1 Gawˇliˬtu 11:20 - Akha

²⁰ Naw maꞈ tiˬ kawˆ loꞈ-ehˇ uiˬ leˇ-awˇ dzaˬ-eu kʼoeˇ-aˬ, Sahˬpaˬ Yeˬsuˇ-ahˇ noeˬ keuˆ-eu Bawˬ-iˬ dzaˬ-eu maˬ ngeuˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Khoermirnae, nawmaf tiqgar uiqler ngae, Sanqpaq Yeqsur-anr noeqkeuv-awr dzaq-eu maqngeur nga.

1 Gawˇliˬtu 11:20 ပူးပေါင်းရင်းမြစ်များ

Hawˇseˬ 8:13

Lawˇ gaˇ shehˇ gaˇ gaˬ-eu laꞈ kʼoeˇ, ngaˬ-ahˇ shaˬ jiˇ lawˇ nehˬ laꞈ-awˇ, lawˇ dzaˇ aˬ yawꞈ maꞈ dzaˬ-eu meh. Sahˬpaˬ Miˬyehˇ pyeuꞈ-eu ngaˇ-aˬ, kʼoeˇ loˇ mˇ gaˇ laꞈ kʼaˬ maˬ cehˇ. Aˬ yawꞈ maꞈ neh mˇ-euˬ iˬ baˇ, ngaˇ maˬ ngehˇ ni kʼehˬ poˆ nehˬ-awˇ, Iˇjiˇtuˆ paw bi gʼoꞈ-iˇ ma.

Zaˬkaˬliˇ 7:6

Kʼoeˇ uˬ taꞈ, aˬ yawꞈ maꞈ paˇ dzaˬ paˇ dawˇ ngeh kʼawꞈ, aˬ yawꞈ maꞈ-ahˇ tmˬ leˇ-eu gʼaˇ duˬ tehꞈ meh.”

Gʼaˬkʼehˇ 2:42

Aˬ yawꞈ maꞈ-aˬ, gʼaˬ kʼehˇ deuˬ neh mehˬ nehˬ-euˬ jeˬ-ahˇ yaw muiˬ paˬ-ehˇ dzaw geuꞈ-awˇ, tiˬ gʼaˬ tiˇ gʼaˬ cawˬ yaw muiˬ-ehˇ cawˬ taꞈ-eu laꞈ kʼoeˇ, tiˬ kawˆ loꞈ-ehˇ dzaˬ taꞈ dawˇ taꞈ-awˇ guiˬ lahˬ shaˇ taꞈ-euˬ meh.

Gʼaˬkʼehˇ 2:46

Aˬ yawꞈ nah yawꞈ Uˬ duˬ tahˬ nymˇ nymˇ ma laꞈ kʼoeˇ tahˬ dzoeˇ-awˇ, aˬ yawꞈ maꞈ-euˬ nymˇ laꞈ kʼoeˇ laˬ kʼaˬ cehˇ-awˇ nui gaˬ shaˬ coeˇ byah-eu laꞈ kʼoeˇ dzaˬ taꞈ dawˇ taꞈ-euˬ meh.

1 Gawˇliˬtu 11:17

Ehˇ kʼawꞈ, laꞈ oˆ paw mehˬ taˬ tsoˆ taˬ-euˬ gaˇ kawˆ-ahˇ taꞈ leˇ-awˇ, naw maꞈ-ahˇ ngaˇ maˬ ja ceuˬ. Aˬ jeˬ miˇ neh ehˇ naˇ, naw maꞈ tiˬ gaˇ uiˬleˇ-awˇ uˬ duˬ tahˬ-eu kʼoeˇ-aˬ, yaw muiˬ jeˬ naˆ maˬ tseˇ yaw cawˆ jeˬ myaˬ-eu meh.

1 Gawˇliˬtu 11:19

Naw maꞈ-euˬ laꞈ kʼoeˇ muiˬ dzehˬ-eu tsawˇ haˬ deuˬ-ahˇ siˬ duˬ mawˇ duˬ laˇ ni, aˇ muˇ muˇ paˆ-eu jeˬ jaˆ laˇ-eu baw tehꞈ-a.

