1 Gawˇliˬtu 10:25 - Akha

²⁵ Naw maꞈ laꞈ kʼoeˇ siˬ nya-eu nui ma ahˇ-eu miˇ neh, lehˆ laꞈ kʼoeˇ shaˬ jiˇ ahˬ duˬ-aˇ kʼaˇ daˬ ahˬ taˬ-euˬ jeˬ-ahˇ maˬ naˇ haˬ tseˇ ni zeuˇ dzaˬ nya tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Zaqsiq nuisiq-euq gharduq maq narhaq tserni, shaqjir daqanq-eu laev-anr khardaq-eu jeq dzaq-awq.

1 Gawˇliˬtu 10:25 ပူးပေါင်းရင်းမြစ်များ

Gʼaˬkʼehˇ 10:15

Teˇ saˇ kʼoeˇ saˇ aˬ yawꞈ-ahˇ paˇ ehˇ-eu, “Miˬyehˇ neh yaw shawˇ meh lehˇ kʼaˇ ehˇ-euˬ jeˬ-ahˇ, maˬ shawˇ-a lehˇ nawˇ maˬ noeˬ kʼmˬ-a.”

Lormav 13:5

Kʼoeˇ miˇ neh, Miˬyehˇ-euˬ kʼehˬ-eu kʼaˆ-eu jeˬ-ahˇ guˆ-eu baˬ da neh tehꞈ-ehˇ maˬ ngeuˇ ni, kʼoeˇ loꞈ-ehˇ dehꞈ-eu jawˇ-eu tsaˬ meh lehˇ naw maꞈ-euˬ nui ma siˬ nya-eu laꞈ kʼoeˇ sahˬ paˬ sahˬ ma deuˬ uˆ lahˇ-eu uˬ moˆ yaw muiˬ paˬ-ehˇ jawˇ-awˬ.

Lormav 14:14

Ngaˇ Sahˬpaˬ Yeˬsuˇ nehˬ-ehˇ taꞈ-eu laꞈ kʼoeˇ dzaˬ-eu dawˇ-eu jeˬ-aˬ, maˬ muiˬ maˬ shawˇ-eu tiˬ jeˬ-iˬ maˬ jaˆ-aˇ lehˇ jah duˬ taˬ-euˬ ma. Ehˇ kʼawꞈ, tsawˇ haˬ tiˬ gʼaˬ na, dzaˬ dzaˬ dawˇ dawˇ tiˬ jeˬ na maˬ shawˇ-a lehˇ jah-eu ngeuˇ naˇ, dzaˬ dzaˬ dawˇ dawˇ kʼoeˇ aˬ yawꞈ gʼaˇ duˬ maˬ shawˇ-eu jeˬ pyeuꞈ laˇ-euˬ meh.

1 Gawˇliˬtu 8:7

Ehˇ kʼawꞈ, yawˬ gʼaˬ na luꞈ kʼoeˇ loꞈ-ehˇ siˬ nya-eu zaˬ siˬ tsawˇ gahˇ ahˇ-eu maˬ ngeuˇ-a. Tsawˇ haˬ tiˬ paˆ na deuˬ-aˬ, tahˬ pahˬ aˬ ma mawˇ kawˇ-ahˇ jah sheuˆ taˬ-euˬ miˇ neh, kʼoeˇ loꞈ-ehˇ gʼeh-eu lawˇ dzaˇ-ahˇ dzaˬ ngeh, tahˬ pahˬ aˬ ma mawˇ kawˇ-euˬ dzaˇ meh lehˇ noeˬ luꞈ-eu meh. Aˬ yawꞈ maꞈ-euˬ siˬ nya-eu nui ma gʼaˬ baˬ-eu miˇ neh, dzaˇ kʼoeˇ tsawˇ haˬ-ahˇ laˆ jawꞈ-eu meh lehˇ noeˬ-eu meh.

1 Tiˆmoˇseˬ 4:4

Miˬyehˇ neh kʼaˇ beh taˬ-euˬ yawˬ jeˬ na luꞈ, yaw muiˬ jeˬ pyeuꞈ-eu meh. Biˬ dzeh-eu jeˬ maˬ ahˇ-a. Yawˬ jeˬ na luꞈ-ahˇ Miˬyehˇ-euˬ guiˬ lahˬ-ahˇ ja ceuˬ-awˇ dzaˬ nya dawˇ nya-eu meh.

Tiˇtuˆ 1:15

Shawˇ jehˆ ni gʼeh-eu tsawˇ haˬ deuˬ gʼaˇ duˬ, yawˬ jeˬ na luꞈ yaw shawˇ meh. Ehˇ kʼawꞈ, maˬ jah-eu jawꞈ-eu tsawˇ haˬ deuˬ gʼaˇ duˬ-aˬ, yaw shawˇ tiˬ jeˬ-iˬ maˬ jaˆ-a. Aˬ jeˬ miˇ neh ehˇ naˇ, aˬ yawꞈ maꞈ-euˬ nui ma maˬ ehˇ, noeˬ siˬ nya-eu jeˬ maˬ ehˇ, dawˬ tawˆ luꞈ yaw jawꞈ meh.