1 Beˬtuˆluˆ 2:2 - Akha

² Zaˬ nahˬ aˬ coeˇ mehꞈ-eu loꞈ-ehˇ, aˬ myah luꞈ maˇ jawˆ ni gʼeh-eu saꞈ laˇ aˬ coeˇ mehꞈ-awˬ. Aˬ coeˇ kʼoeˇ dawˇ-eu ba da neh naw maꞈ saꞈ laˇ paw huiˬ laˇ mahˇ laˇ-awˇ, ka kʼoꞈ-eu jeˬ za tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Zaqnanq, aqcoer dawrmawf-eu lof-aer, nawmaf khawf, shawrjaevni ghae-eu aqcoer pyeuf-eu Yaerdawq-anr dawrmawf-awq. Dawr nar-aq, nawmaf huiqlar manrlar taef-a.

1 Beˬtuˆluˆ 2:2 ပူးပေါင်းရင်းမြစ်များ

2 Saˬmeuˬlaˆ 23:5

Ngaˬ-euˬ zaˬ deuˬ uˆ deuˬ kʼoeˇ taˆ, guiˬ lahˬ kʼoeˇ deuˬ Miˬyehˇ biꞈ meh. Mˬ maˬ maˬ byaˆ ziꞈ-eu saˇ jaˇ, aˬ yawꞈ ngaˬ-ahˇ dzaˬ taˬ-euˬ meh. Ngaˬ-euˬ nui kʼahˇ byah jiˇ laˇ ni, muiˇ-eu deuˬ-ahˇ ngaˇ gʼaˬ leˇ ni, Miˬyehˇ mˇ-eu yaw duˬ baw meh.

Yawˇbaˆ 17:9

Yawˬ haˇ yawˬ ha yaw tsaˬ yaw dawˇ ma lehˇ ehˇ-eu tsawˇ haˬ deuˬ, aˬ yawꞈ maꞈ yaw tsaˬ ma lehˇ, ngehˬ jawˇ ngehˬ noeˬ luꞈ meh.

Dawqdaq 4:18

Yaw tsaˬ yaw dawˇ tsawˇ haˬ-euˬ gaˇ ma-aˬ, uˬ shawˬ paw bya-eu nahˇ ma yaw shehꞈ-ahˇ duˇ-awˇ, nah loˆ ceh laˇ ngeh keuˆ ni, ngehˬ jawˇ ngehˬ bya-eu meh.

Hawˇseˬ 14:5

Miˇ tsaˬ gui-awˇ kʼoˆ dui dui gaˇ, uˬ yehˇ yehˇ shehˬ nehˬ-eu loꞈ-ehˇ, Iˇsaˬleˬlaˆ-ahˇ ngaˇ haw ma. Aˬ yawꞈ maꞈ aˇ yehˆ yehˆ laˇ-awˇ, Leˬbaˬnoˬ aˇ bawˇ deuˬ loꞈ-ehˇ, duˬ ciˇ ziꞈ dah ni jaˆ tehꞈ-a.

Hawˇseˬ 14:7

Ngaˇ bo saˆ haw piˇ-eu uˬ moˆ. Aˬ yawꞈ maꞈ paˇ jawˇ poˆ laˇ-awˇ, dzaˬ la gʼo cehˇ paˇ ka poˆ-awˇ, aˬ gaꞈ siˬ dui dui-eu loꞈ-ehˇ, baw dui za dui dui le tehꞈ-a. Leˬbaˬnoˬ gawˬ jawˬ-ahˇ doˆ-eu, muiˬ-eu aˬ gaꞈ dzaˇ uiˇ loꞈ-ehˇ, aˬ yawꞈ maꞈ tsawˇ myahˇ doˆ tehꞈ-a.

