1 Gawˇliˬtu 10:13 - Akha

¹³ Aˬ cawˬ maˬ ya puˬ maˬ ya mawˇ haw-euˬ muˇ juˇ juˇ-eu jeˬ-ahˇ naw maꞈ ya daˬ-eu maˬ ngeuˇ-a. Miˬyehˇ-aˬ, saˇ jaˇ ziꞈ dui dui-awˇ, naw maꞈ maˬ kamˬ coeˇ-eu muˇ juˇ juˇ-eu jeˬ maˬ bi keuˆ le-a. Naw maꞈ kʼoeˇ taˆ muˇ juˇ juˇ-eu jeˬ keuˆ le ngeh, kamˬ coeˇ ni aˬ yawꞈ gʼaˬ biꞈ nehˬ laꞈ-awˇ, buˬ-iˇnya-eu gaˇ ma shaˇ dahˇ nehˬ laꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Nawmaf-anr keuvle teurle-awr yadaq-eu murjur jur-eu jeq-aq, tsawrhaqzaq maq daqhaw-euq murjur jur-eu jeq maqngeur-a. Miqyaer sarjax zif-eu mirnae, nawmaf maq daqcoer-eu murjur jur-eu jeq nawmaf-anr maqbi keuvle-a. Murjur jur-eu jeq keuvle ngae, nawmaf daqcoerni buq-ir nya-eu garma shardanr taq-euq mae.

1 Gawˇliˬtu 10:13 ပူးပေါင်းရင်းမြစ်များ

Jaceuq 124:7

Aˇ jiˇ tahˇ-eu sehˬ toˆ-ahˇ dzeuˇ-iˇ-euˬ, aˇ jiˇ tiˬ mawˇ-ahˇ aˬ dui duˇ-eu ma. Sehˬ toˆ kʼehꞈ-iˇ-awˇ aˬ dui dzeuˇ-iˇ-euˬ ma.

Jaceuq 125:3

Yaw tsaˬ yaw dawˇ deuˬ-euˬ miˇ kʼahˬ-ahˇ yaw haiˬ deuˬ aˬ myah luꞈ maˬ ya uˆ lahˇ-a. Kʼoeˇ loꞈ-ehˇ uˆ lahˇ naˇ, yaw tsaˬ yaw dawˇ deuˬ yaw haiˬ jeˬ mˇ laˇ tehꞈ-a.

Jaceuq 36:5

SahˬpaˬMiˬyehˇnawˇgaˬ-eu jeˬ, mˬ-ahˇkeuˆni huiˬ-awˇmahˇ-awˇ, nawˬ-euˬ saˇjaˇziꞈ-eu jeˬ-aˬ, maˬtaˆmˬdmˇ-ahˇtuˆ-eu meh.

Jaceuq 89:33

Ehˇ kʼawꞈ Daˬbiˇ-ahˇ ngaˇ gaˬ-eu maˬ bi byoˆ-iˇ lehˇ, aˬ yawꞈ-ahˇ saˇ jaˇ ziꞈ ma.

Doˆ-iˇ 3:17

Aˬ yawꞈ maꞈ-ahˇ aˬ cawˬ gʼawˬ shaˬ maˬ gaˬ ni, kʼaˇ jahˇ mawꞈ-eu jeˬ jahˇ nehˬ luꞈ-eu Iˇjiˇtuˆ miˇ kʼahˬ laꞈ kʼoeˇ neh, aˬ yawꞈ maꞈ-ahˇ ngaˇ sheuˬ doˆ-awˇ, miˇ tsaˬ miˇ muiˬ muiˬ dui dui-awˇ, baw le za le-eu (byaˬ byaˬ uiˇ hawˇ-eu mawˇ neˇ aˬ coeˇ maˬ tsehˆ-iˇ ni yoeˇ luꞈ-eu) miˇ kʼahˬ pyeuꞈ-eu, Kaˬnaˬ tsawˇ jeuˬ, Heˬtaˆ tsawˇ jeuˬ, Aˬmawˇliˆ tsawˇ jeuˬ, Paˬyehˆ tsawˇ jeuˬ, Hiˇbiˇ tsawˇ jeuˬ hawˇ-eu Yeˬbuˇ tsawˇ jeuˬ heu deuˬ jawˇ-eu miˇ kʼahˬ kʼoeˇ kʼahˬ laꞈ kʼoeˇ, aˬ yawꞈ maꞈ-ahˇ sheuˬ gʼeh ma lehˇ, ngaˇ noeˬ tsehˆ taˬ-euˬ ma.

