1 Gawˇliˬtu 1:10 - Akha

¹⁰ Aˬ yuiꞈ aˬ nyiˇ Ka li zaˬ deuˬ-oˇ, aˬ dui-euˬ Sahˬpaˬ Yeˬsuˇ Ka li-euˬ tsawˇ myahˇ uˬ moˆ naw maꞈ-ahˇ ngaˇ heu loꞈ-ehˇ shaˇ mawꞈ-eu ma. Naw maꞈ aˇ muˇ maˬ ya muˇ paˆ-eu gʼaˇ duˬ, ngehˬ-eu tmˇ-eu laꞈ kʼoeˇ tsaˬ leˇ dzoeˇ leˇ-eu jeˬ bi ahˇ-awˬ. Nui ma tiˬ siˬ tehꞈ-ehˇ taˬ-awˇ, nui noeˬ tiˬ gaˇ taꞈ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aqyuif aqnyir deuq-or! Ngar, aqdui-euq Sanqpaq Yeqsur Kali-euq tsawrmyanr-euq uqmov nawmaf-anr heulof-aer shar-eu ma. Nawmaf dawqtawvluf tsaqler dzoerler-eu dawq ngaeq-awr, nawmaf-euq yawkaq armaf taq birpav. Nawmaf yawmuiq-aer gawfler gmler nya’ni, nuima tiqsiq taef-aer taq-awr nuinoeq tiqgar taef-aer tsaq-awq.

1 Gawˇliˬtu 1:10 ပူးပေါင်းရင်းမြစ်များ

Jaceuq 133:1

Miˬyehˇ-euˬ tsawˇ haˬ deuˬ nui ma taꞈ-awˇ dehꞈ-eu jeˬ, aˇ naˆ ni zahˬ leˇ paˬ-ehˇ gʼeh-awˇ, aˇ naˆ ni laˬ kʼaˬ cehˇ paˬ-ehˇ gʼeh-eu nga.

Yeˬlaˬmiˇ 32:39

Aˬ yawꞈ maꞈ nui noeˬ tiˬ jeˬ tehꞈ-ehˇ bi ahˇ ma. Aˬ yawꞈ maꞈ hawˇ-eu aˬ yawꞈ maꞈ-euˬ zaˬ deuˬ uˆ deuˬ muiˬ ni, aˬ myah luꞈ ngaˬ-ahˇ yaw zeu baw-eu nui noeˬ tiˬ jeˬ tehꞈ-ehˇ aˬ yawꞈ maꞈ-euˬ nui ma laꞈ kʼoeˇ bi ahˇ ma.

Maꞈtehˬ 9:16

“Tsawˇ haˬ tiˬ gʼaˬ-iˬ mehˬ tsoeˬ yaw cehˇ-ahˇ saˬ paˇ yaw shuiꞈ neh pehˇ tsahˇ maˬ doꞈ-aˇ. Kʼoeˇ loꞈ-ehˇ doꞈ naˇ, pehˇ tsahˇ yaw shuiꞈ kʼoeˇ, mehˬ tsoeˬ yaw cehˇ kʼoeˇ kahˇ-ahˇ yaw beh naˆ maˬ tseˇ paˇ bi pyaˬ-iˇ tehꞈ-a.

Maˬkuˆ 2:21

“Tsawˇ haˬ tiˬ gʼaˬ-iˬ mehˬ tsoeˬ yaw cehˇ-ahˇ saˬ paˇ yaw shuiꞈ neh pehˇ tsahˇ maˬ doꞈ-aˇ. Kʼoeˇ loꞈ-ehˇ doꞈ naˇ, pehˇ tsahˇ yaw shuiꞈ kʼoeˇ baˬ da neh mehˬ tsoeˬ yaw cehˇ kʼoeˇ kahˇ paˇ pyaˬ dzehˬ-iˇ-awˇ, yaw beh naˆ maˬ tseˇ maˇ kʼehˬ jeˇ dzehˬ laˇ tehꞈ-a.

