1 Gawˇliˬtu 1:30 - Akha

³⁰ Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ Aerkhawf, Miqyaer-euq baqda’nae nawmaf, Yeqsur Kali-euq lafkhoer ya jawrlar-euq mae. Kali-aq, aqdui-euq gharduq Miqyaer-euq zaqsiq tsawrganr, tsaq-awr dawr-eu jeq, lavshawr-eu jeq hawr-eu kakhof-eu jeq pyeuflar-euq mae.

1 Gawˇliˬtu 1:30 ပူးပေါင်းရင်းမြစ်များ

Dawqdaq 1:20

Naˇ haˬ sheˇ, meuˬ-eu gaˇ ma doe ni zaˬ siˬ tsawˇ gahˇ guˇ luꞈ meh. Lehˆ kawˆ doe ni yaw kʼaˆ-ehˇ guˇ luꞈ meh.

Dawqdaq 2:6

Sahˬpaˬ Miˬyehˇ-aˬ, zaˬ siˬ tsawˇ gahˇ biꞈ-eu gʼaˬ meh. Tsawˇ gahˇ hawˇ-eu noeˬ siˬ noeˬ mawˇ nya-eu jeˬ, aˬ yawꞈ-euˬ kʼaˬ meh-ahˇ neh doˆ le-euˬ meh.

Dawqdaq 8:5

Dawˇ ga deuˬ-oˇ, siˬ laˇ gahˇ laˇ-awˬ. Aˬ dzawˬ aˇ gah deuˬ-oˇ, nui ma-ahˇ noeˬ-awˬ.

Iˇsaˬyaˇ 11:2

Sahˬpaˬ Miˬyehˇ-euˬ Yaw sahˇ pyeuꞈ-eu, zaˬ siˬ nui gahˇ hawˇ-eu noeˬ siˬ noeˬ mawˇ nya-eu jeˬ biꞈ-eu yaw sahˇ, nui noeˬ nui duˇ hawˇ-eu baoˬ biꞈ-eu yaw sahˇ, tsawˇ gahˇ hawˇ-eu Sahˬpaˬ Miˬyehˇ-ahˇ guˆ-eu nui ma biꞈ-eu yaw sahˇ, aˬ yawꞈ kʼoeˇ taˆ keuˆ le tehꞈ-a.

Iˇsaˬyaˇ 45:17

Ehˇ kʼawꞈ, Iˇsaˬleˬlaˆ-ahˇ Sahˬpaˬ Miˬyehˇ ka kʼoꞈ-awˇ, mˬ maˬ maˬ byaˆ zaˇ ziˇ gʼaˬ leˇ-eu gʼaˬ pyeuꞈ-awˇ, shaꞈ dawˇ-eu jeˬ maˬ keuˆ le-ehˇ daˬ maˬ ga-a.’

Iˇsaˬyaˇ 54:17

Ehˇ kʼawꞈ, nawˬ-ahˇ laˆ tahˬ laˆ naˇ nya-eu, guiˇ deuˆ-eu keu ka maˬ jaˆ-a. Nawˬ-ahˇ yaˇ kʼaˬ kʼaˇ ja laˇ-eu tsawˇ haˬ deuˬ-ahˇ, nawˇ ja gʼaˬ nya tehꞈ-a. Ngaˬ-euˬ zaˬ kʼaˆ deuˬ-ahˇ ngaˇ haw piˇ-awˇ, gʼaˬ leˇ-eu tsawˇ haˬ bi pyeuꞈ ma” lehˇ Sahˬpaˬ Miˬyehˇ ehˇ-eu meh.

Yeˬlaˬmiˇ 33:16

Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ jawˇ-eu tsawˇ haˬ deuˬ-ahˇ ka kʼoꞈ nehˬ-awˇ, nui saˇ oꞈ-eu laꞈ kʼoeˇ ya dehꞈ tehꞈ-a. Yeˬluˇsaˬlehˬ meuˬ-euˬ tsawˇ myahˇ-ahˇ, ‘Sahˬpaˬ Miˬyehˇ aˬ dui-ahˇ ka kʼoꞈ-eu gʼaˬ meh’ lehˇ ya kuˇ tehꞈ-a.

Daˬyeˬlaˇ 2:20

“Baoˬ huiˬ tsawˇ gahˇ byah-eu Miˬyehˇ maˬ byaˆ zaˇ ziˇ ja ceuˬ-eu ma.

Daˬyeˬlaˇ 9:24

“Shiꞈ tseˇ kʼoꞈ, shiꞈ poˆ lehˇ ehˇ-euˬ-aˬ, nawˬ-euˬ tsawˇ jeuˬ hawˇ-eu naw maꞈ-euˬ muiˬ-eu shawˇ-eu meuˬ-ahˇ iˬ baˇ hawˇ-eu yaw haiˬ jeˬ laꞈ kʼoeˇ ka kʼoꞈ nehˬ-eu gʼaˇ duˬ, Miˬyehˇ neh dza taˬ-euˬ aˇ yamˬ-ahˇ ehˇ-eu meh. Yaw sahˇ laꞈ kʼoeˇ kʼaˇ ya siˬ kʼaˇ ya mawˇ-euˬ loꞈ-ehˇ aˬ diˇ aˬ maˇ keuˆ le-awˇ, muiˬ-eu shawˇ-eu Uˬ duˬ tahˬ nymˇ nymˇ ma paˇ ya a nehˬ-eu aˇ nah bi keuˆ le-eu gʼaˇ duˬ, iˬ baˇ mˇ-eu jeˬ aˇ saˬ bi saˬ le-awˇ, mˬ maˬ maˬ byaˆ zaˇ ziˇ ziꞈ-eu yaw tsaˬ yaw dawˇ jeˬ ziꞈ dah ni bi jaˆ le tehꞈ-a.

