Hibru 4:7 - Godɨndɨ Hoafɨ

⁷ Ranɨmbo-hündamboyo asu süŋgunambo God ai asükaiyu ŋgorü si ra hɨnɨŋgɨ-mareandɨ, sapo si ranahambo dükareandühɨ “ndanɨ si” mehu ra. Godɨndɨ hoafɨ mbahɨrɨhefe si afɨndɨ hɨmbanɨ ra ho-ane ranɨ mbusümo Defitɨndɨ yafambe süŋgure haya God ai hoafɨyuhü yahuya, “Asu haponda se Godɨndɨ yafambehündɨ hoafɨ hɨmborɨndeihɨ ana, se ŋgɨrɨ hɨmbo-sɨhomondɨhehindɨ,” Buk Song 95:7-8 mehu.

Hibru 4:7 ပူးပေါင်းရင်းမြစ်များ

Matyu 22:43

Asu ai ahamumbo düdureapurühɨ yahuya, “Asu nünüŋgufemboyo Yifiafɨ Aboedɨ ranai Defitɨmbo hohoanɨmo ŋgusüfoambe horɨmarera asu ai Krais ranahambo Adükar-ani mehundoa? Defit ai yare hoafɨyuhü yahuya,

Aboedɨ Hoafɨ Mak ai sürü papɨmarandɨ 12:36

Yifiafɨ Aboedɨ ai Defitɨmbo hohoanɨmo masagadowa hoafɨyuhɨ yahuya, ‘Se wandɨ warɨhondü waranɨ nɨmandɨfɨ ŋgafɨmbo sɨhafɨ hürütümbɨ ra sɨhafɨ hoarehɨ hɨnɨŋgɨndɨheapurɨ-mboyahɨ,’ Buk Song 110:1 mehu

Aboedɨ Hoafɨ Ruk ai sürü papɨmarandɨ 20:42

Sapo Defit ahandɨhoarɨ Herü Buk ranambe yare hoafɨyuhɨya, ‘Adükarɨ ai wandɨ Adükarɨmbo hoafɨyundowohü yahuya, ‘Se wandɨ warɨhondanɨ bogorɨmbondafo nɨmandɨfɨ ŋgafɨmbo ro sɨhambo hürütümbɨ ra sɨhafɨ hoarehɨ hɨnɨŋgɨ-ndɨheapurɨmboane,’ Buk Song 10:1 mehu.

Ratüpurɨ 2:29

“Amoŋgo mam-anemo asu rehɨ mam-anei, ro sɨheimbo anɨhondümboanahɨ hoafehandürɨ, sɨhefɨ amoao Defit ai yɨfɨmayuwambo masamboarɨhurɨ. Asu ahandɨ yɨfɨ ambe ranai haponda sɨhefɨmbo sowahɨ anɨŋgo ho.

Ratüpurɨ 2:31

Defit ai nɨnɨ-moatükunɨ tükündɨfembo ra fɨfɨreandühɨ wataporɨmbo-randühɨya, ‘God ai ŋgɨrɨ ahambo yɨfɨyeimbɨyei ŋgoafɨhü hɨnɨŋgɨndirɨ, asu ŋgɨrɨ yɨfɨ ambe-ambe sümburɨndu,’ mehu. God ai ahandɨ nendambo aboedambo-fendürɨmbo Krais yɨfɨhündɨ botɨmarirɨ ranahamboyu wataporɨmbo-marandɨ.

Ratüpurɨ 28:25

Por ai mamɨ hoafɨ ra hoafɨyu hayamboyuwane, asu süŋgunambo ai bobotɨyafu houmbo ahamundɨhoarɨ hoafɨ ranahambo sɨmborɨ hoafɨyomo houmbo bukürümefundɨ. Sapo Por ai yare hoafɨyuhü yahuya, “Yifiafɨ Aboedɨ ranai Godɨndɨ hoafɨ hoafɨyu-randeimbɨ Aisaia ranahandɨ yafambe süŋgure haya asu sɨhamundɨ amoao mamɨ ranahamumbo anɨhondü hoafɨmayu!

Hibru 3:15

Ŋga asu se ranɨ hoafɨ hɨmborɨmayei ra mɨtanɨndü-hümündimboyei, sapo ai yare hoafɨyowohü yahoya, “Haponda se Godɨndɨ yafambehündɨ hoafɨ hɨmborɨndeihɨ ana, se hɨmbo-sɨhomo-ndɨhehindɨ sapo horombo sɨhei amoao mamɨ ai Godɨndɨ hoafɨ hɨmborɨkoate-yeihɨ mbahɨmarɨ-hehindɨ nou,” Buk Song 95:7-8 meho.