Hibru 11:31 - Godɨndɨ Hoafɨ

³¹ Rahap nɨmorehɨ nindowenihɨ bɨrabɨrɨyo-randeimbɨ ahandɨ anɨhondümbofe hohoanɨmo-mbohünda ai Israerɨhündɨ nindou yimbu ŋgoafɨ kosemɨndɨ-mbohünda samoŋgorɨmbo tükümefɨneanda aboedɨ hɨhɨfɨ-hɨhɨfɨna worɨnɨmareapɨrɨ. Ranɨmbo-hündamboyo ahambo moai hɨfokoarundɨ nindou Godɨmbo anɨhondü-mbofekoate-yeimbɨ hɨfokoako-mafoarundürɨ ranambe.

Hibru 11:31 ပူးပေါင်းရင်းမြစ်များ

Matyu 1:1

Sisas Kraisɨndɨ amoao mamɨ nüŋgurumboemo tüküyafu manɨŋgomo hoafane nda. Sapo Sisas ai Defitɨndɨ amoao ambeahɨndɨ tükümefiyua asu Defit ai Abrahamɨndɨ amoaombofi tükümefiyu ranɨ hoafane nda.

Matyu 1:5

Asu Sarmon ai Boasɨndɨ afɨndɨyuane. Ahandɨ hondɨ ranai Rahapɨyoane. Asu Boas ai Obetɨndɨ afɨndɨyuane. Ahandɨ hondɨ ranai Rutɨyo. Asu Obet ai Sesindɨ afɨndɨyuane.

Ratüpurɨ 15:33

Yimbu ai Andiokɨhü nɨŋgo-nɨŋgo-yafɨne mburɨna anɨhondümbo-rɨhindeimbɨ ai ahafanɨmboya, “God ai aboedɨ-aboedɨ mbɨreapɨr-amboane asu ŋgusüfoambe afurɨnde kündeambui,” sei hehi nindou koamarɨ-houpɨrɨ ranahamumbo sowana koamarɨhehipɨra hɨhɨrɨyafɨne mahafanɨ.

Hibru 3:18

Asu nindou daboe God ai dabarɨfihɨ horombo hoafɨ hoafɨyuhüya, “Ai ŋgɨrɨ ro aheimbo harɨhefe nɨmarɨmbo hɨfɨ masahandürɨ ranambe ŋgei,” mehu-a? Sapo nindou ahandɨ hoafɨ yɨboaruko-rɨhindühɨ mbahɨmarɨ-hehindɨ ranaheimboyu yare hoafɨmayundürɨ.

Sems 2:25

Sapo Rahap, nindowenihɨ bɨrabɨrɨyo-randeimbɨ nɨmorehɨ amboanɨ yahurai ramefeyo-ane. Ai Israerɨhündɨ türüfoarɨne fɨfɨrɨne-rɨnandeimbɨ nindou yimbu ai ahambo-so tükümefɨneanda sepɨrɨmɨndɨ worɨnɨreapɨrɨ haya se-dɨbo ŋgorü nafɨ aboedambo-ndafɨneandɨ yahohaya mafarɨhepɨrɨ. Nɨmorehɨ ai aboedɨ ratüpurɨ ra ramareanda asu God ai ahambo se nindou aboedɨ mbumund-anafɨ mehundo.

1 Pita 2:8

Asu ŋgorü bɨdɨfɨranɨ Godɨndɨ hoafɨ hoafɨyowohü yahoya, ‘Kambohoanɨ rananɨmbo nindou ranaheimbo bendeandüranɨ ai bübürɨndeihɨ pɨndeimboyei,’ Aisaia 8:14 meho. Ai Godɨndɨ hoafɨ süŋgufekoate-yei arɨhündɨ, ŋga ranɨmboyei ai bürühümündi mahei God horombo hohoanɨmomayu süŋgu.

1 Pita 3:20

Yifiafɨ ranana sapo Noa ai sip nafɨrandambe asu God ai moanɨ sɨsɨkoate nindoumbo hɨfanda nüŋguambe, nindou ranai Godɨndɨ hoafɨ süŋgufekoate-mayei ahei yifiafɨmboyu hu wataporɨmbo-mararü. Nindou bɨdɨfɨrɨ 8 yaŋgɨrɨ sip ranambe hoenambo aboedambo-mehindɨ.