Hawˇseˬ 13:14

Shiˇ-eu jeˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ maˬ ka kʼoꞈ. Shiˇ-eu baoˬ-euˬ uˬ moˆ shaˬ gaˇ, aˬ yawꞈ maꞈ-ahˇ ngaˇ maˬ ka kʼoꞈ, Shiˇ-eu jeˬ-oˇ nawˬ-euˬ shaˆ shiˇ, yawꞈ maꞈ kʼoeˇ taˆ bi keuˆ le-awˬ. Shiˇ-eu miˇ kʼahˬ-euˬ yaw cawˆ jeˬ, aˬ yawꞈ maꞈ-ahˇ tahˬ daˆ nehˬ-awˬ. Tsawˇ haˬ heu deuˬ-euˬ kʼoeˇ taˆ ngaˇ, gʼawˬ shaˬ gaˬ-eu maˬ paˇ ahˇ ma.

Maꞈtehˬ 1:21

Aˬ yawꞈ aˬ li tiˬ li ciˬ tehꞈ-a. Aˬ li kʼoeˇ li-ahˇ Yeˬsuˇ lehˇ nawˇ myahˇ nehˬ-awˬ. Aˬ jeˬ miˇ neh ehˇ naˇ, aˬ li kʼoeˇ li-aˬ, aˬ yawꞈ-euˬ tsawˇ haˬ deuˬ-ahˇ iˬ baˇ laꞈ kʼoeˇ ka kʼoꞈ doˆ nehˬ tehꞈ-a.”

Luˇkaꞈ 11:49

Kʼoeˇ baˬ da neh, Miˬyehˇ-euˬ zaˬ siˬ tsawˇ gahˇ sahˬ boꞈ laꞈ kʼoeˇ, ‘Miˬyehˇ gʼaˇ duˬ ngehˬ dah-eu deuˬ hawˇ-eu Gʼaˬ kʼehˇ deuˬ-ahˇ aˬ yawꞈ maꞈ sehꞈ-awˇ, tiˬ paˆ na deuˬ-ahˇ kʼehˬ nehˬ kʼaˆ nehˬ tehꞈ-a’ lehˇ ehˇ taˬ-euˬ meh.

Luˇkaꞈ 21:15

Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ maˬ ja gʼaˬ nya-eu dawˬ hawˇ-eu zaˬ siˬ tsawˇ gahˇ, naw maꞈ-ahˇ ngaˇ biꞈ ma.

Yoˇhaˬ 1:18

Tsawˇ haˬ tiˬ gʼaˬ-iˬ Miˬyehˇ-ahˇ maˬ mawˇ haw-aˬ. Aˬda-euˬ bawˇ kʼahˇ-ahˇ nuiˇ-eu Zaˬmaˇ tiˬ gʼaˬ tehꞈ neh, Miˬyehˇ aˬ suˇ gʼaˬ pyeuꞈ-eu gaˇ kawˆ pah mehˬ le-euˬ meh.

Yoˇhaˬ 14:6

Toˇmaˆ-ahˇ Yeˬsuˇ ehˇ nehˬ-eu, “Ngaˇ-aˬ, gaˇ ma pyeuꞈ-eu ma. Yaw tsaˬ yaw dawˇ jeˬ hawˇ-eu saꞈ laˇ dehꞈ-eu jeˬ kʼawꞈ pyeuꞈ-eu ma. Ngaˬ-ahˇ maˬ gʼoe naˇ, tsawˇ haˬ tiˬ gʼaˬ-iˬ Aˬda jawˇ gaˇ ma le keuˆ nya-a.

Yoˇhaˬ 17:26

Nawˬ neh ngaˬ-ahˇ gaˬ-euˬ gʼoeˇ-eu gaˬ-eu kʼoeˇ hmˬ aˬ yawꞈ maꞈ-euˬ laꞈ kʼoeˇ ahˇ-awˇ, ngaˇ aˬ yawꞈ maꞈ-euˬ laꞈ kʼoeˇ jawˇ nya-eu gʼaˇ duˬ, aˬ yawꞈ maꞈ nawˬ-ahˇ siˬ nya laˇ ni ngaˇ mˇ-euˬ loꞈ-ehˇ, mehˬ hu paw paˇ mˇ daˆ leꞈ ma.”

Yoˇhaˬ 17:8

Aˬ jeˬ miˇ neh ehˇ naˇ, nawˬ neh ngaˬ-ahˇ biꞈ laꞈ-euˬ dawˬ deuˬ aˬ yawꞈ maꞈ-ahˇ ngaˇ biꞈ nehˬ-awˇ, aˬ yawꞈ maꞈ ha geuꞈ-euˬ meh. Ngaˇ-aˬ nawˇ jawˇ gaˇ neh oe-euˬ meh lehˇ aˬ yawꞈ maꞈ siˬ duˬ-awˇ, nawˬ neh ngaˬ-ahˇ kʼehˇ gʼeh leꞈ-euˬ meh lehˇ aˬ yawꞈ maꞈ jah-eu meh.

