1 Gawˇliˬtu 11:10 - Akha

¹⁰ Zaˬ miˬ zaˬ deuˬ mˬ taˆ gʼaˬ kʼehˇ baˬ da neh yawˬ ha-euˬ kʼaˬ dzeˇ zaˬ uˆ lahˇ-eu uˬ moˆ jawˇ luꞈ-eu gaˇ kawˆ bya cehˆ ni bi siˬ bi mawˇ-eu gʼaˇ duˬ, uˬ boeˬ boeˬ-eu tsaˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Khoermirnae, mqtav ghaqkhaer-euq gharduq, zaqmiq aqbur deuq aryaq-euq uqmov jawrluf-eu nga laer siqlarni uqboeq boeq-eu tsaq taef-a.

1 Gawˇliˬtu 11:10 ပူးပေါင်းရင်းမြစ်များ

Aˇ dahˬ 20:16

Saˬlaˇ-ahˇ kʼawꞈ, “Nawˇ tiˬ jeˬ-iˬ maˬ dehꞈ bahˬ-euˬ gaˇ kawˆ, nawˬ nehˬ-ehˇ jawˇ-eu tsawˇ haˬ dawˬ tawˆ luꞈ ya siˬ ya mawˇ-eu gʼaˇ duˬ saˇ kiˇ pyeuꞈ ni, nawˬ-euˬ aˬ mahˇ aˬ da-ahˇ pyuˇ maˇ byaˆ tiˬ heˇ byaˆ ngaˇ biꞈ-eu ma. Nawˇ tiˬ jeˬ-iˬ maˬ bahˬ maˬ muˆ-eu gaˇ kawˆ tsawˇ haˬ dawˬ tawˆ luꞈ ya siˬ duˬ tehꞈ-a” lehˇ aˬ yawꞈ ehˇ nehˬ-euˬ meh.

Dawˬ tsoˆ 5:6

Nawˇ dawˬ ngehˬ ngeh, maˬ ngehˬ maˬ tmˇ bahˬ ni yahˇ-awˬ. Aˇ nah hawˇ-eu Miˬyehˇ-euˬ piˇ ma deuˬ mehˬ shi “Ngaˇ ngehˬ lehˬ-euˬ nya” lehˇ taˬ ehˇ. Aˬ jeˬ miˇ neh Miˬyehˇ nui ma bi pehˇ-eu jeˬ mˇ te. Aˬ jeˬ miˇ neh nawˬ neh mˇ-euˬ gaˇ-ahˇ aˬ yawꞈ bi laˆ cawˆ te.

Maꞈtehˬ 18:10

“Tsawˇ haˬ yaw nyiˇ heu loꞈ-ehˇ gʼeh-eu tiˬ gʼaˬ na-ahˇ naw maꞈ yehˬ bawˬ sehˇ lu-ehˇ maˬ ya gʼeh ni yahˇ-awˬ. Mˬ kʼoeˇ taˆ ngaˬ Da-euˬ mehˬ shi, aˬ yawꞈ maꞈ-euˬ mˬ taˆ gʼaˬ kʼehˇ deuˬ aˬ myah luꞈ jawˇ-eu meh lehˇ, naw maꞈ-ahˇ ngaˇ ehˇ-eu ma.Jaˇliꞈ tiˬ paˆ na deuˬ laꞈ kʼoeˇ, gaˬ naˇ yaw zaˬ 11 heu loꞈ-ehˇ ahˇ-eu meh. 18.11: Aˬ jeˬ miˇ neh ehˇ naˇ, byoˆ-iˇ-euˬ tsawˇ haˬ deuˬ-ahˇ ka kʼoꞈ-eu gʼaˇ duˬ, Tsawˇhaˬ-euˬ Zaˬmaˇ oe-euˬ meh(Luˇkaꞈ 19.10)*

1 Gawˇliˬtu 11:11

Ehˇ kʼawꞈ, Sahˬpaˬ Miˬyehˇ laꞈ kʼoeˇ aˬ dui yaw dehꞈ dehꞈ-eu jeˬ-aˬ, zaˬ miˬ zaˬ gʼaˬ kʼaˬ dzeˇ zaˬ-ahˇ maˬ gʼoe-ehˇ maˬ dehꞈ nya-eu loꞈ-ehˇ, kʼaˬ dzeˇ zaˬ gʼaˬ kʼawꞈ zaˬ miˬ zaˬ-ahˇ maˬ gʼoe-ehˇ maˬ dehꞈ nya-a.

1 Gawˇliˬtu 11:9

Zaˬ miˬ zaˬ-euˬ gʼaˇ duˬ kʼaˬ dzeˇ zaˬ-ahˇ beh taˬ-euˬ kʼawꞈ maˬ ngeuˇ-a. Kʼaˬ dzeˇ zaˬ-euˬ gʼaˇ duˬ zaˬ miˬ zaˬ-ahˇ beh taˬ-euˬ meh.

HeˬByehˇ 1:14

Toˆ-ehˇ ngeuˇ naˇ, mˬ taˆ gʼaˬ kʼehˇ deuˬ aˬ jeˬ-a. Aˬ yawꞈ maꞈ-aˬ, ka kʼoꞈ-eu jeˬ za-eu tsawˇ haˬ deuˬ-ahˇ bi caw ba-eu gʼaˇ duˬ Miˬyehˇ neh kʼehˇ gʼeh leꞈ-euˬ, aˬ yawꞈ-euˬ gaˇ mˇ-eu yaw sahˇ deuˬ pyeuꞈ-eu meh.