Hawˇseˬ 6:3

Sahˬpaˬ Miˬyehˇ-ahˇ siˬ nya ni, aˬ dui leh jeh dui dui kaˇ-euˇ, Uˬ bya bya shawˇ laˇ-eu loꞈ-ehˇ, yehˇ gʼahˇ ahˇ dahˬ beh le luꞈ ngeh, miˇ tsaˬ tahˬ kʼawˇ-ahˇ yehˇ shehˬ-eu, uˬ yehˇ yaw duˬ baw-eu loꞈ-ehˇ, aˬ yawꞈ aˬ dui jawˇ gaˇ oe-eu, yaw duˬ baw meh” lehˇ ehˇ-eu meh.

Maˬlaˬkiˇ 4:2

Ehˇ kʼawꞈ, ngaˬ-euˬ ehˇ dawˬ naˇ haˬ-eu deuˬ pyeuꞈ-eu naw maꞈ kʼoeˇ taˆ, ngaˬ-euˬ ka kʼoꞈ-eu jeˬ nahˇ ma loꞈ-ehˇ doˆ laˇ-awˇ, naˇ gawˇ laˆ taˬ-eu jeˬ nahˇ ma yaw shehꞈ loꞈ-ehˇ keuˆ le tehꞈ-a. Kuˆ-ahˇ neh pyehˬ doˆ nehˬ-euˬ mawˇ neˇ mawˇ zaˬ loꞈ-ehˇ, naw maꞈ laˬ kʼaˬ ya cehˇ dui dui tehꞈ-a.

Maꞈtehˬ 18:3

Kʼoeˇ naˇ, aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ nui ma paˇ-awˇ, zaˬ yaw nyiˇ tiˬ gʼaˬ loꞈ-ehˇ maˬ pyeuꞈ laˇ kʼoeˇ keuˆ ni, Mˬtaˆ Miˇkʼahˬ laꞈ kʼoeˇ naw maꞈ maˬ ya uˇ leˇ-a.

Maꞈtehˬ 19:14

Kʼoeˇ ngeh, Yeˬsuˇ ehˇ-eu, “Zaˬ deuˬ-ahˇ maˬ laˆ tsoeˬ ni ngaˇ jawˇ gaˇ bi laˇ-awˬ. Aˬ jeˬ miˇ neh ehˇ naˇ, Mˬtaˆ Miˇkʼahˬ-aˬ, aˬ yawꞈ maꞈ loꞈ-ehˇ gʼeh-eu deuˬ-ahˇ oꞈ- eu meh.”

Maˬkuˆ 10:15

Zaˬ yaw nyiˇ tiˬ gʼaˬ loꞈ-ehˇ Miˬyehˇ Miˇkʼahˬ-ahˇ maˬ ha geuꞈ-eu tsawˇ haˬ aˬ geu gʼaˬ maˬ kaˬ, kʼoeˇ gaˇ maˬ ya uˇ leˇ-aˇ lehˇ, naw maꞈ-ahˇ ngaˇ maˇ jawˆ ni ehˇ-eu ma.”

Luˇkaꞈ 18:17

Zaˬ yaw nyiˇ tiˬ gʼaˬ loꞈ-ehˇ nui ma taˬ-awˇ Miˬyehˇ Miˇkʼahˬ-ahˇ maˬ ha geuꞈ-eu tsawˇ haˬ aˬ geu gʼaˬ maˬ kaˬ, kʼoeˇ gaˇ maˬ ya uˇ leˇ-aˇ lehˇ, naw maꞈ-ahˇ ngaˇ maˇ jawˆ ni ehˇ-eu ma.”

Lormav 6:4

Aˬ dui iˇ cuꞈ shawˇ-euˬ baˬ da neh aˬ yawꞈ nehˬ-ehˇ tiˬ kawˆ loꞈ-ehˇ bi baꞈ pahˬ-awˇ, a yawꞈ shiˇ-euˬ gaˇ taꞈ-eu ma. Kʼoeˇ-aˬ, Aˬda Miˬyehˇ-euˬ yaw shehꞈ kʼahˬ sehˇ huiˬ-eu baoˬ neh Ka li-ahˇ bi gʼoꞈ dehꞈ laˇ-euˬ loꞈ-ehˇ, aˬ dui kʼawꞈ yaw shuiꞈ dehꞈ paˇ nya-eu gʼaˇ duˬ pyeuꞈ-eu ma.

