1 Gawˇliˬtu 10:12 - Akha

¹² Ziꞈ dah ni yawꞈ luꞈ ma lehˇ noeˬ-eu tsawˇ haˬ aˬ geu gʼaˬ maˬ kaˬ, maˬ ya coˬ-iˇ ni yahˇ-eu tsaˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Khoermirnae, tsawrhaq tiqghaqnav, ngar zifdanni yawfluf-eu ma laer noeq nar-aq, aqyawf maqya coq-ir ni yanr-eu tsaq taef-a.

1 Gawˇliˬtu 10:12 ပူးပေါင်းရင်းမြစ်များ

Dawqdaq 16:18

Nui ma huiˬ-eu mehˬ nah yaw cawˆ jeˬ caw-awˇ, jahˇ gʼeh-eu mehˬ nah daˬ ga-eu jeˬ teh-eu meh.

Dawqdaq 28:14

Aˬ myah luꞈ Sahˬpaˬ Miˬyehˇ-euˬ ehˇ dawˬ naˇ haˬ-eu tsawˇ haˬ nui saˇ oꞈ-awˇ, nui ma gʼahˇ-eu tsawˇ haˬ kʼoeˇ taˆ guˆ-eu gaˆ-eu jeˬ keuˆ le tehꞈ-a.

Luˇkaꞈ 8:18

“Naw maꞈ ya gaˬ-euˬ gaˇ kawˆ heu-ahˇ yaw muiˬ paˬ-ehˇ noeˬ gahˇ-awˬ. Aˬ jeˬ miˇ neh ehˇ naˇ, jaˆ-eu tsawˇ haˬ-ahˇ paˇ biꞈ lahˬ nehˬ-awˇ, maˬ jaˆ-eu tsawˇ haˬ-ahˇ-aˬ, yawˬ ha neh jaˆ ma lehˇ kʼaˇ noeˬ taˬ-euˬ dawˬ tawˆ luꞈ yuˇ jiˇ nehˬ tehꞈ-a.”

Lormav 11:20

Naw maꞈ ehˇ-eu tsaˬ meh. Aˬ yawꞈ maꞈ-aˬ, maˬ jah-eu miˇ neh bi deuˆ tsehˆ dzeh-euˬ meh. Naw maꞈ-aˬ, jah-eu miˇ neh ziꞈ luꞈ meh. Ehˇ kʼawꞈ, nui ma taˬ huiˬ. Yahˇ yahˇ-ehˇ dehꞈ-awˬ.

1 Gawˇliˬtu 8:2

Yawˬ haˇ yawˬ ha zaˬ siˬ tsawˇ gahˇ ahˇ ma lehˇ noeˬ-eu tsawˇ haˬ-aˬ, yawˬ ha siˬ geuˇ nya geuˇ-eu loꞈ-ehˇ maˬ siˬ maˬ nya keuˆ-eu tsawˇ haˬ pyeuꞈ-eu meh.

Gawˇlawˇsehˇ 2:8

Tsawˇ haˬ zaˬ-euˬ zaˬ siˬ tsawˇ gahˇ-ahˇ gʼoe-awˇ mehˇ shuiˇ shuiˇ luꞈ-eu gaˇ dahˇ maˬ tsoeˬ-eu jaˬ myawꞈ kʼoeˇ deuˬ-euˬ zaˬ kʼaˆ maˬ ya geuꞈ ni yahˇ-awˬ. Kʼoeˇ-aˬ, Yeˬsuˇ Ka li laꞈ kʼoeˇ doˆ le-euˬ jeˬ maˬ ngeuˇ-a. Mˬ hawˇ-eu miˇ yaw kaˬ-ahˇ uˆ lahˇ-eu yaw sahˇ deuˬ-euˬ laꞈ-ahˇ neh, tsawˇ haˬ zaˬ neh tiˬ ziˇ saˇ-iˬ tiˬ ziˇ tawˬ ka leꞈ-euˬ mehˬ-eu tsoˆ-eu jeˬ pyeuꞈ-eu meh.

2 Beˬtuˆluˆ 3:17

Ehˇ kʼawꞈ cawˬ deuˬ oˇ, naw maꞈ-aˬ, gaˇ kawˆ heu siˬ nya taˬ-euˬ tsawˇ haˬ meh. Kʼaˇ dehꞈ mawꞈ-eu dehꞈ-eu tsawˇ haˬ deuˬ neh bi tsahˇ pyawˇ-awˇ, yawˬ ha ziꞈ dah ni yawꞈ luꞈ-eu maˬ ya coˬ-iˇ ni yaw kʼaˆ kʼaˆ-ehˇ yahˇ-awˬ.