1 Gawˇliˬtu 10:28 - Akha

²⁸ Ehˇ kʼawꞈ, “Heu-aˬ, tahˬ pahˬ aˬ ma mawˇ kawˇ-ahˇ lawˇ nehˬ-euˬ dzaˇ ma” lehˇ ehˇ nehˬ laꞈ naˇ, naw maꞈ-ahˇ ehˇ nehˬ laꞈ-euˬ gʼaˬ-euˬ gʼaˇ duˬ hawˇ-eu, naw maꞈ-euˬ siˬ nya-eu nui ma-euˬ gʼaˇ duˬ shaˇ noeˬ-awˇ, maˬ dzaˬ ni byehˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Aerkhawf, tiqghaqnav, nawmaf-anr, “Heu-aq, tanqpanq aqma mawrkawr-anr lawrnaeq-euq mae” laer aernaeqlaf nar-aq, nawmaf-anr aernaeq laf-euq khoerghaq-euq baqda’nae hawr-eu zaqsiq nuisiq-euq baqda’nae taqdzaq. Aqjeq mirnae aernar-aq, “Mirtsaq hawr-euq mirtsaq-euq khoertav kharjawr kharjav-eu yawqjeq navluf Sanqpaq Miqyaer-euq mae.”

1 Gawˇliˬtu 10:28 ပူးပေါင်းရင်းမြစ်များ

Jaceuq 115:16

Mˬ-aˬ, Sahˬpaˬ Miˬyehˇ-euˬ tehꞈ-ehˇ pyeuꞈ kʼawꞈ, tsawˇ haˬ zaˬ-ahˇ miˇ tsaˬ tahˬ kʼawˇ biꞈ taˬ-euˬ meh.

Jaceuq 24:1

Miˇtsaˬtahˬkʼawˇboeˬboeˬluˆluˆ, kʼaˇdehꞈkʼaˇjawˇ-eu dawˬtawˆluꞈ, SahˬpaˬMiˬyehˇ-euˬpyeuꞈ-eu meh.

Doˆ-iˇ 9:29

Moˇseˬ ehˇ-eu, “Meuˬ heu meuˬ laꞈ kʼoeˇ neh ngaˇ doˆ-iˇ-eu nehˬ-ehˇ, ngaˬ-euˬ aˬ laꞈ baꞈ diˇ-awˇ, Sahˬpaˬ Miˬyehˇ-ahˇ guiˬ lahˬ shaˇ ma. Miˇ tsaˬ heu-aˬ, Sahˬpaˬ Miˬyehˇ-euˬ miˇ tsaˬ pyeuꞈ-eu gaˇ nawˇ ya siˬ ni, mˬ jeˬ tsawˬ tehˆ tehˆ-eu naˬ leˇ-awˇ, uˬ yehˇ aˇ siˬ ga le-eu tsiˇ leˇ tehꞈ-a.

Lormav 14:15

Nawˬ neh dzaˬ-euˬ dzaˇ tiˬ jeˬ paˬ baˬ da neh nawˬ-euˬ cawˬ Ka li zaˬ tiˬ gʼaˬ na nui ma maˬ saˇ duˬ jaˆ naˇ, nawˇ gʼoeˇ-eu gaˬ-eu laꞈ kʼoeˇ dehꞈ-eu maˬ paˇ ngeuˇ meh. Ka li shiˇ dah-awˇ ka kʼoꞈ nehˬ-euˬ tsawˇ haˬ-ahˇ nawˬ neh dzaˬ-euˬ dzaˬ dzaˬ dawˇ dawˇ neh maˬ ya laˆ cawˆ-a.

1 Gawˇliˬtu 10:26

Aˬ jeˬ miˇ neh ehˇ naˇ, “Miˇ tsaˬ tahˬ kʼawˇ hawˇ-eu kʼoeˇ-euˬ kʼoeˇ taˆ kʼaˇ jaˆ-eu yawˬ jeˬ na luꞈ Sahˬpaˬ Miˬyehˇ-euˬ tehꞈ meh” lehˇ, Jaˇliꞈ laꞈ koeˇ ehˇ taˬ-euˬ jaˆ meh.

1 Gawˇliˬtu 8:7

Ehˇ kʼawꞈ, yawˬ gʼaˬ na luꞈ kʼoeˇ loꞈ-ehˇ siˬ nya-eu zaˬ siˬ tsawˇ gahˇ ahˇ-eu maˬ ngeuˇ-a. Tsawˇ haˬ tiˬ paˆ na deuˬ-aˬ, tahˬ pahˬ aˬ ma mawˇ kawˇ-ahˇ jah sheuˆ taˬ-euˬ miˇ neh, kʼoeˇ loꞈ-ehˇ gʼeh-eu lawˇ dzaˇ-ahˇ dzaˬ ngeh, tahˬ pahˬ aˬ ma mawˇ kawˇ-euˬ dzaˇ meh lehˇ noeˬ luꞈ-eu meh. Aˬ yawꞈ maꞈ-euˬ siˬ nya-eu nui ma gʼaˬ baˬ-eu miˇ neh, dzaˇ kʼoeˇ tsawˇ haˬ-ahˇ laˆ jawꞈ-eu meh lehˇ noeˬ-eu meh.

1 Gawˇliˬtu 8:9

Ehˇ kʼawꞈ, naw maꞈ mˇ mawꞈ-eu jeˬ mˇ nya-eu aˬ kawˬ-aˬ jaˆ-eu baˬ da neh, jah-eu gʼaˬ byehˆ byehˆ-eu tsawˇ haˬ deuˬ iˬ baˇ maˬ ya bi mˇ ni yahˇ-eu tsaˬ meh.

Dawˬmehˬ 10:14

Goˇ dui dui-eu mˬ deuˬ maˬ ehˇ, miˇ tsaˬ maˬ ehˇ, miˇ tsaˬ kʼoeˇ taˆ kʼaˇ jaˆ-eu yawˬ jeˬ na luꞈ maˬ ehˇ, Sahˬpaˬ Miˬyehˇ-euˬ pyeuꞈ-eu meh.