1 Gawˇliˬtu 10:6 - Akha

⁶ Heu-aˬ, aˬ yawꞈ maꞈ loꞈ-ehˇ yaw haiˬ jeˬ-ahˇ aˬ dui maˬ mˇ-ehˇ yahˇ nya laˇ ni dzaw geuꞈ duˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Aqyawfmaf yawdoer jeq-anr maerjuir juir-euq lof-aer, aqdui khawf maqya juirni, garkawv heudeuq-aq, aqdui hawgeufduq pyeuf-eu mae.

1 Gawˇliˬtu 10:6 ပူးပေါင်းရင်းမြစ်များ

Bawˇtsahˬ 11:4

Iˇsaˬleˬlaˆ tsawˇ haˬ deuˬ nehˬ-ehˇ tiˬ kawˆ loꞈ-ehˇ gaˇ ma doˆ-iˇ luꞈ-eu boeˇ miˬ siˬ kʼaˬ tiˬ deuˬ jawˇ-eu meh. Boeˇ miˬ siˬ kʼaˬ kʼoeˇ deuˬ shaˬ jiˇ mehꞈ dui dui laˇ taˬ-euˬ meh. Iˇsaˬleˬlaˆ tsawˇ haˬ deuˬ kʼawꞈ, heu loꞈ-ehˇ toˇ-eu meh. “Shaˬ jiˇ ya dzaˬ law nmˇ-aˬ, gʼaˬ-eu miˇ-a.

Lormav 5:14

Aˬdaˬ-euˬ ziˇ-ahˇ neh Moˇseˬ-euˬ ziˇ-ahˇ keuˆ ni, shiˇ-eu jeˬ uˆ lahˇ-euˬ meh. Aˬdaˬ neh mˇ-euˬ iˬ baˇ pyeuꞈ-eu Miˬyehˇ ehˇ dawˬ leuˇ-eu jeˬ-ahˇ maˬ mˇ-euˬ deuˬ kʼoeˇ taˆ kʼawꞈ, shiˇ-eu jeˬ uˆ lahˇ-euˬ meh. Aˬdaˬ kʼoeˇ gʼaˬ-aˬ, aˬ kaˇ oe-eu gʼaˬ-ahˇ duˇ leˇ-eu meh.

1 Gawˇliˬtu 10:11

Gaˇ kawˆ kʼoeˇ deuˬ aˬ yawꞈ maꞈ kʼoeˇ taˆ keuˆ le-euˬ kʼoeˇ-aˬ, aˬ cawˬ bi dzaw geuꞈ-eu gʼaˇ duˬ pyeuꞈ-awˇ, aˬ dui kʼawꞈ dzaw geuꞈ-awˇ bi yahˇ-eu gʼaˇ duˬ boꞈ ka leꞈ-euˬ meh. Aˬ jeˬ miˇ neh ehˇ naˇ, aˬ duiˬ-euˬ ziˇ heu ziˇ-ahˇ miˇ tsaˬ heu aˇ saˬ saˬ-eu aˇ yamˬ peh le taˬ-euˬ meh.

HeˬByehˇ 4:11

Tsawˇ haˬ kʼoeˇ deuˬ maˬ jah-euˬ baˬ da neh, gʼaˬ naˬ naˬ-eu jeˬ-ahˇ maˬ za-euˬ loꞈ-ehˇ aˬ dui maˬ ya pyeuꞈ-iˇ-ehˇ, gʼaˬ naˬ naˬ-eu jeˬ kʼoeˇ-ahˇ aˬ dui za nya ni leh jeh dui dui kaˇ-euˇ.

HeˬByehˇ 9:24

Aˬ jeˬ miˇ neh ehˇ naˇ, maˇ maˇ ni gʼeh-eu jeˬ maˬ ngeuˇ-ehˇ, kʼoeˇ-euˬ aˇ baˇ naˇ shmˇ loˆ ni tehꞈ-ehˇ pyeuꞈ-eu, tsawˇ haˬ zaˬ neh jahˇ taˬ-euˬ Muiˬ-eu shawˇ-eu jawˇ duˬ-ahˇ Ka li uˇ leˇ-euˬ maˬ ngeuˇ-a. Maˇ maˇ ni mˬ kʼoeˇ taˆ aˬ yawꞈ le uˇ-awˇ, kʼoeˇ gaˇ aˬ duiˬ-euˬ dah zaˇ Miˬyehˇ mehˬ shi aˬ yawꞈ le keuˆ-euˬ meh.

1 Beˬtuˆluˆ 3:21

Iˇ cuꞈ-ahˇ bi buˬ-iˇ-euˬ gaˇ kawˆ kʼoeˇ-aˬ, nymˬ-mˇ naw maꞈ ka kʼoꞈ-eu jeˬ za nya ni iˇ cuꞈ shawˇ-euˬ gaˇ kawˆ-ahˇ taꞈ leˇ-eu meh. Iˇ cuꞈ shawˇ-eu kʼoeˇ-aˬ, gʼawˇ mawˇ yaw yehˆ dzuiꞈ shawˇ-eu jeˬ maˬ ngeuˇ-a. Siˬ nya-eu nui ma laꞈ kʼoeˇ Miˬyehˇ-ahˇ saˇ jaˇ dzaˬ-eu jeˬ pyeuꞈ-eu meh. Iˇ cuꞈ shawˇ-eu koeˇ-aˬ, Yeˬsuˇ Ka li-ahˇ Miˬyehˇ neh bi gʼoꞈ dehꞈ laˇ-euˬ gaˇ gʼoe-awˇ naw maꞈ-ahˇ ka kʼoꞈ-eu jeˬ pyeuꞈ-eu meh.

2 Beˬtuˆluˆ 2:6

Sawˇdoˬ meuˬ hawˇ-eu Gawˇmawˇlaˆ meuˬ-ahˇ kʼawꞈ, miˬ dzaˬ bi puiˆ byoˆ-euˬ meh. Kʼoeˇ-aˬ, Miˬyehˇ-ahˇ yaw zeu maˬ baw-eu tsawˇ haˬ deuˬ kʼoeˇ taˆ aˬ joˆ-ehˇ keuˆ le-eu gaˇ kʼawˆ, aˬ yawꞈ maꞈ bi dzaw geuꞈ-eu gʼaˇ duˬ mˇ mehˬ-euˬ jeˬ pyeuꞈ-eu meh.

Yuˇdaˆ 1:7

Sawˇdoˬ meuˬ, Gawˇmawˇlaˆ meuˬ hawˇ-eu dawˬ peh jaˆ-eu meuˬ kʼoeˇ deuˬ-euˬ gaˇ kawˆ shaˇ noeˬ haw sheˇ. Kʼoeˇ gaˇ jawˇ-euˬ tsawˇ haˬ kʼoeˇ deuˬ mˬ taˆ gʼaˬ kʼehˇ kʼoeˇ deuˬ loꞈ-ehˇ dehꞈ-awˇ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu jeˬ hawˇ-eu bahˬ dui jawꞈ dui dui-eu jeˬ mˇ-euˬ meh. Tsawˇ haˬ zaˬ dawˬ tawˆ luꞈ-ahˇ bi siˬ leˇ-eu gʼaˇ duˬ, mˬ maˬ maˬ byaˆ zaˇ ziˇ miˬ dzaˬ neh aˬ yawꞈ maꞈ-ahˇ kʼehˬ nehˬ kʼaˆ nehˬ-euˬ meh.