Iˇsaˬyaˇ 11:5

Yaw tsaˬ yaw dawˇ jeˬ-ahˇ aˬ yawꞈ joꞈ paꞈ paꞈ-awˇ, saˇ jaˇ ziꞈ-eu jeˬ joꞈ-ahˇ lahˇ tehꞈ-a.

Iˇsaˬyaˇ 25:1

Sahˬpaˬ Miˬyehˇ-oˇ, nawˇ ngaˬ-euˬ Miˬyehˇ ma. Nawˬ-ahˇ ngaˇ taˬ huiˬ taˬ mahˇ-awˇ, nawˬ-euˬ tsawˇ myahˇ-ahˇ ja ceuˬ ma. Zahˬ leˇ paˬ-ehˇ gʼeh-eu gaˇ deuˬ nawˇ mˇ-euˬ meh. Aˇ hu ba neh nawˬ neh kʼaˇ noeˬ taˬ-euˬ jeˬ, saˇ jaˇ ziꞈ-eu laꞈ kʼoeˇ nawˇ mˇ byah luꞈ-eu meh.

Iˇsaˬyaˇ 49:7

Aˬ cawˬ noeˬ teˬ gaˇ ya daˬ-awˇ, miˇ kʼahˬ tsawˇ jeuˬ deuˬ bye dui dui-eu gʼaˬ pyeuꞈ-eu, sahˬ paˬ sahˬ ma deuˬ-euˬ zaˬ kʼaˆ pyeuꞈ-eu gʼaˬ-ahˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ luꞈ-eu ka kʼoꞈ-eu gʼaˬ heu loꞈ-ehˇ ehˇ nehˬ-euˬ meh. “Nawˇ buˬ-iˇ gaˇ sahˬ paˬ deuˬ ya mawˇ-awˇ, tuˇ-awˇ nawˬ-ahˇ yaw zeu ya baw tehꞈ-a. Sahˬ paˬ zaˬ yo deuˬ kʼawꞈ nawˬ-ahˇ mawˇ ngeh, awˆ byaˆ-awˇ taˬ huiˬ tehꞈ-a.” Sahˬpaˬ Miˬyehˇ aˬ yawꞈ-euˬ zaˬ kʼaˆ-ahˇ tseˇ doˆ nehˬ-euˬ miˇ neh, kʼoeˇ loꞈ-ehˇ ya pyeuꞈ laˇ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ-aˬ, aˬ yawꞈ-euˬ saˇ jaˇ dawˬ-ahˇ ziꞈ-eu meh.

Yeˬlaˬmiˇ 12:5

Sahˬpaˬ Miˬyehˇ ehˇ-eu, “Yeˬlaˬmiˇ nawˇ tsawˇ haˬ zaˬ-ahˇ cehˆ ceh ceh-eu gʼaˬ doeˇ doeˇ naˇ, mahˬ nehˬ-ehˇ aˬ joˆ-ehˇ cehˆ ceh ceh nmˇ. Juˇ tsui ni gʼeh-eu deh ga-ahˇ nawˇ coˬ-iˇ naˇ, Yawˇdaˬ lawˇ baˬ gawˆ taw bawˇ tsahˬ bawˇ dahˇ laꞈ kʼoeˇ, nawˇ aˬ joˆ-ehˇ yawꞈ ziꞈ nya nmˇ.

