1 Gawˇliˬtu 1:24 - Akha

²⁴ Ehˇ kʼawꞈ, Miˬyehˇ neh kuˇ doˆ-euˬ tsawˇ haˬ deuˬ pyeuꞈ-eu Yuˇdaˆ tsawˇ haˬ deuˬ gʼaˇ duˬ hawˇ-eu, Yuˇdaˆ tsawˇ haˬ maˬ ngeuˇ-eu deuˬ gʼaˇ duˬ, dawˬ heu-aˬ, Miˬyehˇ-euˬ baoˬ hawˇ-eu zaˬ siˬ tsawˇ gahˇ pyeuꞈ-eu Ka li meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Aerkhawf, Miqyaer nae kharkur taq-euq tsawrhaq-euq gharduq-aq, Yurdav tsawrhaq hawr-eu Heqlaqsar tsawrhaq-euq gharduq khawf, Kali-aq, Miqyaer-euq baoq hawr-eu Miqyaer-euq zaqsiq tsawrganr pyeuf-eu mae.

1 Gawˇliˬtu 1:24 ပူးပေါင်းရင်းမြစ်များ

Dawqdaq 8:1

Naˇ haˬ sheˇ. Zaˬ siˬ tsawˇ gahˇ aˬ dui-ahˇ kuˇ luꞈ meh. Noeˬ siˬ noeˬ mawˇ nya-eu jeˬ-euˬ teˇ saˇ gaˬ le luꞈ meh.

Luˇkaꞈ 11:49

Kʼoeˇ baˬ da neh, Miˬyehˇ-euˬ zaˬ siˬ tsawˇ gahˇ sahˬ boꞈ laꞈ kʼoeˇ, ‘Miˬyehˇ gʼaˇ duˬ ngehˬ dah-eu deuˬ hawˇ-eu Gʼaˬ kʼehˇ deuˬ-ahˇ aˬ yawꞈ maꞈ sehꞈ-awˇ, tiˬ paˆ na deuˬ-ahˇ kʼehˬ nehˬ kʼaˆ nehˬ tehꞈ-a’ lehˇ ehˇ taˬ-euˬ meh.

Luˇkaꞈ 7:35

Ehˇ kʼawꞈ, Miˬyehˇ-euˬ zaˬ siˬ tsawˇ gahˇ-ahˇ kʼaˇ ha geuꞈ-eu tsawˇ haˬ deuˬ baˬ da neh, zaˬ siˬ tsawˇ gahˇ kʼoeˇ tsaˬ-eu gaˇ kawˆ bya cehˆ ni doˆ laˇ tehꞈ-a.

Lormav 1:16

Laˬ kʼaˬ cehˇ-eu Guiˬ lahˬ dawˬ-ahˇ ngaˇ nui ma huiˬ dui dui luꞈ ma. Laˬ kʼaˬ cehˇ-eu Guiˬ lahˬ dawˬ-aˬ, jah-eu tsawˇ haˬ dawˬ tawˆ luꞈ-ahˇ ka kʼoꞈ nehˬ-eu Miˬyehˇ-euˬ baoˬ pyeuꞈ-eu meh. Yuˇdaˆ tsawˇ haˬ-ahˇ neh dahˬ beh-awˇ, Yuˇdaˆ tsawˇ haˬ maˬ ngeuˇ-eu deuˬ-ahˇ keuˆ ni ka kʼoꞈ-eu meh.

Lormav 1:4

Miˬyehˇ-ahˇ taꞈ-eu paw neh sawˇ leꞈ naˇ, aˬ yawꞈ-aˬ, Miˬyehˇ-euˬ Zaˬmaˇ pyeuꞈ-eu gaˇ kawˆ, huiˬ dui dui-eu baoˬ laꞈ kʼoeˇ aˬ dui-ahˇ bi mawˇ laꞈ-euˬ meh. Aˬ yawꞈ shiˇ gʼaˬ-euˬ gaˇ Miˬyehˇ neh paˇ bi gʼoꞈ dehꞈ laˇ-eu laꞈ kʼoeˇ bi mawˇ laꞈ-euˬ meh.