Yoˇhaˬ 8:12

Kʼoeˇ naˇ, Paˬliˬsehˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Ngaˇ-aˬ, miˇ tsaˬ-euˬ yaw shehꞈ ma. Ngaˬ-euˬ mehˬ nah kʼaˇ caw teh-eu tsawˇ haˬ-aˬ, dehꞈ-eu saꞈ laˇ yaw shehꞈ za-awˇ, yaw zahˇ laꞈ kʼoeˇ maˬ paˇ cah-aˇ.”

Gʼaˬkʼehˇ 26:18

Aˬ yawꞈ maꞈ jah-eu laꞈ kʼoeˇ iˬ baˇ pyehˬ nehˬ-euˬ jeˬ-ahˇ za-awˇ, Miˬyehˇ neh tseˇ doˆ-euˬ tsawˇ haˬ deuˬ nehˬ-ehˇ jawˇ duˬ za nya ni aˬ yawꞈ maꞈ-euˬ myaˆ nuiˆ nawˇ pah nehˬ-awˇ, yaw zahˇ laꞈ kʼoeˇ neh yaw shehꞈ-ahˇ ya sheuˬ kʼoꞈ laꞈ nehˬ-awˇ, Saˬdaˬ-euˬ baoˬ uˬ moˆ jawˇ luꞈ-eu deuˬ-ahˇ Miˬyehˇ jawˇ paw ya sheuˬ kʼoꞈ laꞈ nehˬ meh’ lehˇ ehˇ-eu meh.

Lormav 1:17

Tsawˇ haˬ zaˬ aˬ yawꞈ-ahˇ tsaˬ laˇ tsahˇ laˇ ni Miˬyehˇ aˬ joˆ-ehˇ jahˇ-eu gaˇ kawˆ, La kʼaˬ cehˇ-eu Guiˬ lahˬ dawˬ laꞈ kʼoeˇ pah mehˬ taˬ-euˬ meh. Miˬyehˇ neh kʼaˇ mˇ-euˬ jeˬ dawˬ tawˆ luꞈ, tsawˇ haˬ zaˬ jah-eu baˬ da neh tehꞈ-ehˇ keuˆ le nya-eu meh. “Jah-eu miˇ neh Miˬyehˇ-ahˇ tsaˬ lehˇ tsahˇ leˇ-eu tsawˇ haˬ-aˬ, saꞈ laˇ dehꞈ-eu jeˬ za tehꞈ-a” lehˇ, Jaˇliꞈ laꞈ kʼoeˇ ehˇ taˬ-euˬ meh.

Lormav 11:36

Kʼaˇ jawˇ kʼaˇ jaˆ-eu jeˬ dawˬ tawˆ luꞈ aˬ yawꞈ neh beh taˬ-euˬ meh. Dawˬ tawˆ luꞈ aˬ yawꞈ baˬ da neh jaˆ luꞈ jawˇ luꞈ-awˇ, aˬ yawꞈ-euˬ gʼaˇ duˬ jaˆ luꞈ jawˇ luꞈ-eu tehꞈ meh. Mˬ maˬ maˬ byaˆ zaˇ ziˇ Miˬyehˇ-ahˇ ciˬ huiˬ ciˬ mahˇ kaˇ-euˇ. Aˬ miˬ.

Lormav 12:5

Kʼoeˇ gaˇ duˇ ni, aˬ dui-aˬ, maˬ duˇ leˇ-eu tsawˇ haˬ gʼawˬ mya jeˬ pyeuꞈ-eu kʼawꞈ, Ka li nehˬ-ehˇ taꞈ luꞈ-eu gʼawˇ mawˇ tiˬ mawˇ tehꞈ-ehˇ pyeuꞈ-awˇ, gʼawˇ mawˇ tiˬ mawˇ-ahˇ tehꞈ-ehˇ maˬ duˇ leˇ-eu aˇ sehˇ gʼawˬ mya jeˬ tsoꞈ tawꞈ taˬ-euˬ loꞈ-ehˇ, aˬ dui tiˬ gʼaˬ tiˇ gʼaˬ tsoꞈ tawꞈ taˬ-euˬ ma.

Lormav 16:11

Aˬ yuiꞈ aˬ nyiˇ Yuˇdaˆ tsawˇ haˬ pyeuꞈ-eu Heˬloˇdiˇoˬ hawˇ-eu Naˬgiˬsuˇ-euˬ nymˇ jiˇ-ahˇ taꞈ-eu aˬ yuiꞈ aˬ nyiˇ Ka li zaˬ deuˬ-ahˇ kʼawꞈ noeˬ mawˇ luꞈ ma.

