Weindahɨfembo 13:6 - Godɨndɨ Hoafɨ

⁶ Ranɨyo asu ranɨ-moatükunɨ-mayo ranai Godɨmbo, ahandɨ nɨmarɨfondɨ asu ahandɨ nendɨ sünambe amarei ranaheimbo amboa tɨrɨfoefe hoafɨyu marandɨ.

Weindahɨfembo 13:6 ပူးပေါင်းရင်းမြစ်များ

Matyu 12:34

Awi seana nindou amoasɨrɨ moaruwai nahurai-anemo. Asu se nindou moaruwai-anemo asu nüŋgundu aboedɨ moatükunɨ ranahambo wataporɨmbo-mandundɨ? Nɨne-moatükunɨ ŋgusüfoambe tüküra pire haya anɨŋgo ranane asu yafambe ai ranahambo wataporɨmbora arandɨ.

Matyu 15:19

Nindou ranahandɨ ŋgusüfoambeahɨndɨ nɨne-moatükunɨ hohoanɨmo tükefeyo ranana, sapo nindou ŋgorümbo hɨfokoefe hohoanɨmo, nɨmorehɨ sɨsɨhɨmo, nindowenihɨ bɨrabɨreimbɨ hohoanɨmo, hümbuhünɨ hohoanɨmo, tɨkai hoafɨ, asu bodɨmondambo moaruwaimbofe hoafɨ ranane.

Aboedɨ hoafɨ Son ai sürü papɨmarandɨ 1:14

Hoafɨ ra nindoumbofe tüküfe mburamboyo asu sɨhefɨ mbusümo manüŋguwa ai ndürɨ adükarümbɨ ra hoeimarɨhurɨ. Ndürɨ adükarümbɨ ra Godɨndɨ nɨmorɨ mamɨ yaŋgɨrɨ ranahand-ane. Ai afɨndɨ hɨpoambore-randeimb-ani asu sɨhefɨmbo Godɨmbo afɨndɨ moatükunɨ anɨhondümbo nafuimaramunɨ.

Pas Por ai Romɨhündambo sürü papɨmarandɨ 3:13

‘Muŋgu yafambe ana yɨfambe gabudɨfekoate anɨŋgo rahurai-anendürɨ. Tɨkai hoafɨ moaruwai ranai ahei teifɨ ranɨ-süŋgu hɨhɨre ho pɨyowohü moanɨ yaŋgoroweimbɨ hoafɨ ranai tüküfih-ane.’ Buk Song 5:9 ‘Amoasɨrɨndɨ yahafambe nindou hɨfokoefembo tɨbagɨ amaro nahurai.’ Buk Song 40:3

Korosi 1:19

God ai ahandɨ muŋguambo yaŋgɨrɨ nɨŋgombo hohoanɨmo asu ŋgɨnɨndɨ ra ahandɨ Nɨmorɨndɨ fiambe mbɨmarowamboane mehu.

Korosi 2:9

Muŋguambo yaŋgɨrɨ nɨŋgombo hohoanɨmo Godɨndɨ-mayo ranana Kraisɨndɨ fiambe tüküfemboane.

Hibru 9:2

Weaŋgurühɨ sapo sürühoeimbɨ fondɨ ser worɨ ra yimbumbofe papɨyoweimbɨyo mafondaro. Weindanɨ papɨ ranambe ana ram nindɨfembo fondɨ nɨŋgo asu yibadɨ bret ranɨ-wamɨ Godɨmbo sɨhefeimbɨ-hündɨ nɨŋgo marandɨ.

Hibru 9:24

Sünambe anɨhondü hamɨndɨ eŋgoro ranahandɨ sɨsamɨ nindou ai sürühoeimbɨ fondɨ nafɨru hɨnɨŋgɨmarundɨ ranambe ana moai Krais ai kefuai hu, ŋga wanɨ. Ŋga sapo sünambe fondɨ hondü-mayo ranambeahɨyu ai Godɨndɨ hɨmboahü sɨhefɨmbo-hündambo kameihɨ tüküfimbo ranambeahɨyu ai kefuai hüfu anüŋgu.

Weindahɨfembo 11:12

Ranɨyo asu Godɨndɨ hoafɨ hoafɨyafanɨ-rɨnandeimbɨ ai hɨmborɨ-yafandane, sünambeahɨndɨ hoafɨ mamɨ puküna ahafanɨmbo hoafɨyopɨrühɨ yahoya, “Mborai ndühɨ sühüfanɨ,” meho. Ahafanɨmbo hɨfokoa-marɨhipɨrɨ ai hɨmboapoyeiane, asu ai mburɨŋgai bɨtapɨrɨne hena sünambe mahahüfanɨ.

Weindahɨfembo 12:12

Ranɨmbo-hündambo-anɨmbo sünü asu sünambeahɨndɨ nend-anemo se hɨhɨfɨ-hɨhɨfɨndɨmo! Ŋga hɨfɨ asu sɨrɨwara se hɨpoanɨmboembou-anafe. Satan ai ndeara ranɨhü kusümbo wambo asu ahambo ŋgusüfo asürɨrühane. Ai ranɨhü nɨŋgombo ra gedühɨyopoanɨ, ŋga bodɨfo-ane ranɨmbo fɨfɨreamboani,” meho.

