1 Gawˇliˬtu 11:16 - Akha

¹⁶ Gaˇ kawˆ heu-ahˇ taꞈ leˇ-awˇ tsawˇ haˬ tiˬ gʼaˬ na dawˬ ja myaˬ mawꞈ naˇ, aˬ dui maꞈ maˬ ehˇ, Miˬyehˇ-euˬ Ka li zaˬ aˇ muˇ deuˬ maˬ ehˇ, uˬ duˬ tahˬ ngeh ya caw teh-eu zahˇ sahˇ kʼoꞈ yawˬ-awˇ yawˬ maˬ paˇ jaˆ ma lehˇ ngaˇ ehˇ mawꞈ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Tsawrhaq tiqghaqnav heu-euq garkawv tsawrpyaer pyaermawf nar-aq, nga’maf khawf, Miqyaer-euq Kalizaq armur deuq khawf, heu-anr nae beugar-eu zanrsanrkhof yawqjeqyawq maqjav laer siqnya-awq.

1 Gawˇliˬtu 11:16 ပူးပေါင်းရင်းမြစ်များ

Yeˬlaˬmiˇ 32:11

Kʼoeˇ naˇ, zeuˇ laꞈ mˇ-euˬ gaˇ kawˆ jahˇ tsehˆ gʼaˬ-awˇ jmˬ diˬ taˬ-euˬ seuˬ gʼaˬ kʼoeˇ taꞈ hawˇ-eu, jmˬ maˬ diˬ-euˬ seuˬ gʼaˬ kʼoeˇ nyiˬ taꞈ luꞈ-ahˇ,

Gʼaˬkʼehˇ 21:21

Aˬ cawˬ tsawˇ jeuˬ-euˬ miˇ kʼahˬ deuˬ laꞈ kʼoeˇ kʼaˇ jawˇ-eu Yuˇdaˆ tsawˇ haˬ deuˬ-ahˇ, Moˇseˬ-euˬ Zahˇ dawˬ kʼoꞈ dawˬ-ahˇ byehˇ dzeh ni nawˇ mehˬ nehˬ tsoˆ nehˬ-awˇ, aˬ yawꞈ maꞈ-euˬ zaˬ deuˬ-ahˇ baˆ kʼoˆ mehˬ dzaˬ maˬ yehˬ nehˬ-ehˇ, Yuˇdaˆ tsawˇ haˬ-euˬ zahˇ sahˇ kʼoꞈ-ahˇ maˬ caw teh ni dehꞈ-eu gʼaˇ duˬ nawˇ mehˬ luꞈ-eu gaˇ kawˆ, aˬ yawꞈ maꞈ ya gaˬ gʼaˬ-euˬ meh.

Gʼaˬkʼehˇ 21:24

Aˬ yawꞈ maꞈ nehˬ-ehˇ le-awˇ gʼawˇ mawˇ shawˇ-eu zahˇ jahˇ leˇ-awˬ. Aˬ yawꞈ maꞈ uˬ jehˆ jehˆ dzeh nya ni aˬ yawꞈ maꞈ gʼaˇ duˬ aˇ poeˬ biꞈ nehˬ-awˬ. Kʼoeˇloꞈ-ehˇ jahˇ naˇ, nawˬ-euˬ gaˇ kawˆ aˬ cawˬ kʼaˇ ehˇ-eu loꞈ-ehˇ maˬ ngeuˇ law hawˇ ngaˬ lehˇ yawˬ gʼaˬ na luꞈ ya siˬ duˬ-eu uˬ taꞈ, nawˇ kʼawꞈ Moˇseˬ-euˬ Zahˇ dawˬ kʼoꞈ dawˬ-ahˇ caw teh-awˇ dehꞈ luꞈ gaˇ aˬ yawꞈ maꞈ ya mawˇ tehꞈ-a.

1 Gawˇliˬtu 11:15

Ehˇ kʼawꞈ, zaˬ miˬ zaˬ uˬ duˬ tsehˇ kahˇ yaw mahˇ naˇ, aˬ yawꞈ-euˬ kʼahˬ sehˇ meh. Aˬ yawꞈ-euˬ uˬ duˬ tsehˇ kahˇ yaw mahˇ kʼoeˇ aˬ yawꞈ-ahˇ bi dehˬ kaˬ-eu gʼaˇ duˬ biꞈ taˬ-euˬ jeˬ pyeuꞈ-eu meh.