Lormav 16:7

Naw maꞈ gʼaˇ duˬ leh jeh dui dui-eu laꞈ kʼoeˇ gaˇ mˇ luꞈ-eu Maˬliˇ-ahˇ kʼawꞈ noeˬ mawˇ luꞈ ma. Ngaˬ nehˬ-ehˇ tiˬ kawˆ loꞈ-ehˇ tawˬ-ahˇ uˇ-euˬ aˬ yuiꞈ aˬ nyiˇ Yuˇdaˆ tsawˇ haˬ pyeuꞈ-eu Aˬdawˇniˆ hawˇ-eu Yuˇniˆ aˬ nyaꞈ-ahˇ kʼawꞈ noeˬ mawˇ luꞈ ma. Aˬ yawꞈ nyaꞈ-aˬ, tsawˇ myahˇ doˆ-eu gʼaˬ kʼehˇ pyeuꞈ-awˇ, ngaˬ-euˬ mehˬ hu neh Ka li zaˬ pyeuꞈ laˇ-euˬ meh.

Lormav 4:25

Aˬ dui-euˬ iˬ baˇ baˬ da neh aˬ yawꞈ-ahˇ sehꞈ-eu gʼaˇ duˬ bi a nehˬ-awˇ, aˬ dui Miˬyehˇ-ahˇ tsaˬ leˇ tsahˇ leˇ nya ni aˬ yawꞈ-ahˇ bi gʼoꞈ dehꞈ laˇ-euˬ meh.

Lormav 4:6

Yawˬ ha neh mˇ-euˬ yaw muiˬ yaw doeˇ-ahˇ Miˬyehˇ maˬ haw ni, yaw tsaˬ yaw dawˇ tsawˇ haˬ lehˇ bi ha geuꞈ-euˬ gʼaˬ-aˬ, guiˬ lahˬ huiˬ dui dui-eu meh lehˇ Daˬbiˇ neh ehˇ-euˬ dawˬ kʼoeˇ dawˬ, heu gaˇ ehˇ mawꞈ-eu meh. Daˬbiˇ ehˇ-eu,

Lormav 5:19

Tsawˇ haˬ zaˬ tiˬ gʼaˬ maˬ naˇ haˬ geuꞈ-euˬ baˬ da neh tsawˇ haˬ zaˬ dawˬ tawˆ luꞈ iˬ baˇ zaˬ pyeuꞈ-iˇ-euˬ loꞈ-ehˇ, tsawˇ haˬ tiˬ gʼaˬ naˇ haˬ geuꞈ-euˬ baˬ da neh tsawˇ haˬ zaˬ dawˬ tawˆ luꞈ Miˬyehˇ-ahˇ tsaˬ leˇ tsahˇ leˇ tehꞈ-a.

Lormav 5:21

Kʼoeˇ miˇ neh, iˬ baˇ-aˬ, shiˇ-eu jeˬ-ahˇ gʼoe-awˇ uˆ lahˇ-eu loꞈ-ehˇ, Miˬyehˇ-euˬ guiˬ lahˬ-aˬ, yaw tsaˬ yaw dawˇ jeˬ-ahˇ gʼoe-awˇ uˆ lahˇ-eu laꞈ koeˇ, aˬ dui-euˬ Sahˬpaˬ Yeˬsuˇ Ka li-ahˇ gʼoe-awˇ mˬ maˬ maˬ byaˆ zaˇ ziˇ dehꞈ gaˇ sheuˬ gʼeh laꞈ-euˬ meh.

Lormav 8:1

Kʼoeˇ miˇ neh, Yeˬsuˇ Ka li laꞈ kʼoeˇ jawˇ luꞈ-eu tsawˇ haˬ deuˬ-aˬ, nymˬ-mˇ yaˇ kʼaˬ daˇ nehˬ-eu jeˬ-ahˇ maˬ ya daˬ-a.

Lormav 8:23

Beh taˬ-euˬ jeˬ tehꞈ-ehˇ kʼoeˇ loꞈ-ehˇ mahˇ luꞈ-eu maˬ ngeuˇ-a. Miˬyehˇ neh biꞈ leꞈ-euˬ laꞈ sawˬ za beh beh-euˬ deuˬ pyeuꞈ-eu Yaw sahˇ Miˬyehˇ za-euˬ aˬ dui maꞈ kʼawꞈ, aˬ dui-ahˇ aˬ yawꞈ-euˬ zaˬ bi pyeuꞈ laˇ-awˇ, aˬ dui-euˬ nui ma gʼawˇ mawˇ dawˬ tawˆ luꞈ bi buˬ-iˇnehˬ laꞈ-eu gʼaˇ duˬ Miˬyehˇ-ahˇ loꞈ luꞈ ngeh, nui ma laꞈ kʼoeˇ mahˇ mahˇ-ehˇ shaˬ luꞈ-eu ma.

Lormav 8:9

Nui ma laꞈ kʼoeˇ Miˬyehˇ-euˬ Yaw sahˇ maˇ maˇ ni jawˇ naˇ, yawˬ ha-euˬ shiˬ shaˬ jiˇ nui noeˬ neh kʼaˇ bi dehꞈ-euˬ loꞈ-ehˇ maˬ dehꞈ ni, Yaw sahˇ Miˬyehˇ-euˬ ehˇ dawˬ naˇ haˬ-awˇ dehꞈ tehꞈ-a. Yawˬ ha laꞈ kʼoeˇ Ka liˬ-euˬ Yaw sahˇ maˬ jawˇ-eu tsawˇ haˬ aˬ geu gʼaˬ maˬ kaˬ, aˬ yawꞈ-ahˇ maˬ taꞈ-a.