Weindahɨfembo 15:5

Asükaiya sünambe hɨmboyahündamboyo Godɨmbo hoafɨ femɨndɨ sɨhefe worɨ ranahandɨ ahɨnümbɨ worɨ safambe ra sübüdɨ-marɨhoayowa hoeimarɨheandɨ.

Weindahɨfembo 18:20

God ai Babiron ranahambo moaruwaimbo-mareandɨ ranɨmboane asu sünü se-anafɨ, Godɨndɨ nindou se-anei, Kraisɨndɨ hoafɨ sowandümo homo-rundeimbɨ nindou-anemo, Godɨndɨ hoafɨ hoafɨyomo-rundeimb-anemo muŋguambo se hɨhɨfɨ-hɨhɨfɨndei. God ai ahambo tɨŋɨrɨfo masagado sapo sɨmborɨ sɨheimbo ramareandürɨ süŋgumbo,” meho.

Weindahɨfembo 21:3

Bogorɨndɨ nɨmarɨ-fondɨ-mayo ranambeahɨndɨ hoafɨ puküna hoafɨmayowa hɨmborɨmayahɨ. Yare hoafɨyowohü yahoya, “Hɨmborɨyei! Godɨndɨ worɨ hapoana nindou-babɨdɨmbo anaŋgo! God ai nindou-babɨdɨmbo nüŋguhü asu ahandɨ nendɨ-ndeimboyei. God ai ahandɨhoarɨ nindou ranɨ-babɨdɨmbo anüŋgu anɨmbo asu ai ahei Godɨ-ndümbui.

Weindahɨfembo 4:1

Ranɨyahɨ ranɨ-sɨmboanɨ hamɨndɨ ro yafogoadɨnambo nahurai sünambe yipurɨ ranai sübüdɨrɨhoai meŋgorowa hoeimarɨheandɨ. Ranɨyo asu hɨmborɨyahane wambo hoafɨ mamɨ horombo fufuŋɨ nahurai hoafɨmendɨrɨ ranai hoafɨyondɨrühɨ yahoya, “Awi, se ndühɨ sühüfan-anɨmbo ro sɨhambo nɨne-moatükunɨyo süŋgunambo tüküfemboayo ranahambo hoafɨndahanɨnɨ,” mehondɨrɨ.

Weindahɨfembo 4:4

Adükarɨ bogorɨndɨ nɨmarɨfondɨ ranahambo 24 adükarɨ bogorɨndɨ nɨmarɨ fondɨ bɨdɨfɨrɨ ranai wakɨyo türe haya burɨmayo. Ranɨyo asu fondɨ ranɨwamɨ 24 boagɨrɨ-memo ranai kɨfohɨ hoearɨ yihuruyomo houmbo gorɨnambo nafümbɨ at kɨbodɨrɨfoaru mburu nɨnoumemo.

Weindahɨfembo 5:13

Ranɨyo hɨmborɨyahane, muŋguambo moatükunɨ sünambe eŋgoro, hɨfɨ ndanɨhü eŋgoro, hɨfambe ragu hoarehɨ eŋgoro, asu muŋguambo moatükunɨ sɨrɨwara-ambe eŋgoro ranai rarɨhi heirüyeihɨ seiya, “Nindou sapo ahandɨ adükarɨ bogorɨndɨ nɨmarɨfondɨ-wamɨ amaru asu Sipsip Nɨmorɨ amboanɨ ranahafanɨmbo muŋguambo ai hɨhɨfɨmbɨrɨhü-pɨramboane adükarɨ ndüreimb-anafanɨ mbɨseiyei-amboane ahafanɨmbo hɨhɨfɨ-hɨhɨfɨmbeyei-amboane asu ai ŋgɨnɨndɨ mbɨsowandɨfand-amboane,” masei.

Weindahɨfembo 7:15

Ranɨmbo-hündamboane, ai Godɨndɨ nɨmarɨ-fondɨ haŋgɨfoanɨ anɨmboei. Ai ahandɨ worambe nɨmbɨ-nɨmbɨsi ratüpurɨyei arɨhündɨ.

Weindahɨfembo 7:9

Ranɨ-moatükunɨ ranai refehayambo-yoane, asu asükaiya hoeirɨheandane, nindou afɨndɨ hamɨndɨ ranai manɨmboei asu ranaheimbo ŋgɨrɨ mamai amboa tapuindürɨ. Nindou ranai ana muŋguambo hɨfɨhündɨ, muŋguambo sɨrɨ, muŋguambo fi-hoearɨ, asu muŋguambo hoafümbɨ-yei manɨmboei. Ai Godɨndɨ nɨmarɨfondɨ Sipsip Nɨmorɨ-mayu ranahandɨ haŋgɨfoanɨ-yei kɨfohɨ hoearɨ yihuruyei mburɨhü asu hɨhɨfɨ-hɨhɨfɨyeihɨ mbeyemü waramberɨhümündi hehi burɨmayei.