Matyu 12:20 - Godɨndɨ Hoafɨ

²⁰ Ai ŋgɨrɨ wohɨ emündü bürühoai yaŋgoroweimbɨ ranahambo muŋguna bübürɨboade dɨgendɨ. Asu ai ŋgɨrɨ ram hai akɨdou nɨmbɨraŋɨ reandeimbɨ ahoro ranahambo muŋguna dɨkɨnde kosɨboadeandɨ. Ŋga aiana moanɨ ratüpurɨndühɨ ŋgu ŋgumbo moanɨ aboedɨ mbumundɨ hohoanɨmo tükündɨfemboe.

Matyu 12:20 ပူးပေါင်းရင်းမြစ်များ

Matyu 11:28

Nindou se dɨdɨyei afɨndɨ tɨŋɨrɨfoayeihɨ fiambe yɨboarukoarandürɨ habodei ranana se mborai wambo sowana ndühɨ dügüsianɨ anɨmbo ro sɨheimbo afurɨndɨhe hɨnɨŋgɨndɨheandürɨmboyahɨ. Asu wandɨ nɨmborɨ nɨmühɨ kündɨho se rodɨbo yɨbobondahoamɨnde.

Matyu 11:7

Sonɨndɨ süŋgururü-rundeimbɨ ranai ndamefundamboyu mamɨ ranɨ-sɨmboanɨ Sisas ai nindou afɨndɨ burɨmayei ranaheimbo Sonɨmbohünda hoafɨyundürühɨ yahuya, “Sapo se nɨmɨ wohɨ furɨ-koateyoweimbɨ hɨfɨhü Son sowana mahei ra nɨnɨ-moatükunɨmboyei tüküfeyoanɨ hoeifemboane maseia? Awi se werɨnambo boabodarɨ momoaŋgorü-marandamboyo hoeifembo maheia?

Aboedɨ Hoafɨ Ruk ai sürü papɨmarandɨ 4:18

‘Yifiafɨ Adükarɨndɨ-mayo wandɨ fiambe amarondɨrɨ. Aboedɨ hoafɨ nindou moaruwai ranaheimbo bokarɨhefendürɨmbo hündambo ai wandɨ mbɨrowamɨ werɨ kafoareandühɨ dɨbonɨmayundɨrɨ. Ai wambo koamarɨhendɨrɨ ra ro aheimbo hoafɨ ra refe bokarɨhefehüya, Nindou karabusambe nɨmboeimbɨ ana, karabusɨ ra hɨnɨŋgɨndɨhi hehi ŋgeimboyei. Nindou dɨdɨyei ai hɨmboarɨ tɨharɨndeihɨ ana, asu ai asükai hɨmboarɨ bɨrɨndɨhehi hɨmboarɨ-ndeimboyei. Nindou moaruwai hamɨndɨ tɨŋɨrɨfoayei ai kɨkɨfe fufurɨ-hefeyoanɨ aboedambo-ndahimboyei.

2 Korin 2:14

Ŋga Godɨmbo hɨhɨfɨndɨ-hurɨmboane nɨmboe sapo aiani Krais-babɨdɨ nɨmboefanɨ muŋguambo si aho ra sɨhefɨmbo aboedɨ nafɨ semündümunɨ huhü asu nɨne-moatükunɨ ranai sɨhefɨmbo moaruwaimbo-femunɨmbo aho ra ŋgasündɨhu aboedühɨ tükehundɨ. Yɨhoefɨ ratüpurɨ ranahamboani God ai hoafɨyuanɨ asu nindou ai Krais ranahambo fɨfɨrarɨhorɨ. Kraisɨmbo fɨfɨrɨfe ranana aparümbɨ fɨsɨŋarü yaŋgorɨ wakareandɨ nahurai-ane.

2 Korin 2:7

Ŋga awi se ahandɨ hohoanɨmo moaruwai ranahambo amboawi sahündowohü asu ŋgusüfoambe afurɨfe kifimbɨ hohoanɨmo ndahündo. Ŋga asu ŋgusüfoambe afɨndɨ hamɨndɨ kifimbɨ hohoanɨmo ai ahambo muŋguna moaruwaimbo-nderɨmboe.

Weindahɨfembo 6:2

Ranɨyahɨ asu hɨmboyahane hos kɨfohɨ ranahambo hoeimarɨheandɨ! Nindou hos semündü hu-randeimbɨ ranai yifiahondɨ semündü-haya mamaru ranahambo adükarɨ bogorɨndɨ at masagado. Ai yifiarɨyu tɨtaboarɨfoare-randeimb-ani asu ai yifiarɨyo tɨtaboarɨ-foefembohünda asükai hɨhɨrɨfi mahu.