1 Gawˇliˬtu 1:2

Miˬyehˇ-euˬ muiˬ-eu shawˇ-eu tsawˇ haˬ bi geuꞈ-eu gʼaˇ duˬ bi kuˇ doˆ-awˇ, aˬ dui-euˬ Sahˬpaˬ Yeˬsuˇ ka li-ahˇ uˬ duˬ kʼaˇ tahˬ-eu yawˬ gaˇ na luꞈ jawˇ-eu tsawˇ haˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ, aˬ dui-euˬ Sahˬpaˬ hawˇ-eu aˬ yawꞈ maꞈ-euˬ Sahˬpaˬ pyeuꞈ-eu Yeˬsuˇ Ka li laꞈ kʼoeˇ Miˬyehˇ-euˬ tsawˇ haˬ pyeuꞈ laˇ-euˬ Gawˇliˬtu meuˬ-ahˇ jawˇ-eu Ka li zaˬ aˇ muˇ jawˇ gaˇ sahˬ boꞈ boꞈ ahˇ laꞈ-eu ma.

1 Gawˇliˬtu 1:24

Ehˇ kʼawꞈ, Miˬyehˇ neh kuˇ doˆ-euˬ tsawˇ haˬ deuˬ pyeuꞈ-eu Yuˇdaˆ tsawˇ haˬ deuˬ gʼaˇ duˬ hawˇ-eu, Yuˇdaˆ tsawˇ haˬ maˬ ngeuˇ-eu deuˬ gʼaˇ duˬ, dawˬ heu-aˬ, Miˬyehˇ-euˬ baoˬ hawˇ-eu zaˬ siˬ tsawˇ gahˇ pyeuꞈ-eu Ka li meh.

1 Gawˇliˬtu 12:18

Ehˇ kʼawꞈ, Miˬyehˇ nui ma tsaˬ-eu loꞈ-ehˇ, maˬ duˇ leˇ-eu aˇ sehˇ yawˬ sehˇ na luꞈ-ahˇ nymˬ-mˇ kʼaˇ tsoꞈ luꞈ-eu loꞈ-ehˇ gʼawˇ mawˇ-ahˇ bi tsoꞈ-euˬ meh.

1 Gawˇliˬtu 12:27

Naw maꞈ dawˬ tawˆ luꞈ Ka li-euˬ gʼawˇ mawˇ pyeuꞈ-awˇ, aˬ yawꞈ gʼaˬ yawꞈ aˇ sehˇ tiˬ sehˇ-ahˇ duˇ-eu meh.

1 Gawˇliˬtu 12:8

Tiˬ gʼaˬ-ahˇ yaw muiˬ yaw doeˇ tseˇ paˆ geuꞈ-eu nui gahˇ ahˇ-eu dawˬ mehˬ nya-eu jeˬ biꞈ-awˇ, tiˬ gʼaˬ-ahˇ zaˬ siˬ tsawˇ gahˇ ahˇ-eu dawˬ mehˬ nya-eu jeˬ biꞈ taˬ-euˬ meh. Kʼoeˇ nyiˬ jeˬ luꞈ-ahˇ Yaw sahˇ Miˬyehˇ tiˬ gʼaˬ neh tehꞈ-ehˇ biꞈ taˬ-euˬ meh.

1 Gawˇliˬtu 4:15

Aˬ jeˬ miˇ neh ehˇ naˇ, zaˬ yaw nyiˇ-ahˇ bo saˆ-eu tsawˇ haˬ loꞈ-ehˇ naw maꞈ-ahˇ sheuˬ gʼeh-eu saˬ laˬ deuˬ maˬ gui jiˇ coeˇ ni jawˇ kʼawꞈ, naw maꞈ-euˬ aˬ da tiˬ gʼaˬ tehꞈ meh. Ngaˇ-aˬ, naw maꞈ jawˇ gaˇ Laˬ kʼaˬ cehˇ-eu Guiˬ lahˬ dawˬ hehˇ keuˆ laꞈ-euˬ gʼaˬ pyeuꞈ-eu miˇ neh, ka li laꞈ kʼoeˇ naw maꞈ-euˬ aˬ da pyeuꞈ laˇ-euˬ ma.

1 Gawˇliˬtu 6:11

Naw maꞈ laꞈ kʼoeˇ tiˬ paˆ na deuˬ kʼoeˇ loꞈ-ehˇ dehꞈ dzeuˇ yaꞈ-euˬ meh. Ehˇ kʼawꞈ, naw maꞈ-ahˇ iˬ baˇ tsiˬ shawˇ nehˬ gʼaˬ-euˬ meh. Naw maꞈ-ahˇ Miˬyehˇ-euˬ aˬ laꞈ laꞈ kʼoeˇ a nehˬ gʼaˬ-euˬ meh. Naw maꞈ Miˬyehˇ-ahˇ tsaˬ leˇ tsahˇ leˇ ni, Sahˬpaˬ Yeˬsuˇ ka li hawˇ-eu Miˬyehˇ-euˬ Yaw sahˇ neh mˇ gʼaˬ-euˬ meh.

