1 Gawˇliˬtu 11:27 - Akha

²⁷ Sahˬpaˬ Yeˬsuˇ-ahˇ yaw zeu maˬ baw-eu laꞈ kʼoeˇ aˬ yawꞈ-euˬ kaˬ muˇ dzaˬ-awˇ aˬ yawꞈ-euˬ kʼmˬ maˬ kʼaˇ ciˬ dawˇ-eu tsawˇ haˬ-aˬ, Sahˬpaˬ Yeˬsuˇ-euˬ gʼawˇ mawˇ hawˇ-eu shiˬ-ahˇ yehˬ bawˬ sehˇ lu-ehˇ gʼeh-eu iˬ baˇ ahˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Khoermirnae, aqgeu ghaq maqkaq, yawzeu maqbawni Sanqpaq Yeqsur-euq kaqmur dzaq-awr, khmqmaq ciqdawr nar-aq, Sanqpaq Yeqsur-euq mawrdo hawr-eu shiq-anr mrbanq-euq mae.

1 Gawˇliˬtu 11:27 ပူးပေါင်းရင်းမြစ်များ

Bawˇtsahˬ 9:10

“Iˇsaˬleˬlaˆ tsawˇ haˬ-ahˇ heu loꞈ-ehˇ ehˇ nehˬ-awˬ. Naw maꞈ maˬ kaˬ, naw maꞈ-euˬ zaˬ deuˬ uˆ deuˬ maˬ kaˬ, tsawˇ haˬ tiˬ gʼaˬ na shiˇ taˬ-euˬ tiˬ jeˬ paˬ-ahˇ toeˬ ciˆ-euˬ miˇ neh maˬ shawˇ-eu maˬ ehˇ, gaˇ mahˇ kaˬ gaˇ gaˇ ma doˆ-iˇ-euˬ maˬ ehˇ, Baˬsaˬkaˬ Bawˬ-iˬ heu loꞈ-ehˇ gʼeh nya meh.

Bawˇtsahˬ 9:13

Ehˇ kʼawꞈ, tsawˇ haˬ aˬ geu gʼaˬ maˬ kaˬ, zahˇ sahˇ kʼoꞈ-ahˇ taꞈ leˇ-eu laꞈ kʼoeˇ shawˇ-eu tsawˇ haˬ pyeuꞈ-eu uˬ taꞈ, gaˇ ma maˬ doˆ-iˇ-euˬ kʼawꞈ, Baˬsaˬkaˬ Bawˬ-iˬ maˬ gʼeh ni jawˇ naˇ, ngaˬ-euˬ tsawˇ haˬ lehˇ maˬ paˇ sawˇ nya meh. Aˬ jeˬ miˇ neh ehˇ naˇ, nah tsaˬ tsoˆ taˬ-euˬ aˇ yamˬ-ahˇ, ngaˬ-ahˇ lawˇ-eu shehˇ-eu jeˬ aˬ yawꞈ maˬ mˇ-a. Aˬ yawꞈ-euˬ iˬ baˇ baˬ da neh kʼaˇ pyeuꞈ laˇ-euˬ jeˬ-ahˇ aˬ yawꞈ ya daˬ meh.

Maꞈtehˬ 22:11

“Sahˬ paˬ kʼoeˇ gʼaˬ uˇ le-awˇ, daˬ yah deuˬ-ahˇ haw le ngeh, oeˇ mˇ baˇ gaˇ laˇ ngeh ya dm-eu mehˬ tsoeˬ maˬ dm taˬ-euˬ tsawˇ haˬ tiˬ gʼaˬ-ahˇ haw mawˇ-euˬ meh.

Yoˇhaˬ 6:51

Ngaˇ-aˬ, mˬ kʼoeˇ taˆ neh oe-euˬ dehꞈ luꞈ-eu kaˬ muˇ ma. Kaˬ muˇ heu-ahˇ kʼaˇ dzaˬ-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ tehꞈ-a. Ngaˇ biꞈ-eu kaˬ muˇ-aˬ, ngaˬ-euˬ gʼawˇ mawˇ ma. Miˇ tsaˬ zaˬ deuˬ saꞈ laˇ dehꞈ-eu jeˬ za ni biꞈ-eu ma.”

1 Gawˇliˬtu 10:21

Sahˬpaˬ Yeˬsuˇ-euˬ kʼmˬ maˬ hawˇ-eu nehꞈ-euˬ kʼmˬ maˬ heu nyiˬ jeˬ luꞈ-ahˇ naw maꞈ maˬ dawˇ nya-a. Sahˬpaˬ Yeˬsuˇ-euˬ hawˬ jeh hawˇ-eu nehꞈ-euˬ hawˬ jeh heu nyiˬ jeˬ luꞈ-ahˇ naw maꞈ maˬ dzaˬ nya-a.

1 Gawˇliˬtu 11:29

Aˬ jeˬ miˇ neh ehˇ naˇ, heu-aˬ, Sahˬpaˬ Yeˬsuˇ-euˬ gʼawˇ mawˇ meh lehˇ maˬ noeˬ siˬ-ehˇ kaˬ muˇ dzaˬ-awˇ kʼmˬ maˬ ciˬ dawˇ naˇ, kʼoeˇ loꞈ-ehˇ dzaˬ-euˬ dawˇ-euˬ baˬ da neh yawˬ ha kʼoeˇ taˆ iˬ baˇ keuˆ le ni mˇ gaˇ duˇ-eu meh.

HeˬByehˇ 10:29

Toˆ-ehˇ ngeuˇ naˇ, Miˬyehˇ-euˬ Zaˬ maˇ-ahˇ nawˬ tehˬ taˬ-awˇ, yawˬ ha-euˬ iˬ baˇ-ahˇ shawˇ nehˬ-euˬ Miˬyehˇ-euˬ dawˬ ma saˇ jaˇ shiˬ-ahˇ poeˬ sawˇ lawˬ maˬ baw-eu loꞈ-ehˇ sawˇ-awˇ, Miˬyehˇ gʼawˬ shaˬ gaˬ-eu guiˬ lahˬ yaw dzahˇ mehˬ nehˬ laꞈ-euˬ Yaw sahˇ Miˬyehˇ-ahˇ yehˬ bawˬ sehˇ lu-ehˇ ehˇ-eu tsawˇ haˬ-aˬ, aˇ naˆ ni doeˇ dzehˬ-eu kʼehˬ-eu kʼaˆ-eu jeˬ-ahˇ ya daˬ nmˇ lehˇ shaˇ noeˬ haw-awˬ.