Maˬkuˆ 3:24

Miˇ kʼahˬ tiˬ kʼahˬ laꞈ kʼoeˇ aˇ muˇ gʼawˬ mya muˇ muˇ paˆ-awˇ guiˇ deuˆ naˇ, miˇ kʼahˬ kʼoeˇ kʼahˬ maˬ ziꞈ-aˇ.

Yoˇhaˬ 10:19

Yeˬsuˇ kʼoeˇ loꞈ-ehˇ ehˇ-eu miˇ neh, tsawˇ haˬ kʼoeˇ deuˬ tiˬ gʼaˬ tiˬ jeˬ noeˬ-eu meh.

Yoˇhaˬ 17:23

Nawˬ neh ngaˬ-ahˇ kʼehˇ gʼeh leꞈ-euˬ gaˇ kawˆ hawˇ-eu, ngaˬ-ahˇ nawˇ gaˬ-eu loꞈ-ehˇ, ngaˬ-ahˇ jah-eu tsawˇ haˬ heu deuˬ-ahˇ kʼawꞈ nawˇ gaˬ-eu gaˇ kawˆ miˇ tsaˬ zaˬ deuˬ bi siˬ nya-eu gʼaˇ duˬ, ngaˬ-ahˇ jah-eu tsawˇ haˬ heu deuˬ nui ma gʼawˇ mawˇ taꞈ leˇ nya ni, ngaˬ-euˬ laꞈ kʼoeˇ nawˇ jawˇ-awˇ, aˬ yawꞈ maꞈ-euˬ laꞈ kʼoeˇ ngaˇ jawˇ-eu ma.

Yoˇhaˬ 7:43

Tsawˇ haˬ aˇ maꞈ kʼoeˇ maꞈ, Yeˬsuˇ gaˇ kawˆ tiˬ gʼaˬ tiˬ jeˬ kʼoeˇ loꞈ-ehˇ noeˬ-eu meh.

Yoˇhaˬ 9:16

Paˬliˬsehˇ tsawˇ haˬ tiˬ paˆ na deuˬ ehˇ-eu, “Myaˆ nuiˆ mawˇ laˇ ni jahˇ nehˬ-euˬ kʼoeˇ gʼaˬ Miˬyehˇ jawˇ gaˇ neh oe-euˬ tsawˇ haˬ maˬ ngeuˇ luꞈ-a. Aˬ jeˬ miˇ neh ehˇ naˇ, Jawˇ nah-ahˇ ya lah ya daw-eu zahˇ sahˇ kʼoꞈ-ahˇ maˬ caw teh ni, maˬ mˇ kʼmˬ-eu jeˬ aˬ yawꞈ mˇ-euˬ nga.” Ehˇ kʼawꞈ, tiˬ paˆ na deuˬ ehˇ-eu, “Iˬ baˇ zaˬ tiˬ gʼaˬ heu naˆ naˆ-ehˇ zahˬ lehˇ paˬ-ehˇ gʼeh-eu jeˬ aˬ joˆ-ehˇ mˇ nya ta.” Aˬ yawꞈ maꞈ kʼoeˇ loꞈ-ehˇ tiˬ gʼaˬ tiˬ jeˬ noeˬ-eu meh.

Gʼaˬkʼehˇ 4:32

Jah-eu tsawˇ haˬ-euˬ aˇ muˇ kʼoeˇ muˇ-aˬ, nui ma tiˬ siˬ tehꞈ-ehˇ taˬ-awˇ, nui noeˬ tiˬ gaˇ taꞈ-eu meh. Yawˬ ha kʼaˇ jaˆ-eu myawˬ gahˬ-aˬ, yawˬ ha-euˬ tehꞈ ma lehˇ tiˬ gʼaˬ-iˬ maˬ ehˇ ni, kʼaˇ jaˆ-eu yawˬ jeˬ na luꞈ tiˬ kawˆ loꞈ-ehˇ geuꞈ-euˬ meh.

