1 Gawˇliˬtu 10:18 - Akha

¹⁸ Iˇsaˬleˬlaˆ tsawˇ haˬ gaˇ kawˆ shaˇ sawˇ haw sheˇ. Lawˇ dzaˇ kʼaˇ dzaˬ-euˬ tsawˇ haˬ deuˬ-aˬ, lawˇ duˬ kʼoeˇ taˆ Miˬyehˇ-ahˇ lawˇ-eu jeˬ mˇ-eu laꞈ kʼoeˇ tiˬ gaˇ taꞈ-eu maˬ ngeuˇ-a loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Shiqshaq paw-euq Irsaqleqlav tsawrhaq-euq garkawv-anr sharnoeqhaw sher-eq. Lawrnaeq-euq jeq dzaq-eu tsawrhaq-aq, lawrduq-anr taf-eu tsawrhaq maqngeur-a lor?

1 Gawˇliˬtu 10:18 ပူးပေါင်းရင်းမြစ်များ

Uˬ duˬ 3:11

Aˬ yuiꞈ geuꞈ-awˇ gaˇ mˇ luꞈ-eu piˇ ma gʼaˬ, heu deuˬ dawˬ tawˆ luꞈ-ahˇ lawˇ duˬ kʼoeˇ taˆ dzah puiˆ-awˇ, dzaˬ dzaˬ dawˇ dawˇ lawˇ-eu jeˬ Sahˬpaˬ Miˬyehˇ-ahˇ ya lawˇ meh.

Uˬ duˬ 7:6

Piˇ ma deuˬ-euˬ nymˇ kʼahˬ zaˬ deuˬ laꞈ kʼoeˇ jawˇ-eu kʼaˬ dzeˇ zaˬ dawˬ tawˆ luꞈ, jeˬ zaˬ kʼoeˇ mawˇ-euˬ shaˬ jiˇ dzaˬ nya meh. Ehˇ kʼawꞈ, shaˬ jiˇ kʼoeˇ-ahˇ, muiˬ-eu shawˇ-eu jawˇ duˬ tiˬ tsahˇ laꞈ kʼoeˇ ya dzaˬ meh. Aˬ jeˬ miˇ neh ehˇ naˇ, shaˬ jiˇ kʼoeˇ muiˬ dui shawˇ dui dui-eu meh.

Uˬ duˬ 7:7

Iˬ baˇ shawˇ-eu lawˇ-eu hawˇ-eu, dziˇ dzoˆ tsoeˬ-eu lawˇ-eu heu nyiˬ jeˬ luꞈ-ahˇ taꞈ leˇ-eu zahˇ sahˇ kʼoꞈ tiˬ hmˬ jaˆ-eu meh. Lawˇ-eu shehˇ-eu jeˬ mˇ nehˬ-eu piˇ ma gʼaˬ, lawˇ gaˇ shehˇ gaˇ sehꞈ-euˬ jeˬ zaˬ shaˬ jiˇ ya geuꞈ meh.

Lormav 1:3

Kʼoeˇ-aˬ, aˬ yawꞈ-euˬ Zaˬmaˇ pyeuꞈ-eu aˬ dui-euˬ Sahˬpaˬ Yeˬsuˇ Ka li gaˇ kawˆ meh. Tsawˇ haˬ zaˬ-ahˇ taꞈ-eu paw neh sawˇ leꞈ naˇ, aˬ yawꞈ-aˬ, Daˬbiˇ-euˬ zaˬ deuˬ uˆ deuˬ laꞈ kʼoeˇ dehꞈ le-euˬ meh.

Lormav 4:1

Aˬ dui tsawˇ jeuˬ-euˬ aˬ da yaw dzahˇ gʼaˬ pyeuꞈ-eu Aˬbyaˬhaˬ gaˇ kawˆ aˬ joˆ-ehˇ ehˇ nmˇ.

Lormav 4:12

Baˆ kʼoˆ mehˬ dzaˬ yehˬ-euˬ uˬ taꞈ, aˇ hu Aˬbyaˬhaˬ aˬ yawꞈ baˆ kʼoˆ mehˬ dzaˬ maˬ yehˬ mi naˆ-ehˇ kʼaˇ dehꞈ yaꞈ-euˬ loꞈ-ehˇ jah jah-ehˇ dehꞈ-eu deuˬ-euˬ aˬ da yaw dzahˇ gʼaˬ kʼawꞈ, Aˬbyaˬhaˬ aˬ yawꞈ meh.

1 Gawˇliˬtu 9:13

Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu tsawˇ haˬ deuˬ Uˬ duˬ tahˬ nymˇ nymˇ ma-ahˇ jaˆ-eu dzaˬ dzaˬ dawˇ dawˇ za-awˇ, lawˇ duˬ kʼoeˇ taˆ kʼaˇ lawˇ-euˬ jeˬ laꞈ kʼoeˇ, lawˇ-eu jeˬ mˇ nehˬ-eu gʼaˬ-ahˇ oꞈ-eu shaˬ bymˇ jaˆ-eu gaˇ kawˆ naw maꞈ siˬ duˬ-eu meh.

Gaˬlaˬtiˆ 6:16

Yaw dehꞈ dehꞈ ngeh zahˇ sahˇ kʼoꞈ heu hmˬ mehˬ nah kʼaˇ caw teh-eu tsawˇ haˬ deuˬ kʼoeˇ taˆ, nui saˇ oꞈ-eu jeˬ hawˇ-eu Miˬyehˇ-euˬ gʼawˬ shaˬ gaˬ-eu guiˬ lahˬ jaˆ luꞈ-uˇ. Aˬ yawꞈ maꞈ hawˇ-eu Miˬyehˇ-euˬ tsawˇ haˬ dawˬ tawˆ luꞈ kʼoeˇ taˆ jaˆ luꞈ-uˇ.

Dawˬmehˬ 12:17

Sahˬpaˬ Miˬyehˇ-ahˇ lawˇ nehˬ-eu jeˬ pyeuꞈ-eu tseˇ bymˇ tiˬ bymˇ damˬ-euˬ dzaˬ lo gʼo cehˇ deuˬ, aˬ gaꞈ dzaˇ uiˇ, saˬ loˬ tsiˇ, gʼaw beh beh-euˬ mawˇ neˇ hawˇ-eu yawˇ, Sahˬpaˬ Miˬyehˇ-ahˇ biꞈ ma lehˇ naw maꞈ neh saˇ jaˇ dzaˬ taˬ-eu laꞈ sawˬ deuˬ, nui ma keuˆ-awˇ lawˇ-eu jeˬ hawˇ-eu nui jeˬ lawˇ-eu jeˬ heu deuˬ-ahˇ, naw maꞈ-euˬ jawˇ duˬ laꞈ kʼoeˇ maˬ ya dzaˬ-a.

HeˬByehˇ 13:10

Yuˇdaˆ tsawˇ haˬ uˬ duˬ tahˬ-eu jawˇ duˬ-ahˇ gaˇ mˇ-eu piˇ ma deuˬ-aˬ, aˬ dui-euˬ lawˇ duˬ kʼoeˇ taˆ lawˇ-euˬ lawˇ dzaˇ maˬ dzaˬ kʼmˬ-a.