1 Gawˇliˬtu 11:21

Aˬ jeˬ miˇ neh ehˇ naˇ, naw maꞈ kʼoeˇ loꞈ-ehˇ dzaˬ ngeh, yawˬ gʼaˬ na luꞈ yawˬ ha neh kʼaˇ hehˇ laꞈ-euˬ jeˬ dzaˬ tehˇ tehˬ-eu meh. Kʼoeˇ miˇ neh, tiˬ paˆ na deuˬ maˬ ya dzaˬ dehˆ-ehˇ, tiˬ paˆ na deuˬ aˇ dzehˬ dzaˬ dzeuˇ-awˇ dzaˬ yehꞈ dawˇ yehꞈ-eu meh.

HeˬByehˇ 10:25

Aˬ cawˬ loꞈ-ehˇ maˬ gʼeh ni, tiˬ kawˆ loꞈ-ehˇ tahˬ dzoeˇ-awˇ uˬ duˬ tahˬ-eu gaˇ heu hmˬ maˬ byehˇ ni mˇ daˆ leꞈ kaˇ-euˇ. Sahˬpaˬ Miˬyehˇ yaˇ kʼaˬ daˇ le-eu Aˇnah dawˬ peh peh le-euˬ naw maꞈ siˬ luꞈ mawˇ luꞈ-eu loꞈ-ehˇ, tiˬ gʼaˬ tiˇ gʼaˬ gʼaˬ biꞈ tehˇ tehꞈ kaˇ-euˇ.

2 Beˬtuˆluˆ 2:13

Aˬ yawꞈ maꞈ neh aˬ cawˬ-ahˇ yaw doeˇ jahˇ-awˇ kʼaˇ bi daˬ-euˬ loꞈ-ehˇ, aˬ yawꞈ maꞈ ya daˬ poˆ tehꞈ-a. Nah gʼahˇ nah gaˆ-ehˇ yawˬ ha-euˬ shiˬ shaˬ jiˇ nui kʼahˇ ya mˇ byah-eu jeˬ-ahˇ laˬ kʼaˬ cehˇ-eu jeˬ lehˇ aˬ yawꞈ maꞈ sawˇ-eu meh. Aˬ yawꞈ maꞈ-aˬ, naw maꞈ nehˬ-ehˇ dzaˬ taꞈ dawˇ taꞈ ngeh daˬ ga-awˇ shaꞈ dawˇ dui dui paˬ-ehˇ gʼeh-eu, aˬ myah luꞈ jaˬ myawꞈ mehˇ shuiˇ-ahˇ laˬ kʼaˬ cehˇ-eu tsawˇ haˬ deuˬ meh.

Yuˇdaˆ 1:12

Aˬ yawꞈ maꞈ yawˬ ha uˬ maˆ dehˆ ni tehꞈ-ehˇ shaˇ sawˇ-awˇ, shaꞈ dawˇ-eu maˬ baw ni dzaˬ-eu dawˇ-eu aˇ dzehˬ-ehˇ gʼeh-eu kʼoeˇ-aˬ, naw maꞈ gʼoeˇ-eu gaˬ-eu laꞈ kʼoeˇ dzaˬ taꞈ dawˇ taꞈ-eu hawˬ byawˇ-ahˇ laˆ jawꞈ gaˇ duˇ-eu meh. Aˬ yawꞈ maꞈ-aˬ, jaˬ lehˇ neh bi baw ha gʼeh-euˬ uˬ yehˇ maˬ ahˇ-eu mˬ dmˇ-ahˇ duˇ-eu meh. Aˇ siˬ siˬ yamˬ-ahˇ maˬ siˬ le-eu miˇ neh puˇ ngawˬ ciˇ lehˆ-ehˇ bi gʼawˇ dzeh-awˇ nyiˬ poˆ shiˇ-euˬ aˇ siˬ aˇ bawˇ-ahˇ duˇ-eu meh.