1 Beˬtuˆluˆ 3:3 - Akha

³ Uˬ duˬ tsehˇ kahˇ aˇ dzehˬ dzeuˇ ni laˆ muiˬ-eu laꞈ kʼoeˇ maˬ ehˇ, shuiˇ laꞈ duꞈ duꞈ, shuiˇ lahˇ dah dah-eu laꞈ kʼoeˇ maˬ ehˇ, mehˬ tsoeˬ yaw poeˬ dm-eu laꞈ kʼoeˇ maˬ ehˇ, laꞈ nyiˇ gʼawˇ mawˇ aˇ gʼehˇ laˆ muiˬ-eu maˬ tsaˬ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Nawmaf, tsaerkanr pyaef-awr, shuir myawqgur geuf-eu uqtaf, maeqtsoeq yawmuiq dmdm-aer, lafnyir paw-euq arghaer lavmuiq-eu laer taef-aer taq laejae.

1 Beˬtuˆluˆ 3:3 ပူးပေါင်းရင်းမြစ်များ

Aˇ dahˬ 24:22

Leˬbehˇkaꞈ law taw-ahˇ iˇ cuꞈ bi dawˇ gʼaˬ ngeh, zaˬ kʼaˆ kʼoeˇ gʼaˬ zaˬ miˬ zaˬ-euˬ naˇ mehˇ-ahˇ geuꞈ-eu aˇ poeˬ kʼaˆ-eu shuiˇ laꞈ behˬ yuˇ doˆ-awˇ, Leˬbehˇkaꞈ-euˬ naˇ mehˇ-ahˇ bi geuꞈ-euˬ meh. Shuiˇ laꞈ duꞈ nyiˬ duꞈ paˇ yuˇ doˆ-awˇ, Leˬbehˇkaꞈ-euˬ laꞈ du-ahˇ nyehꞈ duꞈ nehˬ-euˬ meh.

Aˇ dahˬ 24:47

‘Nawˬ da aˬ suˇ gʼaˬ-a’ lehˇ aˬ yawꞈ-ahˇ ngaˇ naˇ haˬ ngeh, ,‘Ngaˬ da-aˬ, Naˬkawˬ hawˇ-eu Miˇlaˬkah-euˬ aˬ li Beˬtuˬlaˇ meh’ lehˇ aˬ yawꞈ ehˇ-eu meh. Kʼoeˇ ngeh, aˬ yawꞈ-euˬ naˇ mehˇ-ahˇ shuiˇ laꞈ behˬ bi geuꞈ-awˇ, aˬ yawꞈ-euˬ laꞈ du-ahˇ shuiˇ laꞈ duꞈ nyehꞈ duꞈ nehˬ-euˬ ma.

Aˇ dahˬ 24:53

Kʼoeˇ naˇ, dm gʼaˬ dm lmˇ hawˇ-eu pyuˇ myawˬ guˇ, shuiˇ myawˬ guˇ deuˬ aˬ yawꞈ yuˇ doˆ-awˇ, Leˬbehˇkaꞈ-ahˇ biꞈ-euˬ meh. Leˬbehˇkaꞈ-euˬ aˬ mahˇ aˬ da hawˇ-eu aˬ ma gʼaˬ-ahˇ kʼawꞈ, aˇ poeˬ kʼaˆ-eu myawˬ deuˬ aˬ yawꞈ biꞈ-euˬ meh.

2 Sahˬpaˬ 9:30

Kʼoeˇ naˇ, Yeˬzaˬleˬlaˇ meuˬ-ahˇ Yeˬhuˇ le-euˬ meh. Gaˇ kawˆ kʼoeˇ Yeˬsaˬbeˬlaˇ ya gaˬ ngeh, myaˆ nuiˆ hawˇ-eu uˬ duˬ tsehˇ kahˇ laˆ muiˬ-awˇ, sahˬ paˬ-euˬ hawˇ nymˇ laˇ gʼoˆ zaˬ-ahˇ yawꞈ-awˇ, gaˇ ma paw ciꞈ pyawˇ-awˇ jawˇ-eu meh.