Yeˬlaˬmiˇ 29:11

Ngaˬ neh naw maꞈ gʼaˇ duˬ gaˇ kawˆ kawˆ taˬ-euˬ jeˬ-ahˇ, ngaˇ tehꞈ-ehˇ siˬ nya-eu ma. Naw maꞈ-ahˇ maˬ bi shaˬ maˬ bi zahˬ ni, bi dehꞈ dzaˬ laˇ-eu gʼaˇ duˬ maˬ ehˇ, naw maꞈ noeˬ tmˬ kʼaˇ za-eu aˇ nah aˇ yamˬ bi keuˆ le-eu gʼaˇ duˬ maˬ ehˇ, ngaˬ neh gaˇ kawˆ kawˆ taˬ-euˬ ngaˇ tiˬ gʼaˬ tehꞈ-ehˇ siˬ nya -eu ma.

Ngoeˇ dawˬ 3:23

yawˬ shawˬ na luꞈ shuiꞈ teˇ poˬ ni, saˇ jaˇ huiˬ-eu ziꞈ dah ni meh.

Daˬyeˬlaˇ 3:17

Doꞈ luꞈ-eu miˬ dzaˬ tsawˬ bu hawˇ-eu nawˬ-euˬ baoˬ laꞈ kʼoeˇ, nga maꞈ uˬ duˬ tahˬ-eu Miˬyehˇ ngaˬ ha smˇ gʼaˬ-ahˇ ka kʼoꞈ nehˬ laꞈ nya naˇ ka kʼoꞈ nehˬ laꞈ luꞈ-uˇ.

Hawˇseˬ 2:20

Ngaˬ-euˬ saˇ jaˇ-ahˇ ngaˇ ziꞈ-awˇ, nawˬ-ahˇ ngaˬ-euˬ bi pyeuꞈ tsehˆ ma. Ngaˇ Sahˬpaˬ Miˬyehˇ ngeuˇ meh lehˇ, nawˇ yaw muiˬ-ehˇ siˬ duˬ tehꞈ-a.

Maꞈtehˬ 6:13

Iˬ baˇ muˇ juˇ mehˬ nah, taˬ bi iˇ laꞈ, Yaw haiˬ laꞈ kʼoeˇ, bi dzeuˇ-iˇ laꞈ.’

Luˇkaꞈ 11:4

Nga maꞈ-ahˇ kʼaˇ mˇ bahˬ laꞈ-euˬ deuˬ-ahˇ, nga maꞈ iˬ baˇ pyehˬ nehˬ-euˬ miˇ neh, nawˇ nga maꞈ-ahˇ iˬ baˇ pyehˬ nehˬ laꞈ. Iˬ baˇ muˇ juˇ juˇ-eu mehˬ nah, nga maꞈ-ahˇ taˬ bi iˇ laꞈ.”’

Luˇkaꞈ 16:26

Kʼoeˇ uˬ taꞈ, nga maꞈ jawˇ gaˇ neh naw maꞈ jawˇ gaˇ maˬ iˇ maˬ laˇ tawꞈ nya ni, naꞈ dui dui-eu kuˬ kaˬ kaˬ ma bi jaˆ tsoeˬ taˬ-euˬ meh.’

Luˇkaꞈ 22:46

Aˬ yawꞈ maꞈ-ahˇ aˬ yawꞈ ehˇ nehˬ-eu, “Naw maꞈ aˬ jeˬ miˇ neh yuꞈ kʼaˆ luꞈ te. Muˇ juˇ juˇ-eu mehˬ nah maˬ ya caw teh gʼeh ni, tuˇ-awˇ guiˬ lahˬ shaˇ-awˬ.”

Gʼaˬkʼehˇ 27:44

Dzeˇ-eu deuˬ-aˬ, teˇ byaꞈ doe ni, saˇ baoˬ pyaˆ-iˇ-awˇ kʼehꞈ-iˇ kʼoeˆ-iˇ-euˬ daˇ kawˬ hawˇ-eu mˇ myawˬ doe ni dawꞈ tehꞈ-awˇ, lawˇ deh-ahˇ teuˆ doˆ gʼeh-eu gʼaˇ duˬ aˬ yawꞈ dawˬ biꞈ-euˬ meh. Kʼoeˇ loꞈ-ehˇ jahˇ-awˇ, nga maꞈ tiˬ gʼaˬ-iˬ maˬ ca laˇ ni lawˇ dzeˇ tsehˆ doˆ jiˇ-euˬ ma.