2 Gawˇliˬtu 12:2

Dzeuˇ laˇ-euˬ tseˇ oeˬ kʼoꞈ-ahˇ, mˬ kʼoeˇ taˆ goˇ dui dui-eu tiˆ-ahˇ bi ciˬ daˆ leꞈ-euˬ Ka li zaˬ tiˬ gʼaˬ-ahˇ ngaˇ siˬ nya ma. (Gaˇ kawˆ kʼoeˇ maˇ maˇ ni pyeuꞈ dzeuˇ yaꞈ-euˬ jeˬ ngeuˇ-eu maˬ siˬ. Yaw sahˇ laꞈ kʼoeˇ ya siˬ ya mawˇ-euˬ jeˬ pyeuꞈ-eu maˬ siˬ. Ngaˬ-ahˇ maˬ ehˇ duˬ nya nya. Miˬyehˇ tiˬ gʼaˬ tehꞈ-ehˇ siˬ duˬ-eu meh.)

2 Gawˇliˬtu 4:6

“Yaw zahˇ laꞈ kʼoeˇ yaw shehꞈ bya tehꞈ-a” lehˇ ehˇ-eu Miˬyehˇ hawˇ-eu Ka li-euˬ myaˆ pyawˬ kʼoeˇ taˆ bya doˆ le-euˬ Miˬyehˇ-euˬ yaw shehꞈ kʼahˬ sehˇ-ahˇ nga maꞈ siˬ nya laˇ ni nga maꞈ-euˬ nui ma laꞈ kʼoeˇ yaw shehꞈ bi bya laꞈ-euˬ Miˬyehˇ-aˬ, aˬ yawꞈ tiˬ gʼaˬ tehꞈ meh.

Gaˬlaˬtiˆ 1:4

Haiˬ dui dui-eu ziˇ heu ziˇ-ahˇ aˬ dui ya buˬ-iˇ ni aˬ dui-euˬ Aˬda Miˬyehˇ nui ma tsaˬ-eu loꞈ-ehˇ, aˬ dui-euˬ iˬ baˇ aˇ poeˬ Ka li aˬ yawꞈ-euˬ gʼawˇ mawˇ lawˇ nehˬ-euˬ meh.

Gaˬlaˬtiˆ 3:13

Ehˇ kʼawꞈ, aˬ dui gʼaˇ duˬ yaˬ kʼehˇ yaˬ-eu jeˬ-ahˇ Ka li daˬ-awˇ, Zahˇ dawˬ kʼoꞈ dawˬ neh aˬ dui kʼoeˇ taˆ bi keuˆ le-euˬ yaˬ kʼehˇ yaˬ-eu jeˬ laꞈ kʼoeˇ aˬ yawꞈ aˬ dui-ahˇ ka kʼoꞈ nehˬ laꞈ-euˬ meh. Aˬ jeˬ miˇ neh ehˇ naˇ, “Aˇ bawˇ kʼoeˇ taˆ kʼaˇ paꞈ gʼeu sehꞈ-euˬ tsawˇ haˬ-aˬ, Miˬyehˇ neh yaˬ kʼehˇ yaˬ nehˬ-euˬ jeˬ-ahˇ ya daˬ-euˬ tsawˇ haˬ meh” lehˇ, Jaˇ liꞈ laꞈ kʼoeˇ ehˇ taˬ-euˬ meh.

Eˇpeˇsu 1:10

Aˇ yamˬ tsaˬ laˇ ngeh mˇ byah-eu gʼaˇ duˬ Miˬyehˇ neh noeˬ tsehˆ-awˇ lehˬ hmˬ taˬ-euˬ gaˇ kawˆ kʼoeˇ-aˬ, yawˬ jeˬ na luꞈ-euˬ uˬ duˬ pyeuꞈ-eu Ka li-ahˇ mˬ hawˇ-eu miˇ kʼoeˇ taˆ kʼaˇ beh taˬ-euˬ jeˬ dawˬ tawˆ luꞈ bi gawꞈ bi bawˆ leˇ-eu gʼaˇ duˬ pyeuꞈ-eu meh.

Eˇpeˇsu 1:14

Yaw sahˇ Miˬyehˇ-aˬ, Miˬyehˇ neh aˬ yawꞈ-euˬ tsawˇ haˬ deuˬ-ahˇ saˇ jaˇ dzaˬ taˬ-euˬ jeˬ-ahˇ aˬ dui aˬ diˇ za-eu gaˇ kawˆ saˇ kiˇ pyeuꞈ-awˇ, Miˬyehˇ aˬ yawꞈ-euˬ tsawˇ haˬ deuˬ-ahˇ tiˬ byah tiˬ loꞈ bi buˬ bi law-iˇ tehꞈ-a lehˇ aˬ dui-ahˇ bi siˬ duˬ laꞈ-euˬ jeˬ pyeuꞈ-eu meh. Aˬ yawꞈ-euˬ yaw shehꞈ kʼahˬ sehˇ-ahˇ ja ceuˬ kaˇ-euˇ.

Eˇpeˇsu 1:7

Aˬ jeˬ miˇ neh ehˇ naˇ, Ka li kamˇ shiˇ-euˬ baˬ da neh aˬ dui ya buˬ-iˇ-awˇ, aˬ dui-euˬ iˬ baˇ-ahˇ pyehˬ nehˬ laꞈ-euˬ meh. Miˬyehˇ gʼawˬ shaˬ gaˬ-eu guiˬ lahˬ kʼoeˇ aˇ naˆ ni huiˬ-eu nga.