Lormav 1:13

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ jawˇ gaˇ laˇ-eu gʼaˇ duˬ ngaˇ gʼawˬ mya poˆ lehˬ hmˬ-euˬ gaˇ naw maꞈ noeˬ mawˇ-eu tsaˬ meh. Ehˇ kʼawꞈ, tiˬ poˆ tiˬ jeˬ gʼeu tehˬ-eu jaˆ-eu miˇ neh, maˬ laˇ doˆ nya nya. Nui gaˇ jawˇ-eu aˬ cawˬ tsawˇ jeuˬ deuˬ-ahˇ ngaˬ neh mehˬ-awˇ, jah-eu tsawˇ haˬ bi pyeuꞈ laˇ-euˬ loꞈ-ehˇ, naw maꞈ jawˇ gaˇ kʼawꞈ, jah-eu tsawˇ haˬ bi pyeuꞈ laˇ ni ngaˇ mehˬ laˇ mawꞈ miˇ-a.

Lormav 12:1

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ-euˬ huiˬ dui myaˬ dui dui-eu gʼawˬ shaˬ gaˬ-eu jeˬ baˬ da neh naw maꞈ-ahˇ ngaˇ heu loꞈ-ehˇ shaˇ-eu ma. Dehꞈ luꞈ-eu lawˇ-eu jeˬ loꞈ-ehˇ, naw maꞈ-euˬ gʼawˇ mawˇ Miˬyehˇ-ahˇ damˬ nehˬ-awˬ. Aˬ yawꞈ-euˬ gaˇ mˇ-eu gʼaˇ duˬ a nehˬ-awˇ, aˬ yawꞈ nui ma tsaˬ ni dehꞈ-awˬ. Heu-aˬ, naw maꞈ mˇ paˬ-ehˇ gʼeh-eu maˇ maˇ ni gʼeh-eu uˬ duˬ tahˬ-eu jeˬ pyeuꞈ-eu meh.

Lormav 12:16

Tsawˇ haˬ yawˬ gʼaˬ na luꞈ kʼoeˇ taˆ nui ma tiˬ kawˆ loꞈ-ehˇ taˬ-awˬ. Huiˬ mawꞈ mahˇ mawꞈ-eu nui ma taˬ bi ahˇ. Tsawˇ teˬ zaˬ deuˬ-ahˇ kʼawꞈ cawˬ cawˬ-awˬ. Yawˬ haˇ yawˬ ha zaˬ siˬ tsawˇ gahˇ ahˇ ma lehˇ taˬ noeˬ.

Lormav 15:30

Aˬ yuiꞈ aˬ nyiˇ Ka li zaˬ deuˬ-oˇ, aˬ dui-euˬ Sahˬpaˬ Yeˬsuˇ Ka li hawˇ-eu Yaw sahˇ Miˬyehˇ neh biꞈ leꞈ-euˬ gʼoeˇ-eu gaˬ-eu jeˬ baˬ da neh ngaˇ naw maꞈ-ahˇ heu loꞈ-ehˇ shaˇ-eu ma. Ngaˬ-euˬ gʼaˇ duˬ ngaˬ nehˬ-ehˇ Miˬyehˇ-ahˇ guiˬ lahˬ caw shaˇ nehˬ laꞈ-awˬ.

Lormav 16:17

Aˬ yuiꞈ aˬ nyiˇ Ka li zaˬ deuˬ-oˇ, ngaˇ naw maꞈ-ahˇ heu loꞈ-ehˇ shaˇ-eu ma. Aˇ maꞈ aˇ muˇ paˆ-iˇ ni jahˇ-awˇ, jah-eu tsawˇ haˬ deuˬ-ahˇ gaˇ ma sheuˬ bahˬ-eu laꞈ kʼoeˇ, naw maꞈ-ahˇ mehˬ taˬ tsoˆ taˬ-euˬ jeˬ-ahˇ maˬ duˇ-eu yawˬ jeˬ yawˬ mehˬ-eu tsoˆ-eu tsawˇ haˬ deuˬ-ahˇ yahˇ-awˬ.