1 Gawˇliˬtu 1:9

Aˬ dui-euˬ Sahˬpaˬ pyeuꞈ-eu aˬ yawꞈ-euˬ Zaˬmaˇ Yeˬsuˇ Ka li-ahˇ taꞈ leˇ nya ni naw maꞈ-ahˇ kuˇ doˆ-euˬ Miˬyehˇ-aˬ, saˇ jaˇ ziꞈ-eu Miˬyehˇ pyeuꞈ-eu meh.

2 Gawˇliˬtu 1:10

Kʼoeˇ naˆ naˆ-ehˇ gʼeh-eu shiˇ gaˇ keuˆ leˇ taˬ-euˬ aˇ tiˆ-ahˇ, nga maꞈ-ahˇ ka kʼoꞈ nehˬ laꞈ-euˬ meh. Mehˬ hu paw kʼawꞈ, aˬ yawꞈ nga maꞈ-ahˇ ka kʼoꞈ nehˬ laꞈ tehꞈ-a. Naw maꞈ guiˬ lahˬ shaˇ nehˬ laꞈ-euˬ baˬ da neh, aˬ yawꞈ nga maꞈ-ahˇ paˇ ka kʼoꞈ nehˬ laꞈ tehꞈ-a lehˇ nga maꞈ jah duˬ taˬ-euˬ ma. Tsawˇ haˬ gʼawˬ mya ni guiˬ lahˬ shaˇ-euˬ dawˬ Miˬyehˇ-ahˇ gaˬ leˇ-awˇ, nga maꞈ-ahˇ Miˬyehˇ guiˬ lahˬ biꞈ laꞈ tehꞈ-a. Tsawˇ haˬ gʼawˬ mya ni nga maꞈ-euˬ gʼaˇ duˬ Miˬyehˇ-euˬ guiˬ lahˬ-ahˇ ja ceuˬ tehꞈ-a.

Dawˬmehˬ 7:9

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ tiˬ gʼaˬ tehꞈ-ehˇ aˬ diˇ aˬ maˇ Miˬyehˇ pyeuꞈ-eu gaˇ maˬ ehˇ, aˬ yawꞈ-euˬ saˇ jaˇ ziꞈ-eu jeˬ-ahˇ maˬ ehˇ, naw maꞈ maˬ ngehˇ ni noeˬ keuˆ-awˬ. Aˬ yawꞈ-ahˇ gaˬ-awˇ aˬ yawꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-eu tsawˇ haˬ deuˬ-ahˇ, tiˬ heˇ ziˇ keuˆ ni aˬ yawꞈ dawˬ ma saˇ jaˇ ziꞈ-awˇ, maˬ tsehˆ leˇ-eu gʼoeˇ-eu gaˬ-eu jeˬ bi mawˇ tehꞈ-a.

1 Teˇsaˬloˇni 5:24

Naw maꞈ-ahˇ kuˇ-euˬ gʼaˬ pyeuꞈ-eu Miˬyehˇ-aˬ, naw maꞈ-ahˇ kʼoeˇ loꞈ-ehˇ bo saˆ nehˬ laꞈ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, saˇ jaˇ ziꞈ-eu gʼaˬ pyeuꞈ-eu meh.

2 Teˇsaˬloˇni 3:3

Ehˇ kʼawꞈ, Sahˬpaˬ Yeˬsuˇ saˇ jaˇ ziꞈ-eu meh. Aˬ yawꞈ naw maꞈ-ahˇ gʼaˬ biꞈ nehˬ laꞈ-awˇ, Haiˬ dui dui-eu Gʼaˬ-euˬ aˬ laꞈ laꞈ kʼoeˇ haw piˇ nehˬ laꞈ tehꞈ-a.

