1 Gawˇliˬtu 11:30 - Akha

³⁰ Kʼoeˇ loꞈ-ehˇ gʼeh-eu baˬ da neh, naw maꞈ gʼawˬ mya ni gʼaˬ baˬ-awˇ naˇ-eu laꞈ kʼoeˇ, tiˬ paˆ na deuˬ shiˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ Khoermirnae, nawmaf-euq lafkhoer ghawqmya ghaq, ghaq maqanr-aer narluf-eu uqtaf, heumyav ghaq shir-euq mae.

1 Gawˇliˬtu 11:30 ပူးပေါင်းရင်းမြစ်များ

Doˆ-iˇ 15:26

Aˬ yawꞈ ehˇ-eu “Ngaˬ-euˬ dawˬ-ahˇ naw maꞈ tuˆ tehˬ taˬ-awˇ, ngaˬ neh tsaˬ meh lehˇ noeˬ-euˬ jeˬ-ahˇnaw maꞈ mˇ-eu laꞈ kʼoeˇ, ngaˬ-euˬ ehˇ dawˬ-ahˇ naw maꞈ tiˬ byah tiˬ loꞈ naˇ haˬ geuꞈ naˇ, Iˇjiˇtuˆ tsawˇ haˬ kʼoeˇ taˆ bi keuˆ le-euˬ shaˬ zahˬ naˇ gawˇ kʼoeˇ deuˬ naw maꞈ kʼoeˇ taˆ bi keuˆ le-eu laꞈ kʼoeˇ, naw maꞈ-ahˇ kʼehˬ nehˬ kʼaˆ nehˬ-eu jeˬ ngaˇ maˬ mˇ. Ngaˇ-aˬ, naw maꞈ-ahˇ laˆ taˬ nehˬ-eu Sahˬpaˬ Miˬyehˇ pyeuꞈ-eu ma.”

Aˬmoˆ 3:2

“Miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ laꞈ kʼoeˇ, naw maꞈ-ahˇ tehꞈ-ehˇ ngaˇ myaˆ pyawˬ pyuˇ-awˇ ngehˬ gʼeh nehˬ-euˬ ma. Kʼoeˇ miˇ neh naw maꞈ iˬ baˇ mˇ ngeh ngaˬ-euˬ nui ma-ahˇ zaw dui dui laˇ-awˇ, kʼoeˇ loꞈ-ehˇ iˬ baˇ mˇ-euˬ aˇ poeˬ naw maꞈ-ahˇ ngaˇ ya kʼehˬ nehˬ meh.”

Bawˇtsahˬ 20:12

Ehˇ kʼawꞈ, Moˇseˬ hawˇ-eu Aˬloˬ aˬ nyaꞈ-ahˇ Sahˬpaˬ Miˬyehˇ nui ma maˬ saˇ-ehˇ ehˇ-eu, “Naw nyaꞈ-aˬ, ngaˬ-ahˇ jah-eu maˬ byah maˬ loꞈ-euˬ laꞈ kʼoeˇ, Iˇsaˬleˬlaˆ tsawˇ haˬ heu myaˆ ni gʼeh-eu mehˬ shi, ngaˬ-euˬ muiˬ-eu shawˇ-eu baoˬ-ahˇ yaw zeu maˬ baw-eu miˇ neh, tsawˇ haˬ heu deuˬ-ahˇ biꞈ ma lehˇ ngaˬ neh saˇ jaˇ dzaˬ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ naw nyaꞈ maˬ paˇ ya sheuˬ uˇ gʼeh meh.”

Bawˇtsahˬ 20:24

“Iˇsaˬleˬlaˆ tsawˇ jeuˬ-ahˇ ngaˬ neh saˇ jaˇ dzaˬ taˬ-euˬ miˇ kʼahˬ-ahˇ, Aˬloˬ maˬ paˇ ya le keuˆ meh. Aˬ yawꞈ ziˇ jiˇ yamˬ keuˆ le taˬ-euˬ meh. Aˬ jeˬ miˇ neh ehˇ naˇ, Meˬliˇbaˬ lehˇ kuˇ-eu jawˇ duˬ-ahˇ ngaˬ-euˬ dawˬ-ahˇ naw nyaꞈ puiˬ-euˬ meh.