Lormav 1:7

Kʼoeˇ miˇ neh, Miˬyehˇ-euˬ tsawˇ haˬ bi pyeuꞈ laˇ-eu lehˇ kuˇ doˆ taˬ-euˬ, aˬ yawꞈ gaˬ-eu naw maꞈ Loˇmaˆ meuˬ-ahˇ kʼaˇ jawˇ-eu tsawˇ haˬ deuˬ-ahˇ, ngaˇ sahˬ boꞈ boꞈ ahˇ laꞈ-euˬ ma. Aˬ dui-euˬ Aˬda Miˬyehˇ hawˇ-eu Sahˬpaˬ Yeˬsuˇ Ka liˬeuˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ keuˆ le luꞈ-uˇ.

Lormav 9:24

Aˬ dui-aˬ, aˬ yawꞈ neh kuˇ doˆ taˬ-euˬ tsawˇ haˬ deuˬ pyeuꞈ-eu ma. Yuˇdaˆ tsawˇ haˬ deuˬ laꞈ kʼoeˇ tehꞈ-ehˇ kuˇ doˆ nehˬ laꞈ-euˬ maˬ ngeuˇ-a. Yuˇdaˆ tsawˇ haˬ maˬ ngeuˇ-eu deuˬ-ahˇ kʼawꞈ kuˇ doˆ nehˬ laꞈ-euˬ meh.

1 Gawˇliˬtu 1:18

Aˬ jeˬ miˇ neh ehˇ naˇ, Ka li laꞈ yaꞈ kʼoeˇ taˆ kamˇ shiˇ-euˬ kʼoeˇ-aˬ, byoˆ-iˇ-euˬ tsawˇ haˬ deuˬ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a. Ehˇ kʼawꞈ kʼoeˇ-aˬ, aˬ dui ka kʼoꞈ-eu jeˬ za-euˬ deuˬ gʼaˇ duˬ Miˬyehˇ-euˬ baoˬ meh.

1 Gawˇliˬtu 1:2

Miˬyehˇ-euˬ muiˬ-eu shawˇ-eu tsawˇ haˬ bi geuꞈ-eu gʼaˇ duˬ bi kuˇ doˆ-awˇ, aˬ dui-euˬ Sahˬpaˬ Yeˬsuˇ ka li-ahˇ uˬ duˬ kʼaˇ tahˬ-eu yawˬ gaˇ na luꞈ jawˇ-eu tsawˇ haˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ, aˬ dui-euˬ Sahˬpaˬ hawˇ-eu aˬ yawꞈ maꞈ-euˬ Sahˬpaˬ pyeuꞈ-eu Yeˬsuˇ Ka li laꞈ kʼoeˇ Miˬyehˇ-euˬ tsawˇ haˬ pyeuꞈ laˇ-euˬ Gawˇliˬtu meuˬ-ahˇ jawˇ-eu Ka li zaˬ aˇ muˇ jawˇ gaˇ sahˬ boꞈ boꞈ ahˇ laꞈ-eu ma.

1 Gawˇliˬtu 1:30

Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.

1 Gawˇliˬtu 1:9

Aˬ dui-euˬ Sahˬpaˬ pyeuꞈ-eu aˬ yawꞈ-euˬ Zaˬmaˇ Yeˬsuˇ Ka li-ahˇ taꞈ leˇ nya ni naw maꞈ-ahˇ kuˇ doˆ-euˬ Miˬyehˇ-aˬ, saˇ jaˇ ziꞈ-eu Miˬyehˇ pyeuꞈ-eu meh.

Gawˇlawˇsehˇ 2:3

Aˬ yawꞈ-aˬ, zaꞈ taˬ-euˬ pyuˇ pahˬ shuiˇ pahˬ-ahˇ duˇ-eu Miˬyehˇ-euˬ zaˬ siˬ tsawˇ gahˇ deuˬ-ahˇ pah dzeh-eu mawˬ tawꞈ kahˬ pyeuꞈ-eu meh.