1 Gawˇliˬtu 16:1

Nymˬ-mˇ poˆ jawˇ-aˬ, Yuˇdaˆ miˇ kʼahˬ-ahˇ jawˇ-eu aˬ yuiꞈ aˬ nyiˇ Ka li zaˬ deuˬ-ahˇ caw ba nehˬ-eu gʼaˇ duˬ pyuˇ daˬ gʼoˆ uiˬ-eu gaˇ kawˆ naw maꞈ neh ngaˇ jawˇ gaˇ boꞈ ahˇ laꞈ-euˬ gaˇ kawˆ-ahˇ taꞈ leˇ-awˇ, ngaˇ heu loꞈ-ehˇ ehˇ-eu ma. Gaˬlaˬtiˆ miˇ kʼahˬ-ahˇ jawˇ-eu Ka li zaˬ aˇ muˇ deuˬ-ahˇ ngaˬ neh ehˇ nehˬ-euˬ loꞈ-ehˇ naw maꞈ mˇ-awˬ.

1 Gawˇliˬtu 4:5

Kʼoeˇ miˇ neh, aˇ yamˬ maˬ keuˆ laˇ mi naˆ-ehˇ tsawˇ haˬ tiˬ gʼaˬ-ahˇ-iˬ naw maꞈ yaw lehˬ taˬ poˆ. Aˇ saˬ saˬ-eu yaˇ kʼaˬ daˇ-eu kʼoeˇ-aˬ, Sahˬpaˬ Miˬyehˇ oe keuˆ gaˇ ya dawˬ-eu meh. Yaw zahˇ laꞈ kʼoeˇ zaꞈ taˬ-euˬ jeˬ-ahˇ yaw shehꞈ laꞈ kʼoeˇ aˬ yawꞈ yuˇ doˆ laꞈ-awˇ, tsawˇ haˬ zaˬ-euˬ nui maˬ laꞈ kʼoeˇ zaꞈ taˬ-euˬ nui noeˬ-ahˇ aˬ yawꞈ pah dzeh tehꞈ-a. Kʼoeˇ ngeh jawˇ, tsawˇ haˬ yawˬ gʼaˬ na luꞈ-ahˇ oꞈ-eu geuˇ-eu loꞈ-ehˇ Miˬyehˇ ja ceuˬ nehˬ tehꞈ-a.

1 Gawˇliˬtu 7:17

Yawˬ gʼaˬ na luꞈ Miˬyehˇ neh kʼaˇ biˇ oꞈ nehˬ-euˬ loꞈ-ehˇ dehꞈ-awˇ, Miˬyehˇ neh bi kuˇ ngeh kʼaˇ pyeuꞈ luꞈ-eu loꞈ-ehˇ dehꞈ gʼeh-eu tsaˬ meh.

1 Gawˇliˬtu 9:1

Ngaˇ yawˬ ha mˇ mawꞈ-eu jeˬ maˬ mˇ nya ni bi ka lahˇ taˬ-euˬ tsawˇ haˬ nga loˇ. Gʼaˬ kʼehˇ geuꞈ luꞈ-eu tsawˇ haˬ maˬ ngeuˇ nga loˇ. Aˬ dui-euˬ Sahˬpaˬ Yeˬsuˇ-ahˇ ya mawˇ-euˬ tsawˇ haˬ maˬ ngeuˇ nga loˇ. Naw maꞈ-aˬ, Sahˬpaˬ Miˬyehˇ-euˬ gaˇ-ahˇ ngaˬ neh mˇ-awˇ mˇ doˆ shaˇ doˆ taˬ-euˬ aˇ siˬ aˇ lu deuˬ maˬ ngeuˇ te loˇ.

1 Gawˇliˬtu 9:6

Maˬ ngeuˇ naˇ, Baˬnaˬbaˇ nga nyaꞈ tehꞈ-ehˇ yawˬ haˇ yawˬ ha ya poˆ dzaˬ ta loˇ.

1 Teˇsaˬloˇni 2:14

Nga maꞈ-euˬ aˬ yuiꞈ aˬ nyiˇ Ka li zaˬ deuˬ-oˇ, Yuˇdaˆ miˇkʼahˬ laꞈ kʼoeˇ jawˇ-eu Ka li zaˬ aˇ muˇ deuˬ hawˇ-eu kʼoeˇ gaˇ jawˇ-eu Yeˬsuˇ Ka li-euˬ tsawˇ haˬ deuˬ koeˇ taˆ keuˆ le-euˬ jeˬ, nymˬ-mˇ naw maꞈ kʼoeˇ taˆ keuˆ le-euˬ meh. Yuˇdaˆ tsawˇ haˬ deuˬ neh kʼehˬ nehˬ kʼaˆ nehˬ-euˬ jeˬ-ahˇ aˬ yawꞈ maꞈ ya daˬ-euˬ loꞈ-ehˇ, naw maꞈ kʼawꞈ, yawˬ ha nehˬ-ehˇ tiˬ kʼahˬ-ahˇ jawˇ luꞈ-eu tsawˇ haˬ deuˬ neh kʼehˬ nehˬ kʼaˆ nehˬ-euˬ jeˬ-ahˇ ya daˬ-euˬ meh.