1 Gawˇliˬtu 1:11

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ yaw kaˬ iˬ dehˬ iˬ ceh jaˆ luꞈ meh lehˇ, Kaˬlawˇiˆ aˇ muˇ ngaˬ-ahˇ bya cehˆ ni ehˇ nehˬ laꞈ-euˬ meh.

1 Gawˇliˬtu 11:18

Yaw beh tiˬ jeˬ ya ehˇ naˇ, naw maꞈ maˬ tsaˬ leˇ-ehˇ aˇ muˇ muˇ paˆ-euˬ gaˇ kawˆ ngaˇ ya gaˬ taˬ-euˬ ma. Ngaˬ neh kʼaˇ ya gaˬ-euˬ loꞈ-ehˇ tiˬ paˆ paˆ tsaˬ-eu duˇ lehˇ ngaˇ jah-eu ma.

1 Gawˇliˬtu 12:25

Kʼoeˇ miˇ neh, gʼawˇ mawˇ laꞈ kʼoeˇ gʼawˬ-iˇ gʼehˇ-iˇ-eu jeˬ maˬ jaˆ-ehˇ, maˬ duˇ leˇ-eu aˇ sehˇ kʼoeˇ deuˬ dawˬ tawˆ luꞈ tiˬ sehˇ tiˇ sehˇ ya bo saˆ-eu meh.

1 Gawˇliˬtu 3:3

Aˬ jeˬ miˇ neh ehˇ naˇ, miˇ tsaˬ zaˬ deuˬ dehꞈ-eu loꞈ-ehˇ naw ma dehꞈ luꞈ-a siˬ. Naw maꞈ yaw kaˬ myaˆ naˆ-awˇ iˬ dehˬ iˬ ceh jaˆ-eu kʼoeˇ-aˬ, naw maꞈ miˇ tsaˬ heu-ahˇ taꞈ-awˇ miˇ tsaˬ zaˬ deuˬ dehꞈ-eu aˇ tiˆ-ahˇ dehꞈ luꞈ-eu gaˇ kawˆ saˇ kiˇ pyeuꞈ-eu meh.

1 Gawˇliˬtu 4:16

Kʼoeˇ miˇ neh, ngaˬ-ahˇ dzaw geuꞈ-eu gʼaˇ duˬ naw maꞈ-ahˇ ngaˇ shaˇ-eu ma.

2 Gawˇliˬtu 10:1

Naw maꞈ nehˬ-ehˇ jawˇ naˇ nui ma nahˬ jawˆ ni gʼeh-awˇ, naw maꞈ-ahˇ gaˇ mahˇ kaˬ gaˇ jawˇ naˇ nui ma huiˬ-eu gʼaˬ lehˇ naw maꞈ kuˇ-eu ngaˇ Pawˇluˆ naw maꞈ-ahˇ heu loꞈ-ehˇ shaˇ-eu ma. Ka li-euˬ nui nahˬ nui yu hawˇ-eu gʼawˬ shaˬ gaˬ-eu jeˬ laꞈ kʼoeˇ shaˇ-eu jeˬ pyeuꞈ-eu ma.

2 Gawˇliˬtu 13:11

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ ma. Laˬ kʼaˬ cehˇ-eu jeˬ oꞈ luꞈ-uˇ. Naw maꞈ dehꞈ paˇ-awˬ. Ngaˬ-euˬ shaˇ dawˬ naˇ haˬ nehˬ laꞈ-awˬ. Tiˬ gʼaˬ tiˇ gʼaˬ tsaˬ leˇ dzoeˇ leˇ-awˬ. Gʼoeˇ-eu gaˬ-eu jeˬ hawˇ-eu nui saˇ oꞈ-eu jeˬ biꞈ-eu Miˬyehˇ naw maꞈ nehˬ-ehˇ jawˇ tehꞈ-a.

2 Gawˇliˬtu 13:9

Nga maꞈ gʼaˬ baˬ-awˇ naw maꞈ gʼaˬ kʼaˆ gaˇ nga maꞈ laˬ kʼaˬ cehˇ-eu ma. Nga maꞈ guiˬ lahˬ shaˇ-eu-aˬ, naw maꞈ bi huiˬ bi mahˇ dzehˬ laˇ-eu gʼaˇ duˬ ma.

