1 Gawˇliˬtu 11:29 - Akha

²⁹ Aˬ jeˬ miˇ neh ehˇ naˇ, heu-aˬ, Sahˬpaˬ Yeˬsuˇ-euˬ gʼawˇ mawˇ meh lehˇ maˬ noeˬ siˬ-ehˇ kaˬ muˇ dzaˬ-awˇ kʼmˬ maˬ ciˬ dawˇ naˇ, kʼoeˇ loꞈ-ehˇ dzaˬ-euˬ dawˇ-euˬ baˬ da neh yawˬ ha kʼoeˇ taˆ iˬ baˇ keuˆ le ni mˇ gaˇ duˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Aqjeq mirnae aernar-aq, aqgeu ghaq maqkaq, Yeqsur-euq mawrdo-anr maq noeqsiq maq noeqmawr-aer dzaq-awr dawr nar-aq, yawqhar yawqha yarkhaq dar-eu jeq bi keuvleni dzaq-awr dawr-eu mae.

1 Gawˇliˬtu 11:29 ပူးပေါင်းရင်းမြစ်များ

Dawˬ tsoˆ 8:5

Aˬ yawꞈ-euˬ dawˬ-ahˇ kʼaˇ naˇ haˬ kʼoeˇ keuˆ ni, yaw dehꞈ dehꞈ-eu kʼahˬ lahˇ kʼaˇ maˬ za-a. Zaˬ siˬ tsawˇ gahˇ ahˇ-eu deuˬ, aˬ yawꞈ nui ma tsaˬ ni aˬ joˆ-ehˇ ya dehꞈ ya jawˇ-eu aˇ tsuiꞈ aˇ law siˬ nya-eu meh.

Luˇkaꞈ 7:34

Tsawˇ haˬ-euˬ zaˬ maˇ oe ngeh jawˇ, dzaˬ-eu jeˬ dzaˬ-awˇ, aˬ gaꞈ dzaˇ uiˇ gʼeh dawˇ-eu miˇneh, naw maꞈ heu loꞈ-ehˇ ehˇ-eu meh. ‘Tsawˇ haˬ heu gʼaˬ-ahˇ haw sheˇ. Baw tsoꞈ loꞈ-ehˇ dzaˬ-awˇ dawˇ-awˇ, kawˬ taꞈ-eu tsawˇ haˬ deuˬ hawˇ-eu iˬ baˇ zaˬ lehˇ sawˇ dzeh taˬ-euˬ deuˬ nehˬ-ehˇ cawˬ cawˬ taꞈ-eu nga.’

Lormav 13:2

Uˆ lahˇ luꞈ-eu sahˬ paˬ sahˬ ma deuˬ-ahˇ kʼaˇ puiˬ-eu tsawˇ haˬ-aˬ, Miˬyehˇ neh mˇ taˬ-euˬ jeˬ-ahˇ puiˬ gaˇ duˇ-eu meh. Kʼoeˇ loꞈ-ehˇ kʼaˇ puiˬ-eu tsawˇ haˬ aˬ geu gʼaˬ maˬ kaˬ, yawˬ haˇ yawˬ ha yaˇ kʼaˬ daˇ gaˇ duˇ-eu meh.

1 Gawˇliˬtu 11:24

Miˬyehˇ-euˬ guiˬ lahˬ-ahˇ ja ceuˬ-euˬ meh. Kʼoeˇ naˇ, kaˬ muˇ kʼoeˇ ngawˬ pyehˬ-awˇ, “Heu-aˬ, naw maꞈ-euˬ gʼaˇ duˬ pyeuꞈ-eu ngaˬ-euˬ gʼawˇ mawˇ ma. Ngaˬ-ahˇ noeˬ keuˆ-eu laꞈ kʼoeˇ heu loꞈ-ehˇ mˇ-awˬ” lehˇ ehˇ-euˬ meh.

1 Gawˇliˬtu 11:27

Sahˬpaˬ Yeˬsuˇ-ahˇ yaw zeu maˬ baw-eu laꞈ kʼoeˇ aˬ yawꞈ-euˬ kaˬ muˇ dzaˬ-awˇ aˬ yawꞈ-euˬ kʼmˬ maˬ kʼaˇ ciˬ dawˇ-eu tsawˇ haˬ-aˬ, Sahˬpaˬ Yeˬsuˇ-euˬ gʼawˇ mawˇ hawˇ-eu shiˬ-ahˇ yehˬ bawˬ sehˇ lu-ehˇ gʼeh-eu iˬ baˇ ahˇ-eu meh.

1 Gawˇliˬtu 11:28

Kʼoeˇ miˇ neh, tsawˇ haˬ yawˬ gʼaˬ na luꞈ yawˬ haˇ yawˬ ha jeˬ huˬ shaˇ sawˇ gʼaˬ miˇ tsa, kaˬ muˇ dzaˬ-awˇ kʼmˬ maˬ ciˬ dawˇ-eu tsaˬ meh.

1 Gawˇliˬtu 11:30

Kʼoeˇ loꞈ-ehˇ gʼeh-eu baˬ da neh, naw maꞈ gʼawˬ mya ni gʼaˬ baˬ-awˇ naˇ-eu laꞈ kʼoeˇ, tiˬ paˆ na deuˬ shiˇ-eu meh.

HeˬByehˇ 5:14

Dzaˇ yaw gʼahˇ-aˬ, yaw muiˬ yaw doeˇ tseˇ paˆ geuꞈ nya-eu huiˬ loˆ laˇ-euˬ tsawˇ haˬ deuˬ-euˬ gʼaˇ duˬ meh.

Yaˬkoˆ 3:1

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ mehˬ-eu tsoˆ-eu saˬ laˬ gʼawˬ mya gʼaˬ geuꞈ-eu maˬ tsaˬ-a. Naw maꞈ siˬ nya-eu loꞈ-ehˇ, mehˬ-eu tsoˆ-eu saˬ laˬ deuˬ-aˬ, aˬ cawˬ naˆ maˬ tseˇ bi pyehˆ tseˇ-awˇ yaˇ kʼaˬ daˇ nehˬ gaˇ ya daˬ tehꞈ-a.

Yaˬkoˆ 5:12

Aˬ yuiꞈ aˬ nyiˇ Ka li zaˬ deuˬ-oˇ, dawˬ tawˆ luꞈ kʼoeˇ taˆ naw maꞈ yahˇ paˬ-ehˇ gʼeh-eu jeˬ-aˬ, naw maꞈ tiˬ jeˬ paˬ saˇ jaˇ dzaˬ ngeh kamˬ-eu jeˬ taˬ jahˇ. Mˬ-ahˇ gʼoe-awˇ maˬ ehˇ, miˇ tsaˬ-ahˇ gʼoe-awˇ maˬ ehˇ, aˬ geu jeˬ-ahˇ gʼoe-awˇ maˬ ehˇ, taˬ kamˬ. Ngeuˇ naˇ, “Ngeuˇ ma”, maˬ ngeuˇ naˇ, “Maˬ ngeuˇ” lehˇ tehꞈ-ehˇ ehˇ-awˬ. Koeˇ loꞈ-ehˇ jahˇ naˇ, Miˬyehˇ neh yaˇ kʼaˬ daˇ-euˬ jeˬ-ahˇ naw maꞈ maˬ ya daˬ-aˇ.