1 Pita 1:24 - Godɨndɨ Hoafɨ

^24-25 Yɨnɨ, ŋga Godɨndɨ hoafɨ hoafɨyowohü yahoya, ‘Nindou muŋguambo aiana nenewohɨ nahuraiyei hehimboanei, asu ahei yihuru napo, muŋguambo moatükunɨ ranana nenewohɨ ahurɨ nahurai-anendürɨ. Ranane nenewohɨ ranai yapataparɨyo pütapɨyohane, ŋga asu Adükarɨndɨ hoaf-ana koadürümbo-koadürümbo yare yaŋgoromboane,’ Aisaia 40:6-8 meho. Ŋga ndanɨ hoafɨ ranana sapo sɨheimbo aboedɨ hoafɨ hoafɨmemondürɨ ranane.

1 Pita 1:24 ပူးပေါင်းရင်းမြစ်များ

Matyu 6:30

Wohɨ amɨndafurambe amaro haponda ra asu sümbo siambe hɨfɨtɨrɨyɨmɨndɨ haiambe pütifemboane. Moaruwai yahurai wohɨ ranamboanɨ God ai ahambo aboedɨ yihurure hɨnɨŋgareandɨ ana, asu ai sɨhamumbo amboanɨ yihurundeapurümbui. Se yihuru ranahambo afɨndɨ hohoanɨmoyomo, ŋga sɨhamundɨ anɨhondümbofe hohoanɨmo ana akɨdou ane!

Sems 4:14

Awi se moai fɨfɨrɨhindɨ sɨhei fi ranahambo sümbu nɨnɨ-moatükunɨ tüküfe-ndürɨmboayo ra! Sɨhei nɨŋgo ranana sapo mburüŋgai siambe moanɨ wosɨhoaforɨmbo peyo mbura asu hüfɨhamɨndɨ-yowohü awararɨhoayo nahurai-anendürɨ.

1 Son 2:17

Hɨfɨnɨndɨ hohoanɨmo asu hɨfɨnɨndɨ ŋgusüfoambe botɨfe hohoanɨmo amboa ra muŋgundɨmboe, ŋga nindou ai Godɨndɨ hoafɨ süŋgurɨhi arɨhündɨ ai gedühɨ koadürümbo-koadürümbo nɨmboeimboyei.