1 Gawˇliˬtu 11:22 - Akha

²² Naw maꞈ kʼoeˇ loꞈ-ehˇ dzaˬ-eu dawˇ-eu gʼaˇ duˬ yawˬ ha-euˬ nymˇ maˬ baw te loˇ. Maˬ ngeuˇ naˇ, naw maꞈ Miˬyehˇ-euˬ Ka li zaˬ aˇ muˇ-ahˇ yehˬ bawˬ sehˇ lu-ehˇ gʼeh-awˇ, shaˬ zaˬ zahˬ zaˬ deuˬ bi shaꞈ dawˇ-eu gʼaˇ duˬ jahˇ te loˇ. Gaˇ kawˆ heu hmˬ-ahˇ taꞈ leˇ-awˇ, ngaˇ aˬ joˆ-ehˇ ehˇ laˇ gaˇ naw maꞈ gaˬ mawꞈ-eu nya. Ja ceuˬ nehˬ laꞈ-eu dawˬ-ahˇ gaˬ mawꞈ-eu nya loˇ. Maˬ ja ceuˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Nawmaf dzaq-awr dawr-eu gharduq, nymr maqjav-eu le lor? Maqngeur nar-aq, Miqyaer-euq Kalizaq armur-anr yaeqbawq-aer janr-awr, dzaqdzaq dawrdawr maqjav-eu deuq bi shafdawr-ir-eu laer janr-eu le laq? Ngar, nawmaf-anr aqjox-aer aernaeq-eu tsaq-eu la? Nawmaf khoerlof-aer janr-eu khawf, ngar, nawmaf-anr ya jaceuq taef-a lor? Ngar, nawmaf-anr maq jaceuq.

1 Gawˇliˬtu 11:22 ပူးပေါင်းရင်းမြစ်များ

Dawqdaq 17:5

Iˇ shaˬ zaˬ-ahˇ dawˬ doeˇ ngehˬ-eu jeˬ, beh-euˬ yaw sahˇ-ahˇ coeˬ leˇ-awˇ, tsawˬ toeˬ iˇ gaˇ kʼaˬ lo lahˬ nehˬ-eu deuˬ, kʼehˬ-eu kʼaˆ-eu jeˬ-ahˇ maˬ dzeuˇ-iˇ-a.

Gʼaˬkʼehˇ 20:28

Kʼoeˇ miˇ neh, naw maꞈ-euˬ gʼawˇ mawˇ yaw muiˬ paˬ-ehˇ yahˇ-awˇ dehꞈ-eu uˬ taꞈ, Muiˬ-eu shawˇ-eu Yaw sahˇ Miˬyehˇ neh naw maꞈ-ahˇ a nehˬ-awˇ bi haw bi pyaˆ-euˬ yawˇ yawˇ maꞈ-ahˇ yaw muiˬ paˬ-ehˇ bo saˆ haw piˇ-awˬ. Miˬyehˇ neh aˬ yawꞈ-euˬ Zaˬmaˇ bi shiˇ dah-awˇ zeuˇ tsehˆ taˬ-euˬ aˬ yawꞈ-euˬ Ka li zaˬ aˇ muˇ-ahˇ yawˇ bo-eu loꞈ-ehˇ bo-awˬ.

1 Gawˇliˬtu 10:32

Yuˇdaˆ tsawˇ haˬ deuˬ-ahˇ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ-ahˇ maˬ ehˇ, Miˬyehˇ-euˬ Ka li zaˬ aˇ muˇ-ahˇ maˬ ehˇ, coeˬ-eu ciˆ-eu jeˬ maˬ mˇ ni dehꞈ-awˬ.

1 Gawˇliˬtu 11:17

Ehˇ kʼawꞈ, laꞈ oˆ paw mehˬ taˬ tsoˆ taˬ-euˬ gaˇ kawˆ-ahˇ taꞈ leˇ-awˇ, naw maꞈ-ahˇ ngaˇ maˬ ja ceuˬ. Aˬ jeˬ miˇ neh ehˇ naˇ, naw maꞈ tiˬ gaˇ uiˬleˇ-awˇ uˬ duˬ tahˬ-eu kʼoeˇ-aˬ, yaw muiˬ jeˬ naˆ maˬ tseˇ yaw cawˆ jeˬ myaˬ-eu meh.

1 Gawˇliˬtu 11:2

Naw maꞈ ngaˬ-ahˇ aˬ myah luꞈ noeˬ keuˆ-awˇ, ngaˬ neh mehˬ taˬ tsoˆ taˬ yaꞈ-euˬ dawˬ deuˬ-ahˇ caw teh-eu miˇ neh, naw maꞈ-ahˇ ngaˇ ja ceuˬ-eu ma.

1 Gawˇliˬtu 11:34

Naw maꞈ kʼoeˇ loꞈ-ehˇ uiˬ leˇ ngeh Miˬyehˇ yaˇ kʼaˬ daˇ gaˇ maˬ ya daˬ-eu gʼaˇ duˬ, tsawˇ haˬ tiˬ gʼaˬ na hawˬ mehꞈ mehꞈ naˇ, iˇ kahˇ-ahˇ dzaˬ-eu tsaˬ meh. Gaˇ kawˆ nui deuˬ-aˬ, ngaˇ naw maꞈ jawˇ gaˇ oe keuˆ ngeh jahˇ jiˇ nehˬ ma.

1 Gawˇliˬtu 15:9

Aˬ jeˬ miˇ neh ehˇ naˇ, gʼaˬ kʼehˇ dawˬ tawˆ luꞈ laꞈ kʼoeˇ ngaˇ aˬ cawˬ naˆ maˬ tseˇ teˬ-eu gʼaˬ pyeuꞈ-eu ma. Miˬyehˇ-euˬ Ka li zaˬ aˇ muˇ-ahˇ kʼehˬ haw kʼaˆ haw-euˬ tsawˇ haˬ pyeuꞈ-eu miˇ neh, gʼaˬ kʼehˇ lehˇ bi kuˇ-eu kʼawꞈ maˬ geuˇ nya.

1 Tiˆmoˇseˬ 3:15

Ehˇ kʼawꞈ, ngaˇ yaw kawˇ-ehˇ maˬ laˇ keuˆ nya lawˬ naˇ, dehꞈ luꞈ-eu Miˬyehˇ-euˬ Ka li zaˬ aˇ muˇ pyeuꞈ-awˇ, yaw tsaˬ yaw dawˇ jeˬ-ahˇ toˆ diˇ taˬ-euˬ kʼawˇ zeuˇ pyeuꞈ-eu Miˬyehˇ-euˬ nymˇ jiˇ-ahˇ aˬ joˆ-ehˇ ya sheuˬ gʼeh-eu gaˇ kawˆ, sahˬ boꞈ heu taꞈ nawˬ-ahˇ mehˬ nehˬ laꞈ tehꞈ-a.

1 Tiˆmoˇseˬ 3:5

Aˬ jeˬ miˇ neh ehˇ naˇ, yawˬ ha-euˬ nymˇ jiˇ-ahˇ maˬ gʼaˬ leˇ-eu tsawˇ haˬ-aˬ, Miˬyehˇ-euˬ Ka li zaˬ aˇ muˇ-ahˇ aˬ joˆ-ehˇ bo saˆ nya nmˇ.