Aboedɨ hoafɨ Son ai sürü papɨmarandɨ 4:27 - Godɨndɨ Hoafɨ

²⁷ Sisas ai raoyahuambe ahambo süŋgururü-rundeimbɨ ai sesɨ pemɨnɨpoedɨ sümburɨndümo tükümefundɨ. Asu ai hoeirundane Sisas ai nɨmorehɨ-dɨbo wataporɨmefea hepünɨmefundɨ, ŋga nindou mamɨ ai-amboanɨ moai düdufinduhɨya, “Se nɨmboeafa?” yahundo asu “Nɨmboe se nɨmorehɨ ra-dɨbo wataporefea?” yahundo, ŋga wanɨ.

Aboedɨ hoafɨ Son ai sürü papɨmarandɨ 4:27 ပူးပေါင်းရင်းမြစ်များ

Matyu 8:10

Asu Sisas ai ranɨ hoafɨ ranahambo hɨmborɨyu haya, hepünüfihɨ nindou afɨndɨ ahandɨ süŋgu tümareandɨ ranaheimbo hoafɨyundürühɨ yahuya, “Ro sɨheimbo hoafehandürɨ, horombo ro moai nindou mamɨ Israer ŋgoafɨ-hündɨ ndahurai anɨhondümbo-reandeimbɨ nüŋgua hoeirɨhinɨ.

Aboedɨ Hoafɨ Ruk ai sürü papɨmarandɨ 7:39

Asu Farisi nindou Sisasɨmbo mborai mehundo ranai ranɨ-moatükunɨ ramareanda hoeire haya ahandɨ fimbo hoafɨyuhɨ yahuya, “Nindou nda anɨhondü Godɨndɨ hoafɨ hoafɨyu-randeimbayu ana, ai nɨne nɨmorehɨ ahambo sündarerɨ nda fɨfɨrɨndeambui. Asu moaruwai yahurai nindowenihɨ bɨrabɨrümbɨ nɨmorehɨ anɨŋgo ranahambo fɨfɨrɨndeambui,” mehu.

Aboedɨ hoafɨ Son ai sürü papɨmarandɨ 4:28

Ranɨyo asu nɨmorehɨ ranai hoe fuimɨndɨ hɨpɨrɨ ra ranɨhü sɨhai haya hɨfo nindou ranɨ ŋgoafɨhündɨ ranaheimbo hoafɨyondürühɨ yahoya, “Se naha sɨnei nindou geba anüŋgu ra hoeirɨhorɨ. Ai wambo ro muŋgu moatükunɨ ratüpurɨya marɨhandɨ ra muŋgu ai weindahɨ hoafɨmayundɨrɨ. Ŋga awi ai Krais anɨmbombei?” mehoamboyei.