1 Gawˇliˬtu 11:21 - Akha

²¹ Aˬ jeˬ miˇ neh ehˇ naˇ, naw maꞈ kʼoeˇ loꞈ-ehˇ dzaˬ ngeh, yawˬ gʼaˬ na luꞈ yawˬ ha neh kʼaˇ hehˇ laꞈ-euˬ jeˬ dzaˬ tehˇ tehˬ-eu meh. Kʼoeˇ miˇ neh, tiˬ paˆ na deuˬ maˬ ya dzaˬ dehˆ-ehˇ, tiˬ paˆ na deuˬ aˇ dzehˬ dzaˬ dzeuˇ-awˇ dzaˬ yehꞈ dawˇ yehꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Aqjeq mirnae aernar-aq, nawmaf dzaq ngae, aqgeu ghaq maqkaq yawqha nae yurlaf-euq dzaq-eu jeq yawqha jeqhu dzaq-awr, tiqghaq nav-aq, hawq maef-eu uqtaf, tiqghaq nav-aq, jirbaq dawryaef-eu mae.

1 Gawˇliˬtu 11:21 ပူးပေါင်းရင်းမြစ်များ

Yoˇhaˬ 2:10

heu loꞈ-ehˇ ehˇ nehˬ-euˬ meh. “Aˬ cawˬ-aˬ, kuiˇ dzehˬ-eu aˬ gaꞈ dzaˇ uiˇ jeˬ huˬ kʼaˇ nehˬ-awˇ, daˬ yah deuˬ dawˇ dehˆ laꞈ jawˬ-ehˇ byawˬ dzehˬ-eu aˬ gaꞈ dzaˇ uiˇ paˇ kʼaˇ nehˬ nmˇ. Nawˇ beu kuiˇ dzehˬ-eu aˬ gaꞈ dzaˇ uiˇ nymˬ-mˇ keuˆ ni maˬ kʼaˇ nehˬ-ehˇ bi jaˆ-euˬ law hawˇ ngaˬ tawˇ.”

1 Gawˇliˬtu 11:20

Naw maꞈ tiˬ kawˆ loꞈ-ehˇ uiˬ leˇ-awˇ dzaˬ-eu kʼoeˇ-aˬ, Sahˬpaˬ Yeˬsuˇ-ahˇ noeˬ keuˆ-eu Bawˬ-iˬ dzaˬ-eu maˬ ngeuˇ-a.

1 Gawˇliˬtu 11:34

Naw maꞈ kʼoeˇ loꞈ-ehˇ uiˬ leˇ ngeh Miˬyehˇ yaˇ kʼaˬ daˇ gaˇ maˬ ya daˬ-eu gʼaˇ duˬ, tsawˇ haˬ tiˬ gʼaˬ na hawˬ mehꞈ mehꞈ naˇ, iˇ kahˇ-ahˇ dzaˬ-eu tsaˬ meh. Gaˇ kawˆ nui deuˬ-aˬ, ngaˇ naw maꞈ jawˇ gaˇ oe keuˆ ngeh jahˇ jiˇ nehˬ ma.

2 Beˬtuˆluˆ 2:13

Aˬ yawꞈ maꞈ neh aˬ cawˬ-ahˇ yaw doeˇ jahˇ-awˇ kʼaˇ bi daˬ-euˬ loꞈ-ehˇ, aˬ yawꞈ maꞈ ya daˬ poˆ tehꞈ-a. Nah gʼahˇ nah gaˆ-ehˇ yawˬ ha-euˬ shiˬ shaˬ jiˇ nui kʼahˇ ya mˇ byah-eu jeˬ-ahˇ laˬ kʼaˬ cehˇ-eu jeˬ lehˇ aˬ yawꞈ maꞈ sawˇ-eu meh. Aˬ yawꞈ maꞈ-aˬ, naw maꞈ nehˬ-ehˇ dzaˬ taꞈ dawˇ taꞈ ngeh daˬ ga-awˇ shaꞈ dawˇ dui dui paˬ-ehˇ gʼeh-eu, aˬ myah luꞈ jaˬ myawꞈ mehˇ shuiˇ-ahˇ laˬ kʼaˬ cehˇ-eu tsawˇ haˬ deuˬ meh.

Yuˇdaˆ 1:12

Aˬ yawꞈ maꞈ yawˬ ha uˬ maˆ dehˆ ni tehꞈ-ehˇ shaˇ sawˇ-awˇ, shaꞈ dawˇ-eu maˬ baw ni dzaˬ-eu dawˇ-eu aˇ dzehˬ-ehˇ gʼeh-eu kʼoeˇ-aˬ, naw maꞈ gʼoeˇ-eu gaˬ-eu laꞈ kʼoeˇ dzaˬ taꞈ dawˇ taꞈ-eu hawˬ byawˇ-ahˇ laˆ jawꞈ gaˇ duˇ-eu meh. Aˬ yawꞈ maꞈ-aˬ, jaˬ lehˇ neh bi baw ha gʼeh-euˬ uˬ yehˇ maˬ ahˇ-eu mˬ dmˇ-ahˇ duˇ-eu meh. Aˇ siˬ siˬ yamˬ-ahˇ maˬ siˬ le-eu miˇ neh puˇ ngawˬ ciˇ lehˆ-ehˇ bi gʼawˇ dzeh-awˇ nyiˬ poˆ shiˇ-euˬ aˇ siˬ aˇ bawˇ-ahˇ duˇ-eu meh.