2 Gawˇliˬtu 5:20

Kʼoeˇ miˇ neh, nga maꞈ-aˬ, Ka li-euˬ dah zaˇ ngehˬ zaˬ tmˇ zaˬ geuꞈ luꞈ-eu ma. Nga maꞈ-ahˇ gʼoe-eu laꞈ kʼoeˇ naw maꞈ-ahˇ Miˬyehˇ shaˇ ju luꞈ gaˇ duˇ meh. Miˬyehˇ-ahˇ tsaˬ leˇ tsahˇ leˇ-awˬ lehˇ, Ka li-euˬ dah zaˇ naw maꞈ-ahˇ shaˇ-eu ma.

2 Gawˇliˬtu 6:1

Naw maꞈ neh za taˬ-euˬ Miˬyehˇ-euˬ guiˬ lahˬ yaw dzahˇ kʼoeˇ yawꞈ ngehꞈ-ehˇ maˬ bi pyeuꞈ-iˇ-eu gʼaˇ duˬ, nga maꞈ Miˬyehˇ nehˬ-ehˇ tiˬ kawˆ loꞈ-ehˇ gaˇ mˇ luꞈ-eu laꞈ kʼoeˇ naw maꞈ-ahˇ shaˇ-eu ma.

Gaˬlaˬtiˆ 4:12

Aˬ yuiꞈ aˬ nyiˇ Ka li zaˬ deuˬ-oˇ, ngaˇ naw maꞈ loꞈ-ehˇ pyeuꞈ laˇ-euˬ miˇ neh, naw maꞈ ngaˬ loꞈ-ehˇ pyeuꞈ laˇ-awˬ lehˇ shaˇ-eu ma. Naw maꞈ neh ngaˬ-ahˇ mˇ lehˬ taˬ-euˬ tiˬ jeˬ-iˬ maˬ jaˆ-a.

Piˇliˇpiˆ 1:27

Huiˬ-eu tiˬ jeˬ-aˬ, ngaˇ naw maꞈ-ahˇ haw keuˆ laˇ-eu maˬ kaˬ, maˬ haw keuˆ laˇ-eu maˬ kaˬ, naw maꞈ nui ma tiˬ siˬ tehꞈ-ehˇ taˬ-awˇ ziꞈ dah ni jawˇ luꞈ-eu gaˇ kawˆ hawˇ-eu, La kʼaˬ cehˇ-eu Guiˬ lahˬ dawˬ-ahˇ taꞈ-eu jah-eu jeˬ gʼaˇ duˬ naw maꞈ nui ma gm-awˇ deuˆ ceh ceh luꞈ-eu gaˇ kawˆ-ahˇ ngaˇ ya gaˬ ni, Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ tsaˬ ni dehꞈ gʼeh jawˇ gʼeh-awˬ.

Piˇliˇpiˆ 3:16

Aˬ geu gʼaˬ aˬ joˆ-ehˇ nui ma taˬ kʼawꞈ, aˬ dui neh caw teh gʼeh laꞈ-euˬ zahˇ sahˇ kʼoꞈ heu hmˬ-ahˇ tehꞈ-ehˇ caw teh-awˇ, ti kawˆ loꞈ-ehˇ mˇ daˆ shaˇ daˆ leꞈ kaˇ-euˇ.

1 Teˇsaˬloˇni 5:13

Aˬ yawꞈ maꞈ Miˬyehˇgaˇ mˇ-eu baˬ da neh gʼoeˇ-eu gaˬ-eu laꞈ kʼoeˇ taˬ huiˬ taˬ mahˇ nehˬ-awˬ. Naw maꞈ yaw kaˬ kʼawꞈ, tsaˬ leˇ dzoeˇ leˇ-eu jeˬ bi jaˆ-awˬ.

