2 Korin 9:9 - Godɨndɨ Hoafɨ

⁹ Godɨndɨ hoafɨ ranahambo yare hoafɨyowohü yahoya, “Nindou düdi ai nindou napo-koate-mayei aheimbo warambe kɨkɨhemɨndɨkoate-ayu ra nindou ahurɨ bubufoareandɨ nahurai-ani. Ahandɨ mbumundɨ hohoanɨmo ranai koadürümbo-koadürümbo yagodɨmboe,” Buk Song 112:9 meho.

2 Korin 9:9 ပူးပေါင်းရင်းမြစ်များ

1 Korin 13:13

Ŋga haponda ŋgɨmɨ moatükunɨ nda, Godɨmbo anɨhondümbofe hohoanɨmo, Godɨmbo anɨhondümbofehü hɨmboyondombo hohoanɨmo, asu nindou ŋgorümbo ŋgusüfo pefe hohoanɨmo ra moanɨ koadürümbo-koadürümbo yagodɨmboe. Ŋga ŋgɨmɨ hohoanɨmo ranahandambo, ŋgorümbo ŋgusüfo pefemboane ai adükarɨ hamɨndayo.

2 Korin 9:10

God ai sesɨ maŋgɨrɨ nindou nümbürɨra-randeimbɨ ranahambo sagado asu mamɨkarambo sesɨ sesɨmbo sagadürɨ arandɨ. Ranɨmbo-hündambo-anɨmbo asu God ai sɨheimbo afɨndɨ moatükunɨ dagadüranɨ asu se dɨgehi hehi ahandɨ nendɨ ranaheimbo fandɨhehi-ndürɨmboyei. Rananɨmbo sɨhei fehefembo hohoanɨmo ranai afɨndɨ hamɨndɨ tükündɨfemboe nindou nümbürambeahɨndɨ moatükunɨ hɨfɨreanda afɨndɨ hɨsayo nou.