Iˇsaˬtaˆ 5:1

Iˇsaˬtaˆ-aˬ, aˬ yawꞈ maˬ dzaˬ maˬ dawˇ ni lah-euˬ smˬ nah tiˬ nah keuˆ laˇ ngeh, sahˬ paˬ miˬ zaˬ dm-eu mehˬ tsoeˬ dm-awˇ, dzoeˬ dzaˬ nuiˇ mahˬ jaˆ-eu lawˆ-euˬ mehˬ shi, laꞈ kʼoeˇ lawˆ-ahˇ le-awˇ yawꞈ leˇ-euˬ meh. Sahˬ paˬ-aˬ, laꞈ kʼoeˇ jaˆ-eu dzoeˬ dzaˬ nuiˇ mahˬ-ahˇ laˆ gʼoˆ paw pyawˇ-ehˇ nuiˇ luꞈ-eu meh.

Jaceuq 45:9

Nawˬ-euˬ nymˇ laꞈ kʼoeˇ jawˇ luꞈ-eu zaˬ miˬ deuˬ laꞈ kʼoeˇ, sahˬ paˬ zaˬ miˬ deuˬ kʼawꞈ ahˇ-awˇ, muiˬ dui dui-eu shuiˇ myawˬ guˇ deuˬ geuꞈ luꞈ-eu sahˬ paˬ-euˬ miˬ zaˬ gʼaˬ, nawˬ-euˬ nuiˇ mahˬ aˇ maˇ paw yawꞈ luꞈ meh.

Doˆ-iˇ 3:22

Iˇsaˬleˬlaˆ tsawˇ haˬ zaˬ miˬ zaˬ yawˬ gʼaˬ yawˬ na luꞈ, yawˬ ha nehˬ-ehˇ nymˇ kaˬ taꞈ-eu Iˇjiˇtuˆ tsawˇ haˬ deuˬ jawˇ gaˇ maˬ ehˇ, yawˬ ha-euˬ nymˇ laꞈ kʼoeˇ jawˇ luꞈ-eu Iˇjiˇtuˆ tsawˇ haˬ zaˬ miˬ zaˬ deuˬ jawˇ gaˇ maˬ ehˇ, iˇ-awˇ, dm gʼaˬ dm lmˇ, pyuˇ, shuiˇ hawˇ-eu aˇ poeˬ kʼaˆ-eu myawˬ guˇ deuˬ shaˇ-iˇ tehꞈ-a. Iˇsaˬleˬlaˆ tsawˇ haˬ deuˬ-aˬ, mˇ myawˬ kʼoeˇ deuˬ yuˇ-awˇ, yawˬ ha-euˬ aˬ buˇ aˬ li deuˬ-ahˇ bi geuꞈ jiˇ tehꞈ-a. Kʼoeˇ loꞈ-ehˇ jahˇ-awˇ, Iˇsaˬleˬlaˆ tsawˇ haˬ deuˬ, Iˇjiˇtuˆ tsawˇ haˬ deuˬ-euˬ pyuˇ shuiˇ myawˬ gahˬ yuˇ geuꞈ gʼeh tehꞈ-a.”

Doˆ-iˇ 32:2

Kʼoeˇ ngeh, “Naw maꞈ-euˬ miˬ zaˬ deuˬ hawˇ-eu aˬ buˇ aˬ li deuˬ geuꞈ luꞈ-eu shuiˇ naˬ bawˇ naˬ yoˆ deuˬ lehˆ doˆ-awˇ, ngaˇ jawˇ gaˇ yuˇ laꞈ-awˬ” lehˇ, aˬ yawꞈ maꞈ-ahˇ Aˬloˬ ehˇ nehˬ-euˬ meh.

Doˆ-iˇ 33:4

Kʼoeˇ loꞈ-ehˇ ehˇ gaˇ Iˇsaˬleˬlaˆ tsawˇ haˬ deuˬ ya gaˬ ngeh, tsawˇ ngoeˇ ngoeˇ-awˇ, aˇ poeˬ kʼaˆ-eu myawˬ guˇ deuˬ maˬ paˇ geuꞈ ni byehˇ dzeh-euˬ meh.

Doˆ-iˇ 35:22

Kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, nui ma keuˆ-eu tsawˇ haˬ yawˬ gʼaˬ na luꞈ, aˇ boꞈ boꞈ taˬ-euˬ taꞈ cmˬ deuˬ, shuiˇ naˬ bawˇ naˬ yoˆ deuˬ, shuiˇ laꞈ behˬ deuˬ, lahˇ dah deuˬ hawˇ-eu, kʼaˇ jaˆ-eu shuiˇ myawˬ guˇ deuˬ yuˇ laꞈ-awˇ, Sahˬpaˬ Miˬyehˇ-ahˇ damˬ nehˬ-euˬ meh.

