ cuˇ ni ya jawˇ meh. Yuˇdaˆ tsawˇ haˬ-euˬ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ, aˬ yawꞈ maꞈ dawˬ maˬ ya ngehˬ-a. Aˬ cawˬ-euˬ laꞈ oꞈ ya awꞈ-eu meh.

Dawˬmehˬ 21:12

Aˬ yawꞈ-ahˇ nawˬ-euˬ nymˇ-ahˇ sheuˬ kʼoꞈ gʼeh-awˇ, aˬ yawꞈ-euˬ uˬ duˬ tsehˇ kahˇ bi jehˆ dzeh-awˇ, laꞈ sahˬ kʼawꞈ bi tehˬ dzeh-awˬ.