Eˇpeˇsu 2:10

Nymˬ-mˇ aˬ dui kʼaˇ ngeuˇ-eu loꞈ-ehˇ Miˬyehˇ neh aˬ dui-ahˇ beh taˬ-euˬ meh. Aˬ yawꞈ neh aˬ dui-ahˇ bi mˇ-eu lehˇ lehˬ hmˬ taˬ-euˬ yaw muiˬ jeˬ-ahˇ aˬ dui mˇ nya ni, Yeˬsuˇ Ka li laꞈ kʼoeˇ aˬ dui-ahˇ beh taˬ-euˬ meh.

Eˇpeˇsu 4:30

Miˬyehˇ-euˬ Muiˬ-eu Shawˇ-eu Yaw sahˇ-ahˇ bi noeˬ shaˬ-eu jeˬ taˬ mˇ. Aˬ jeˬ miˇ neh ehˇ naˇ, ka kʼoꞈ-eu aˇ nah keuˆ le ngeh naw maꞈ Miˬyehˇ-euˬ tsawˇ haˬ pyeuꞈ-eu duˬ laˇ ni, Yaw sahˇ Miˬyehˇ laꞈ kʼoeˇ naw maꞈ-ahˇ juˬ diˬ taˬ-euˬ meh.

Eˇpeˇsu 5:26

Aˬ yawꞈ-euˬ gʼawˇ mawˇ lawˇ nehˬ-euˬ kʼoeˇ-aˬ, Ka li zaˬ aˇ muˇ-ahˇ aˬ yawꞈ-euˬ dawˬ neh iˇ cuꞈ laꞈ kʼoeˇ tsiˬ shawˇ-awˇ, Miˬyehˇ-ahˇ a nehˬ-eu gʼaˇ duˬ pyeuꞈ-eu meh.

Piˇliˇpiˆ 3:9

A yawꞈ laꞈ kʼoeˇ tiˬ byah tiˬ loꞈ ya jawˇ ni, ngaˇ kʼoeˇ loꞈ-ehˇ sawˇ-euˬ ma. Zahˇ dawˬ kʼoꞈ dawˬ-ahˇ mˇ byah-eu baˬ da neh za nya meh lehˇ sawˇ taˬ-euˬ ngaˬ neh mˇ za-euˬ Miˬyehˇ-ahˇ tsaˬ leˇ tsahˇ leˇ-eu kʼoeˇ hmˬ tiˬ pawꞈ-iˬ maˬ paˇ ahˇ ma. Nymˬ-mˇ ngaˇ za taˬ-euˬ Miˬyehˇ-ahˇ tsaˬ leˇ tsahˇ leˇ-eu heu-aˬ, ngaˇ Ka li-ahˇ jah-eu baˬ da neh za taˬ-euˬ ma. Heu-aˬ, jah-eu kʼoeˇ taˆ Miˬyehˇ neh biꞈ nehˬ laꞈ-euˬ Miˬyehˇ-ahˇ tsaˬ leˇ tsahˇ leˇ-eu jeˬ pyeuꞈ-eu meh.

Gawˇlawˇsehˇ 1:14

Aˬ yawꞈ neh aˬ dui-ahˇ bi buˬ-iˇ laꞈ-euˬ meh. Kʼoeˇ-aˬ, aˬ dui-ahˇ iˬ baˇ pyehˬ nehˬ laꞈ-euˬ jeˬ pyeuꞈ-eu meh.

Gawˇlawˇsehˇ 3:16

Byah dui dui-eu Ka li-euˬ dawˬ kʼoeˇ, naw maꞈ-euˬ nui ma laꞈ kʼoeˇ bi ahˇ-eu tsaˬ meh. Zaˬ siˬ tsawˇ gahˇ dawˬ tawˆ luꞈ zmˬ-awˇ tiˬ gʼaˬ tiˇ gʼaˬ mehˬ-awˬ tsoˆ-awˬ. Jaˇliꞈ laꞈ kʼoeˇ ahˇ-eu ja ceuˬ-eu caˇ dawˬ deuˬ, Yeˬsuˇ gaˇ kawˆ caˇ-eu caˇ dawˬ deuˬ hawˇ-eu, guiˬ lahˬ saꞈ laˇ paw taꞈ leˇ-eu caˇ dawˬ deuˬ caˇ caˇ-ehˇ, nui ma laꞈ kʼoeˇ Miˬyehˇ-euˬ guiˬ lahˬ-ahˇ ja ceuˬ-awˬ.

1 Teˇsaˬloˇni 5:23

Aˬ dui-ahˇ nui saˇ oꞈ-eu jeˬ biꞈ nehˬ laꞈ-eu Miˬyehˇ naw maꞈ-ahˇ tiˬ byah tiˬ loꞈ bi muiˬ bi shawˇ laˇ-awˇ, aˬ dui-euˬ Sahˬpaˬ Yeˬsuˇ Ka li zaꞈ le ngeh, naw maꞈ-euˬ nui ma, gʼawˇ mawˇ, saꞈ laˇ dawˬ tawˆ luꞈ, iˬ baˇ taˬ kʼaˇ maˬ bi za ni Miˬyehˇ bo saˆ luꞈ-uˇ.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

HeˬByehˇ 9:12

Sehˬ gʼawˆ kʼoeˇ-ahˇ Yeˬsuˇ le uˇ-awˇ, Muiˬ dui shawˇ dui dui-eu Jawˇ duˬ-ahˇ mˬ maˬ maˬ byaˆ zaˇ ziˇ gʼaˇ duˬ tiˬ poˆ uˇ leˇ ngeh, ciꞈ myehꞈ hawˇ-eu mawˇ neˇ-euˬ shiˬ yuˇ ahˇ gʼeh-awˇ lawˇ leˇ-euˬ maˬ ngeuˇ-a. Aˬ yawꞈ-euˬ shiˬ yuˇ ahˇ gʼeh-awˇ, mˬ maˬ maˬ byaˆ zaˇ ziˇ ka kʼoꞈ-eu jeˬ-ahˇ aˬ dui za ni lawˇ leˇ-euˬ jeˬ pyeuꞈ-eu meh.