Doˆ-iˇ 38:8

Sahˬpaˬ Miˬyehˇ jawˇ-eu Sehˬ gʼawˆ-euˬ gʼoˆ kʼehˬ-ahˇ gaˇ mˇ-eu zaˬ miˬ zaˬ deuˬ-euˬ kʼaw teuꞈ ba la deuˬ yuˇ uiˬ-awˇ, guiˬ shuiˇ sehˇ byehˇ hawˇ-eu kʼoeˇ-euˬ aˬ kuiˇ jahˇ-euˬ meh.

Iˇsaˬyaˇ 52:1

Yeˬluˇsaˬlehˬ meuˬ-oˇ, noeˬ laˇ-awˬ. Beuˇ laˇ-awˬ. Gʼaˬ ziꞈ dah ni paˇ ahˇ laˇ-awˬ. Miˬyehˇ-euˬ muiˬ-eu shawˇ-eu meuˬ-oˇ, yaw shehꞈ kʼahˬ sehˇ dm-awˬ. Lawˇ ciꞈ zaˬ deuˬ meuˬ lahˇ laꞈ kʼoeˇ maˬ paˇ ya uˇ laˇ meh.

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Yeˬlaˬmiˇ 2:32

Zaˬ miˬ aˬ buˇ tiˬ gʼaˬ yawˬ ha-euˬ laꞈ duꞈ lahˇ dah-ahˇ ngehˇ nmˇ loˇ. Smˇ miˇ iˇ-eu zaˬ miˬ oeˇ mˇ baˇ-eu mehˬ tsoeˬ ngehˇ kʼmˬ nmˇ loˇ. Ehˇ kʼawꞈ aˇ nah aˇ yamˬ maˬ gui jiˇ coeˇ gaˇ keuˆ ni, ngaˬ-euˬ tsawˇ haˬ ngaˬ-ahˇ ngehˇ byoˆ-euˬ meh.

Yeˬlaˬmiˇ 4:30

Yeˬluˇsaˬlehˬ meuˬ-oˇ, nawˬ-euˬ kʼoeˇ taˆ dawˇ keuˆ le luꞈ-eu meh. Aˬ jeˬ miˇ neh aˇ poeˬ kʼaˆ-eu myawˬ guˇ geuꞈ-awˇ, myaˆ nuiˆ-ahˇ naˬ ba lehꞈ muiˬ te. Aˇ gʼehˇ laˆ muiˬ-eu yawˬ ngehꞈ meh. Zaˬ kʼaˆ deuˬ nawˬ-ahˇ byehˇ dzeh-awˇ, nawˬ-ahˇ sehꞈ-eu lehˇ gʼeh-eu meh.

Yeˬsaˬgeˬlaˇ 23:40

“Gaˇ mahˇ kaˬ gaˇ jawˇ-eu tsawˇ haˬ deuˬ jawˇ gaˇ aˬ yawꞈ nyaꞈ tsawˇ haˬ pyehˬ gʼeh-awˇ bi kuˇ laˬ-iˇ-eu meh. Kʼoeˇ naˇ, aˬ yawꞈ nyaꞈ iˇ cuꞈ dzuiꞈ buˇ-awˇ, myaˆ nuiˆ lehꞈ muiˬ-awˇ, myawˬ guˇ geuꞈ-eu meh.

Lormav 12:2

Miˇ tsaˬ zaˬ deuˬ dehꞈ-eu loꞈ-ehˇ maˬ dehꞈ ni, naw maꞈ-euˬ nui ma poˆ laˆ laˆ doˆ-awˇ, naw maꞈ-euˬ laꞈ kʼoeˇ paw Miˬyehˇ neh yaw shuiꞈ bi jahˇ paˇ-awˬ. Kʼoeˇ loꞈ-ehˇ jahˇ naˇ, Miˬyehˇ-euˬ nui kʼahˇ-ahˇ naw maꞈ siˬ nya laˇ tehꞈ-a. Muiˬ-eu jeˬ, aˬ yawꞈ nui ma tsaˬ-eu jeˬ hawˇ-eu, byah dui dui-eu jeˬ-ahˇ naw maꞈ siˬ nya laˇ tehꞈ-a.

1 Beˬtuˆluˆ 3:2

Naw maꞈ-euˬ nui ma aˇ naˆ ni shawˇ-awˇ kʼaˬ dzeˇ zaˬ-ahˇ yaw zeu aˇ naˆ ni baw-eu gaˇ kawˆ, aˬ yawꞈ maꞈ ya mawˇ tehꞈ-a.