1 Gawˇliˬtu 1:13 - Akha

¹³ Ka li-ahˇ gʼawˬ mya muˇ muˇ paˆ-euˬ ta loˇ. Naw maꞈ gʼaˇ duˬ laꞈ yaꞈ kʼoeˇ taˆ kamˇ shiˇ-euˬ gʼaˬ Pawˇluˆ-a loˇ. Pawˇluˆ-euˬ tsawˇ myahˇ uˬ moˆ naw maꞈ iˇ cuꞈ shawˇ teˬ loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Kali-anr birpav nya-eu la laq? Pawrluv, nawmaf-euq gharduq lafyaq-anr bi taftaeq-euq la lor? Maqngeur nar-aq, nawmaf, Pawrluv-euq tsawrmyanr-euq uqmov bartirsaq hageuf-euq le laq?

1 Gawˇliˬtu 1:13 ပူးပေါင်းရင်းမြစ်များ

Maꞈtehˬ 28:19

Kʼoeˇ miˇ neh, miˇ tsaˬ tsawˇ jeuˬ dawˬ tawˆ luꞈ jawˇ gaˇ iˇ doe-awˇ, ngaˬ-euˬ zaˬ lahˇ pyeuꞈ laˇ ni mˇ-iˇ-awˬ. Aˬda Miˬyehˇ, Zaˬmaˇ Miˬyehˇ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ tsawˇ myahˇ uˬ moˆ, aˬ yawꞈ maꞈ-ahˇ iˇ cuꞈ shawˇ nehˬ-awˬ.

Maꞈtehˬ 3:6

Aˬ yawꞈ maꞈ yawˬ ha-euˬ iˬ baˇ ja doˆ jiˇ-awˇ, Yawˇdaˬ lawˇ baˬ laꞈ kʼoeˇ Yoˇhaˬ neh iˇ cuꞈ bi shawˇ nehˬ-euˬ meh.

Gʼaˬkʼehˇ 10:48

Kʼoeˇ miˇ neh, Yeˬsuˇ Ka li-euˬ tsawˇ myahˇ uˬ moˆ iˇ cuꞈ shawˇ-eu gʼaˇ duˬ, tsawˇ haˬ kʼoeˇ deuˬ-ahˇ aˬ yawꞈ dawˬ biꞈ-euˬ meh. Kʼoeˇ naˇ, aˬ yawꞈ maꞈ nehˬ-ehˇ tiˬ kʼehˬ jawˇ nehˬ laꞈ-eu gʼaˇ duˬ, Beˬtuˆluˆ-ahˇ aˬ yawꞈ maꞈ shaˇ-euˬ meh.

Gʼaˬkʼehˇ 19:5

Dawˬ kʼoeˇ dawˬ-ahˇ aˬ yawꞈ maꞈ ya gaˬ ngeh, Sahˬpaˬ Yeˬsuˇ-euˬ tsawˇ myahˇ uˬ moˆ iˇ cuꞈ shawˇ-euˬ meh.

Gʼaˬkʼehˇ 2:38

Aˬ yawꞈ maꞈ-ahˇ Beˬtuˆluˆ ehˇ nehˬ-eu, “Naw maꞈ yawˬ gʼaˬ na luꞈ yawˬ ha-euˬ iˬ baˇ noeˬ poˆ-awˇ, Yeˬsuˇ Ka li-euˬ tsawˇ myahˇ uˬ moˆ iˇ cuꞈ shawˇ-awˬ. Kʼoeˇ loꞈ-ehˇ jahˇ naˇ, Miˬyehˇ naw maꞈ-ahˇ iˬ baˇ pyehˬ nehˬ laꞈ-awˇ, Miˬyehˇ neh biꞈ leꞈ-euˬ Muiˬ-eu shawˇ-eu Yaw sahˇ Miˬyehˇ-ahˇ naw maꞈ za tehꞈ-a.