Yaˬkoˆ 1:5

Ehˇ kʼawꞈ, naw maꞈ laꞈ kʼoeˇ tiˬ gʼaˬ na zaˬ siˬ tsawˇ gahˇ teˬ luꞈ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ zaˬ siˬ tsawˇ gahˇ biꞈ tehꞈ-a. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ dawˬ tawˆ luꞈ-ahˇ gʼawˬ shaˬ gaˬ-eu laꞈ kʼoeˇ tsawˇ tsiˇ maˬ tsiˇ ni biꞈ-eu meh.

1 Beˬtuˆluˆ 1:2

Yeˬsuˇ Ka li-euˬ dawˬ-ahˇ naˇ haˬ geuꞈ-awˇ aˬ yawꞈ-euˬ shiˬ neh bi mˇ shawˇ-eu gʼaˇ duˬ, Aˬda Miˬyehˇ neh lehˬ hmˬ taˬ-euˬ jaˆ-eu loꞈ-ehˇ naw maꞈ-ahˇ tseˇ doˆ-awˇ, Yaw sahˇ Miˬyehˇ-ahˇ gʼoe-eu laꞈ kʼoeˇ muiˬ-eu shawˇ-eu tsawˇ haˬ bi pyeuꞈ laˇ-euˬ meh.

2 Beˬtuˆluˆ 1:1

Yeˬsuˇ Ka li-euˬ zaˬ kʼaˆ hawˇ-eu gʼaˬ kʼehˇ pyeuꞈ-eu ngaˇ Siˇmoˬ Beˬtuˆluˆ, Miˬyehˇ hawˇ-eu Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ yaw tsaˬ yaw dawˇ jeˬ baˬ da neh nga maꞈ-euˬ jah-eu jeˬ-ahˇ duˇ-eu aˇ poeˬ kʼaˆ dui dui-eu jah-eu jeˬ za taˬ-euˬ deuˬ jawˇ gaˇ sahˬ boꞈ boꞈ ahˇ laꞈ-eu ma.

1 Yoˇhaˬ 5:6

Iˇ cuꞈ hawˇ-eu shiˬ nehˬ-ehˇ oe-euˬ gʼaˬ-aˬ, Yeˬsuˇ Ka li meh. Iˇ cuꞈ nehˬ-ehˇ tehꞈ-ehˇ aˬ yawꞈ oe-euˬ maˬ ngeuˇ-a. Iˇ cuꞈ hawˇ-eu shiˬ heu nyi jeˬ luꞈ nehˬ-ehˇ oe-euˬ meh. Kʼoeˇ loꞈ-ehˇ oe-euˬ maˇ maˇ ni ngeuˇ meh lehˇ Yaw sahˇ Miˬyehˇ saˇ kiˇ kamˬ-eu meh. Aˬ jeˬ miˇ neh ehˇ naˇ, Yaw sahˇ Miˬyehˇ-aˬ yaw tsaˬ yaw dawˇ meh.

Panmaeq 14:4

Aˬ yawꞈ maꞈ-aˬ, zaˬ miˬ zaˬ nehˬ-ehˇ maˬ yuꞈ taꞈ-eu tsawˇ shawˇ deuˬ meh. Yawˇ zaˬ kʼaˇ iˇ-eu mehˬ nah aˬ yawꞈ maꞈ caw teh-eu meh. Tsawˇ haˬ zaˬ dawˬ tawˆ luꞈ laꞈ kʼoeˇ aˬ yawꞈ maꞈ-ahˇ ka kʼoꞈ-awˇ, Miˬyehˇ hawˇ-eu Yawˇzaˬ-ahˇ damˬ nehˬ beh beh-euˬ deuˬ pyeuꞈ-eu meh.

Panmaeq 5:9

Aˬ yawꞈ maꞈ caˇ dawˬ yaw shuiꞈ heu loꞈ-ehˇ caˇ-eu meh. “Sehꞈ-eu jeˬ-ahˇ nawˇ ya daˬ-awˇ, gʼawˇ mawˇ lawˇ dah nehˬ-eu laꞈ kʼoeˇ, miˇ tsaˬ tsawˇ jeuˬ tsawˇ ca dawˬ tawˆ, Miˬyehˇ jawˇ gaˇ gʼoꞈ keuˆ laˇ ni, nawˇ sheuˬ kʼoꞈ ha nehˬ-euˬ miˇ neh, sahˬ boꞈ paˇ yoˆ-ahˇ nawˇ yuˇ-awˇ, jmˬ diˬ taˬ-euˬ ngawˬ paˆ nya ni, nawˇ mˇ geuˇ-eu gʼaˬ pyeuꞈ-eu meh.