2 Teˇsaˬloˇni 2:1

Aˬ yuiꞈ aˬ nyiˇ Ka li zaˬ deuˬ-oˇ, aˬ dui-euˬ Sahˬpaˬ Yeˬsuˇ Ka li zaꞈ le-eu gaˇ kawˆ hawˇ-eu aˬ dui aˬ yawꞈ jawˇ gaˇ ya uiˬ leˇ-eu gaˇ kawˆ-ahˇ taꞈ leˇ-awˇ, naw maꞈ-ahˇ ngaˇ heu loꞈ-ehˇ shaˇ-eu ma.

1 Tiˆmoˇseˬ 5:21

Nawˇ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ myaˆ pyawˬ huiˬ nyiˇ maˬ tseˇ ni, ngaˬ neh mehˬ-euˬ tsoˆ-euˬ dawˬ heu deuˬ-ahˇ yaw muiˬ paˬ-ehˇ naˇ haˬ geuꞈ-awˬ lehˇ, Miˬyehˇ hawˇ-eu Yeˬsuˇ Ka li mehˬ shi, muiˬ-eu shawˇ-eu mˬ taˆ gʼaˬ kʼehˇ deuˬ-euˬ mehˬ shi, ngaˇ nawˬ-ahˇ naꞈ suiˇ ni ehˇ-eu ma.

2 Tiˆmoˇseˬ 4:1

Miˬyehˇ-euˬ mehˬ shi hawˇ-eu, dehꞈ luꞈ-eu tsawˇ haˬ hawˇ-eu shiˇ dzeuˇ-euˬ tsawˇ haˬ deuˬ-ahˇ yaˇ kʼaˬ daˇ nehˬ-eu Sahˬpaˬ geuꞈ-awˇ uˆ lahˇ le-eu lehˇ gʼeh-eu Yeˬsuˇ Ka li-euˬ mehˬ shi, ngaˇ nawˬ-ahˇ heu loꞈ-ehˇ dawˬ biꞈ-eu ma.

Yawˇshuˆ 22:15

Giˇlaˆ miˇ kʼahˬ-ahˇ jawˇ-eu Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ jawˇ gaˇ aˬ yawꞈ maꞈ oe-euˬ meh.

1 Beˬtuˆluˆ 2:11

Gaˬ-eu aˬ yuiꞈ aˬ nyiˇ Ka li zaˬ deuˬ-oˇ, yawˬ kʼahˬ yawˬ miˇ yawˬ-ahˇ cehˆ byaˆ taˬ-euˬ naw maꞈ-ahˇ ngaˇ heu loꞈ-ehˇ shaˇ-eu ma. Shiˬ shaˬ jiˇ-euˬ nui kʼahˇ naw maꞈ-ahˇ taˬ bi gʼaˬ leˇ. Shiˬ shaˬ jiˇ-euˬ nui kʼahˇ kʼoeˇ-aˬ, aˬ myah luꞈ saꞈ laˇ-ahˇ deuˆ ceh ceh luꞈ-eu jeˬ pyeuꞈ-eu meh.

1 Beˬtuˆluˆ 5:10

Ehˇ kʼawꞈ, naw maꞈ ti kʼehˬ tiˬ yamˬ kʼoeˇ loꞈ-ehˇ ya daˬ gʼaˬ ngeh jawˇ, Ka li laꞈ koeˇ aˬ yawꞈ-euˬ mˬ maˬ maˬ byaˆ zaˇ ziˇ ziꞈ-eu yaw shehꞈ kʼahˬ sehˇ bi za-eu gʼaˇ duˬ naw maꞈ-ahˇ kuˇ-euˬ gʼaˬ pyeuꞈ-eu aˬ dui-ahˇ gaˬ dui dui-eu Miˬyehˇ-aˬ, naw maꞈ-ahˇ bi byah laˇ tehꞈ-a. Aˬ yawꞈ naw maꞈ-ahˇ bi ziꞈ laˇ, bi kʼaˆ laˇ-eu uˬ taꞈ, Ka li-ahˇ jah-eu dawˬ pehˬ ziꞈ dah ni bi pyeuꞈ laˇ tehꞈ-a.