2 Tiˆmoˇseˬ 4:18

Yaw haiˬ jeˬ dawˬ tawˆ luꞈ laꞈ kʼoeˇ Sahˬpaˬ Yeˬsuˇ ngaˬ-ahˇ ka kʼoꞈ nehˬ laꞈ-awˇ, aˬ yawꞈ-euˬ mˬ taˆ Miˇkʼahˬ-ahˇ sheuˬ kʼoꞈ daˆ leꞈ tehꞈ-a. Mˬ maˬ maˬ byaˆ zaˇ ziˇ aˬ yawꞈ yaw shehꞈ kʼahˬ sehˇ huiˬ luꞈ-uˇ. Aˬ miˬ.

HeˬByehˇ 10:23

Aˬ dui neh jah duˬ taˬ-euˬ noeˬ tmˬ-eu jeˬ-ahˇ ziꞈ dah ni tuˆ tehˬ taˬ kaˇ-euˇ. Aˬ jeˬ miˇ neh ehˇ naˇ, Miˬyehˇ-aˬ, aˬ yawꞈ neh saˇ jaˇ dzaˬ taˬ-euˬ loꞈ-ehˇ mˇ byah nehˬ laꞈ tehꞈ-a lehˇ aˬ dui jah-eu ma.

HeˬByehˇ 11:11

Aˬbyaˬhaˬ mawˬ dui dui laˇ-awˇ, aˬ yawꞈ-euˬ nymˇ dahˬ zaˬ ciˬ zaˬ cu mˇ yamˬ dzeuˇ-euˬ kʼawꞈ zaˬ paˇ jawˇ le nya-euˬ kʼoeˇ-aˬ, jah-eu jeˬ baˬ da neh meh. Miˬyehˇ-aˬ, aˬ yawꞈ neh saˇ jaˇ dzaˬ-euˬ loꞈ-ehˇ mˇ byah tehꞈ-a lehˇ aˬ yawꞈ jah-euˬ meh.

HeˬByehˇ 12:4

Aˬ jeˬ miˇ neh ehˇ naˇ, naw maꞈ iˬ baˇ-ahˇ deuˆ ceh ceh-eu kʼoeˇ-aˬ, shiˇ-eu aˇ tiˆ-ahˇ maˬ keuˆ-a siˬ.

HeˬByehˇ 6:18

Miˬyehˇ neh saˇ jaˇ dzaˬ-euˬ jeˬ hawˇ-eu aˬ yawꞈ neh kamˬ-euˬ heu nyiˬ jeˬ-aˬ, tiˬ jawˇ-iˬ maˬ poˆ maˬ paˇ laˇ nya-eu, Miˬyehˇ jaˬ myawꞈ maˬ myawꞈ kʼmˬ-eu jeˬ pyeuꞈ-eu meh. Kʼoeˇ miˇ neh, guˆ-eu gaˆ-eu jeˬ-ahˇ dzeuˇ-awˇ Miˬyehˇ laꞈ kʼoeˇ ya jawˇ luꞈ-eu aˬ dui-aˬ, aˬ dui mehˬ shi jaˆ-eu noeˬ tmˬ duˬ-ahˇ ziꞈ dah ni tuˆ tehˬ taˬ-eu gʼaˇ duˬ nui ma ziꞈ dah ni jaˆ-eu ma.

1 Beˬtuˆluˆ 4:19

Kʼoeˇ miˇ neh, Miˬyehˇ nui ma tsaˬ-eu laꞈ kʼoeˇ kʼehˬ-eu kʼaˆ-eu jeˬ-ahˇ ya daˬ-eu tsawˇ haˬ deuˬ-aˬ, yawˬ ha neh mˇ-euˬ yaw muiˬ jeˬ-ahˇ gʼoe-eu laꞈ kʼoeˇ, saˇ jaˇ ziꞈ-eu Beh-euˬ Yaw sahˇ-ahˇ aˬ yawꞈ maꞈ-euˬ saꞈ laˇ a nehˬ taˬ-eu tsaˬ meh.

2 Beˬtuˆluˆ 2:9

Kʼoeˇ miˇ neh, Yaˇ kʼaˬ daˇ-eu Aˇ nah gʼaˇ duˬ, Miˬyehˇ-ahˇ yaw zeu baw-eu tsawˇ haˬ deuˬ-ahˇ aˬ joˆ-ehˇ bi buˬ-iˇ-eu gaˇ kawˆ hawˇ-eu, haiˬ-eu tsawˇ haˬ deuˬ-ahˇ aˬ joˆ-ehˇ ya kʼehˬ ya kʼaˆ nehˬ-eu gaˇ kawˆ, Miˬyehˇ siˬ nya meh.