1 Gawˇliˬtu 14:20

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ shaˇ noeˬ shaˇ sawˇ-eu paw dzeˇ zaˬ yaw nyiˇ loꞈ-ehˇ taˬ bi pyeuꞈ. Yaw haiˬ jeˬ mˇ-eu paw dzeˇ-aˬ, iˬ baˇ mˇ-eu maˬ siˬ nya-eu zaˬ yaw nyiˇ loꞈ-ehˇ bi pyeuꞈ-awˇ, shaˇ noe shaˇ sawˇ-eu paw dzeˇ-aˬ, tsawˇ mawˬ tsawˇ kʼaˆ loꞈ-ehˇ bi pyeuꞈ-awˬ.

Eˇpeˇsu 2:21

Aˬ yawꞈ-aˬ, nymˇ nymˇ lah-ehˇ tiˬ gaˇ gʼeu tawꞈ-awˇ, Sahˬpaˬ Miˬyehˇ-ahˇ a nehˬ-euˬ muiˬ-eu shawˇ-eu uˬ duˬ tahˬ nymˇ bi pyeuꞈ laˇ-euˬ kʼaˬ lo tsaˬ byaˆ kʼoeˇ siˬ pyeuꞈ-eu meh.

Eˇpeˇsu 4:15

Gʼoeˇ-eu gaˬ-eu nui ma ahˇ-eu laꞈ kʼoeˇ yaw tsaˬ yaw dawˇ jeˬ ngehˬ-awˇ, aˬ dui-euˬ uˬ duˬ pyeuꞈ-eu Ka li laꞈ kʼoeˇ yawˬ jeˬ na luꞈ ya bi huiˬ ya bi mahˇ laˇ tehꞈ-a.

2 Teˇsaˬloˇni 1:3

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ gʼaˇ duˬ nga maꞈ Miˬyehˇ guiˬ lahˬ-ahˇ maˬ ja ceuˬ-ehˇ tiˬ kʼehˬ-iˬ maˬ jawˇ coeˇ nya. Naw maꞈ-euˬ jah-eu jeˬ huiˬ laˇ tehˇ tehˬ-awˇ, naw maꞈ yaw kaˬ tiˬ gʼaˬ tiˇ gʼaˬ gʼoeˇ-eu gaˬ-eu jeˬ myaˬ laˇ luꞈ-eu miˇ neh, nga maꞈ Miˬyehˇ-euˬ guiˬ lahˬ-ahˇ ja ceuˬ paˬ-ehˇ gʼeh-eu meh.

1 Beˬtuˆluˆ 1:23

Aˬ jeˬ miˇ neh ehˇ naˇ, naw maꞈ-aˬ, mˬ maˬ maˬ byaˆ zaˇ ziˇ ziꞈ-eu dehꞈ luꞈ-eu Miˬyehˇ-euˬ dawˬ kawˬ baˬ da neh tiˬ jawˇ-iˬ maˬ shiˇ ni dehꞈ-eu gʼaˬ-euˬ zaˬ pyeuꞈ laˇ-euˬ meh. Shiˇ nya-eu tsawˇ haˬ-euˬ zaˬ pyeuꞈ laˇ-euˬ maˬ ngeuˇ-a.

2 Beˬtuˆluˆ 3:18

Ehˇ kʼawꞈ, ka kʼoꞈ-eu gʼaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ yaw dzahˇ laꞈ kʼoeˇ hawˇ-eu aˬ yawꞈ-ahˇ siˬ nya-eu jeˬ laꞈ kʼoeˇ huiˬ laˇ mahˇ laˇ luꞈ-eu jeˬ taˬ bi tsehˆ-iˇ. Nymˬ-mˇ hawˇ-eu mˬ maˬ maˬ byaˆ zaˇ ziˇ aˬ yawꞈ yaw shehꞈ kʼahˬ sehˇ huiˬ luꞈ-uˇ. Aˬ miˬ