Gʼaˬkʼehˇ 8:16

Aˬ jeˬ miˇ neh ehˇ naˇ, aˬ yawꞈ maꞈ kʼoeˇ taˆ Muiˬ-eu shawˇ-eu Yaw sahˇ Miˬyehˇ maˬ zaꞈ le dah-ehˇ, Sahˬpaˬ Yeˬsuˇ-euˬ tsawˇ myahˇ uˬ moˆ iˇ cuꞈ shawˇ-awˇ jawˇ tawˬ luꞈ-eu meh.

Lormav 14:9

Aˬ jeˬ miˇ neh ehˇ naˇ, dehꞈ luꞈ-eu deuˬ hawˇ-eu shiˇ-euˬ deuˬ dawˬ tawˆ luꞈ kʼoeˇ taˆ Sahˬpaˬ geuꞈ-awˇ uˆ lahˇ-eu gʼaˇ duˬ, Ka li shiˇ-awˇ gʼoꞈ dehꞈ laˇ gʼaˬ-euˬ meh.

1 Gawˇliˬtu 1:15

Maˬ ngeuˇ law nmˇ-aˬ, naw maꞈ ngaˬ-euˬ zaˬ lahˇ geuꞈ-eu gʼaˇ duˬ iˇ cuꞈ shawˇ-euˬ ma lehˇ ehˇ-eu baw ngaˇ.

1 Gawˇliˬtu 10:2

Moˇseˬ-euˬ zaˬ lahˇ geuꞈ-eu gʼaˇ duˬ, mˬ dmˇ hawˇ-eu iˬ ma laˆ shaˆ laꞈ kʼoeˇ aˬ yawꞈ maꞈ dawˬ tawˆ luꞈ iˇ cuꞈ shawˇ-euˬ meh.

2 Gawˇliˬtu 11:4

Naw maꞈ jawˇ gaˇ kʼaˇ laˇ-eu tsawˇ haˬ-ahˇ naw maꞈ ha geuꞈ-awˇ, nga maꞈ neh mehˬ-euˬ Yeˬsuˇ maˬ ngeuˇ-eu Yeˬsuˇ yawˬ gʼaˬ yawˬ-euˬ gaˇ kawˆ mehˬ gaˇ naˇ haˬ-eu laꞈ kʼoeˇ, nga maꞈ neh naw maꞈ-ahˇ biꞈ-euˬ Yaw sahˇ Miˬyehˇ hawˇ-eu Laˬ kʼaˬ cehˇ-eu Guiˬ lahˬ dawˬ-ahˇ beu gaˇ dui dui-eu yaw sahˇ yawˬ gʼaˬ yawˬ hawˇ-eu laˬ kʼaˬ cehˇ-eu guiˬ lahˬ dawˬ yawˬ jeˬ yawˬ-ahˇ naw maꞈ laˬ kʼaˬ cehˇ taˆ ni ha geuꞈ-euˬ meh.

Gaˬlaˬtiˆ 1:7

Maˇ maˇ ni ehˇ naˇ, Laˬ kʼaˬ cehˇ-eu Guiˬ lahˬ dawˬ yawˬ hmˬ yawˬ maˬ jaˆ-a. Ehˇ kʼawꞈ, naw maꞈ-ahˇ laˆ bahˬ-awˇ Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ yuˇ pyawˆ mawꞈ-eu tsawˇ haˬ tiˬ deuˬ jawˇ-eu miˇ neh, ngaˇ heu loꞈ-ehˇ ehˇ-eu ma.

Eˇpeˇsu 4:5

Sahˬpaˬ Miˬyehˇ tiˬ gʼaˬ tehꞈ-ehˇ jawˇ-awˇ, jah-eu tiˬ jeˬ tehꞈ-ehˇ jaˆ-awˇ, iˇ cuꞈ shawˇ-eu tiˬ jeˬ tehꞈ-ehˇ jaˆ-eu meh.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.