Gʼaˬkʼehˇ 13:36

Daˬbiˇ-aˬ, aˬ yawꞈ-euˬ tiˬ ziˇ Miˬyehˇ-euˬ nui kʼahˇ mˇ-awˇ, aˬ yawꞈ shiˇ ngeh, aˬ yawꞈ-euˬ aˬ poeˬ aˬ bawˇ deuˬ nehˬ-ehˇ bi baꞈ pahˬ-awˇ, aˬ yawꞈ-euˬ gʼawˇ mawˇ lmˬ bymˇ laꞈ kʼoeˇ buꞈ-iˇ-euˬ meh.

Gʼaˬkʼehˇ 7:60

Aˬ yawꞈ pawˬ tsuiꞈ pawˬ dmˬ ga dmˬ-awˇ, “Sahˬpaˬ-oˇ, aˬ yawꞈ maꞈ neh mˇ-euˬ yaw lehˬ heu, aˬ yawꞈ maꞈ-ahˇ iˬ baˇ taˬ taˬ nehˬ.” lehˇ ehˇ-eu meh. Aˬ yawꞈ kʼoeˇ loꞈ-ehˇ ehˇ gʼaˬ-awˇ shiˇ tsehˆ-euˬ meh.

1 Gawˇliˬtu 11:29

Aˬ jeˬ miˇ neh ehˇ naˇ, heu-aˬ, Sahˬpaˬ Yeˬsuˇ-euˬ gʼawˇ mawˇ meh lehˇ maˬ noeˬ siˬ-ehˇ kaˬ muˇ dzaˬ-awˇ kʼmˬ maˬ ciˬ dawˇ naˇ, kʼoeˇ loꞈ-ehˇ dzaˬ-euˬ dawˇ-euˬ baˬ da neh yawˬ ha kʼoeˇ taˆ iˬ baˇ keuˆ le ni mˇ gaˇ duˇ-eu meh.

1 Gawˇliˬtu 11:31

Aˬ dui yawˬ haˇ yawˬ ha jeˬ huˬ shaˇ sawˇ naˇ, Miˬyehˇ neh yaˇ kʼaˬ daˇ-euˬ jeˬ-ahˇ maˬ ya daˬ-aˇ.

1 Gawˇliˬtu 11:32

Ehˇ kʼawꞈ, Sahˬpaˬ Yeˬsuˇ aˬ dui-ahˇ yaˇ kʼaˬ daˇ-awˇ kʼehˬ nehˬ laꞈ-eu kʼoeˇ-aˬ, miˇ tsaˬ zaˬ deuˬ nehˬ-ehˇ tiˬ kawˆ loꞈ-ehˇ yaˇ kʼaˬ daˇ nehˬ-eu jeˬ-ahˇ maˬ bi daˬ-eu gʼaˇ duˬ pyeuꞈ-eu meh.

1 Gawˇliˬtu 15:51

Naˇ haˬ-awˬ. Zaꞈ taˬ-euˬ yaw tsaˬ yaw dawˇ jeˬ ngaˇ naw maꞈ-ahˇ ehˇ nehˬ nyaˇ. Aˬ dui dawˬ tawˆ luꞈ ya shiˇ jiˇ-eu maˬ ngeuˇ-aˇ. Ehˇ kʼawꞈ, aˬ dui dawˬ tawˆ luꞈ-ahˇ yaw shuiꞈ bi paˇ laˇ jiˇ tehꞈ-a.

1 Teˇsaˬloˇni 4:14

Yeˬsuˇ shiˇ-awˇ paˇ gʼoꞈ dehꞈ laˇ-euˬ meh lehˇ aˬ dui jah-eu ma. Kʼoeˇ miˇ neh, Yeˬsuˇ-ahˇ jah jah-ehˇ shiˇ-euˬ tsawˇ haˬ deuˬ-ahˇ Yeˬsuˇ nehˬ-ehˇ tiˬ kawˆ loꞈ-ehˇ Miˬyehˇ sheuˬ kʼoꞈ laꞈ tehꞈ-a lehˇ aˬ dui jah-eu ma.

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.