1 Yoˇhaˬ 1:9

Ehˇ kʼawꞈ, aˬ dui iˬ baˇ ahˇ-eu ngeuˇ ma lehˇ Miˬyehˇ-ahˇ ja doˆ nehˬ naˇ, aˬ yawꞈ neh saˇ jaˇ dzaˬ taˬ-euˬ dawˬ-ahˇ ziꞈ-awˇ yaw tsaˬ yaw dawˇ dawˇ-ehˇ mˇ-eu laꞈ kʼoeˇ, aˬ dui-ahˇ iˬ baˇ pyehˬ nehˬ laꞈ-awˇ, mˇ lehˬ mˇ ca taˬ-euˬ dawˬ tawˆ luꞈ-ahˇ tsiˬ shawˇ dzeh nehˬ laꞈ tehꞈ-a.

Panmaeq 19:11

Kʼoeˇ naˇ, mˬ pah le-awˇ, mahˬ mahˬ pyuˇ tiˬ mawˇ jawˇ gaˇ ngaˇ ya mawˇ-euˬ ma. Mahˬ dziˬ-eu gʼaˬ-ahˇ Saˇ jaˇ ziꞈ-eu Tsaˬ-eu dawˇ-eu gʼaˬ lehˇ kuˇ-eu meh. Aˬ yawꞈ-aˬ, yaw tsaˬ yaw dawˇ laꞈ kʼoeˇ yaˇ kʼaˬ daˇ-awˇ guiˇ deuˆ-eu gʼaˬ meh.

Panmaeq 2:10

Nawˇ ya daˬ-eu lehˇ gʼeh-eu kʼehˬ-eu kʼaˆ-eu jeˬ-ahˇ taˬ guˆ. Nehꞈ sahˬ paˬ-aˬ, nawˬ-euˬ tsawˇ haˬ tiˬ paˆ na deuˬ-ahˇ tawˬ-ahˇ dawˆ-eu laꞈ kʼoeˇ lawˬ haw-awˇ, tseˇ nah byah ni nawˇ shaˬ zahˬ ya mˇ tehꞈ-a. Shiˇ gaˇ keuˆ kʼawꞈ, ngaˬ-ahˇ saˇ jaˇ ziꞈ-awˬ. Kʼoeˇ loꞈ-ehˇ saˇ jaˇ ziꞈ naˇ, gʼaˬ leˇ-euˬ laꞈ sawˬ pyeuꞈ-eu dehꞈ-eu jeˬ ngaˇ nawˬ-ahˇ biꞈ ma.

Panmaeq 3:10

Aˬ jeˬ miˇ neh ehˇ naˇ, ngaˬ neh biꞈ-euˬ dawˬ-ahˇ naw maꞈ naˇ haˬ geuꞈ-awˇ daˬ dzeuˇ oˇ dzeuˇ-euˬ miˇ neh, miˇ tsaˬ zaˬ dawˬ tawˆ luꞈ-ahˇ lawˬ haw-eu gʼaˇ duˬ, miˇ tsaˬ heu kʼoeˇ taˆ shaˬ-eu zahˬ-eu jeˬ bi keuˆ le-eu aˇ yamˬ laꞈ kʼoeˇ, naw maꞈ-ahˇ bi buˬ bi law-iˇ ma.

1 Saˬmeuˬlaˆ 29:10

Kʼoeˇ miˇ neh Daˬbiˇ-oˇ, Sawˇluˆ-ahˇ byehˇ dzeh yaꞈ-awˇ ngaˬ nehˬ-ehˇ kʼaˇ jawˇ le-euˬ naw maꞈ yawˬ gʼaˬ na luꞈ, ni shawˬ uˬ shawˬ yaw naꞈ-ehˇ tuˇ-awˇ, uˬ bya bya laˇ-eu nehˬ-ehˇ gʼoꞈ-iˇ-awˬ.”