Matyu 5:6 - Godɨndɨ Hoafɨ

⁶ Nindou dɨdɨyei ai Godɨndɨ mbumundɨ hohoanɨmo ranahambo semɨndɨmbo wembohühɨ nouehindɨ asu hoe sɨmɨndɨmbo amɨndanɨŋombo nouehindɨ ana, aiana hɨhɨfɨ-hɨhɨfɨmbeyei-amboane, ŋga God ai aheimbo mbumundɨ hohoanɨmo ra dagadürümbui.

Matyu 5:6 ပူးပေါင်းရင်းမြစ်များ

Aboedɨ Hoafɨ Ruk ai sürü papɨmarandɨ 1:53

God ai nindou wembomboyeimbɨ ranaheimbo aboedɨ moatükunɨ yimbureandürɨ asu nindou napombü-mayei ranaheimbo nɨnɨ akɨdou-amboanɨ warambefendürɨkoate koamarɨhendürɨ.

Aboedɨ Hoafɨ Ruk ai sürü papɨmarandɨ 6:21

Se dɨdemo haponda wembomboemo seana hɨhɨfɨ-hɨhɨfɨ-mbemondamboane, ŋga seana bodoweimbɨ nɨŋgomboemo! Se dɨdemo haponda aranɨ-aranemo seana hɨhɨfɨ-hɨhɨfɨ-mbemondamboane, ŋga seana tɨkɨfɨnambo nɨŋgomboemo!

Aboedɨ Hoafɨ Ruk ai sürü papɨmarandɨ 6:25

Se dɨdɨyei haponda bodoweimbayei, seana hɨpoanɨmboembou-anei! nɨmboe seana sapo wembombondeimboyei! Se dɨdɨyei haponda tɨkɨfɨ-hoafɨnambo amarei, seana hɨpoanɨmbembou anei! Nɨmboe sapo seana aranɨ-aranɨndeimboyei!

Aboedɨ hoafɨ Son ai sürü papɨmarandɨ 4:14

Ŋga nindou dɨdɨyei ro hoe aheimbo asahandürɨ ranai ana ŋgɨrɨ asükaindei amɨndanɨŋombonde, ŋga wanɨ. Hoe ro aheimbo saimbo saheheamboayahɨ ranana, ahei fiambe apoandɨhorɨ hoe nahurai fondɨhoai-fondɨhoaindandanɨ asu nindou ranai yaŋgɨrɨ koadürümbo-koadürümbo nɨmboeimboyei,” mehuamboyo.

Aboedɨ hoafɨ Son ai sürü papɨmarandɨ 6:27

Se sesɨ sümburüyo arandɨ ranahambo hohoanɨmondeihɨ ratüpurɨ-ndeimboyei, ŋga se yaŋgɨrɨ koadürümbo-koadürümbo nɨŋgombo sesɨ ranahambo-anɨmbo hohoanɨmondeihɨ ratüpurɨndei ndühündɨ. Sesɨ ra sɨheimbo Nindou Hondü ai dagadürɨmbui, sapo God ai ranɨ ranɨmbo-hünda ahambo ŋgɨnɨndɨ masagado-ane,” mehuamboyei.

Aboedɨ hoafɨ Son ai sürü papɨmarandɨ 7:37

Suda-yafe amoao-yomondɨ dagoambe nɨmarɨmbo hohoanɨmombo si ranahandɨ bɨdɨfɨranɨ si ra adükarɨ hamɨnd-ane. Ranɨ sihɨ Sisas ai botɨfi puküna hoafɨyundürühɨ yahuya, “Nindou dɨdɨyei ai hoe sɨmɨndɨmbo amɨndanɨŋombondeihɨ ana, wambo sowana dɨdei ndɨmɨndei.

Weindahɨfembo 7:16

Ai ŋgɨrɨ asükaindei wembombondei asu amɨndanɨŋo-mbondei. Hüfɨhamɨndɨ ranai ŋgɨrɨ aheimbo tagɨndandürɨ, asu hüfü amboa ŋgɨrɨ tagɨndandürɨ.