Yuti 1:25 - Yisasini Kama Vaya

²⁵ Beya anan tetisi Bafan Yisas Karaisin pinté uaren Tiyain Tiyarafenu van mifo véin avisá daní ono. Minó kakhan má kini ákona vá béimpin bákan inká minó danáká ma yafisin ákona kayo vá báken minó danáká pefá dafíkaren taréa vain ínaimpáké dere fara oriyan banten mino. Pura ino.

Yuti 1:25 ပူးပေါင်းရင်းမြစ်များ

Matiu 6:13

Inká éi ida vá tétin akhenókafin tivire ore vá Ban Anon ayan pinte vá tétin do sivían ka ono.’

Ruku 1:47

ten taunan mano moéken Ten Tiyain Tiyarafenu van amusin iyákái

Yoni 4:22

Máan tin nompo sireti Sameriá kayo ano ma monó tiyaona mai yaná ída afová ukha ompo seti Yutan kéká ano ana ma monó tiyaruna mai yaná minói afova ukhé tifékun mi Tiyarafenu ano sétin aní uren banasi evaránen aviran doran timikhen mino.

Yoni 5:44

Tiretiyan mi kákan bí baran maran iyáke Tiyarafenu ano ma amiyain bí ída variya ompo intesá ureyá mumunan inte rafono.

Romu 11:33

Ódoo. Onano, ven nina yanasinta vá afova vá ineine vá ma moékakhein Tiyarafenu ma vain nee. Onano, véi ma ineine uren bariyain avúavá mai seti ída kanaíé afová ó tifanté uno.

Romu 11:36

Para vara seyo, Tiyarafenu anon minó daná uvamá daran beni ákonará báken mai yanasinta ano véin kákan bí amiyan mino. Béin avisá ena ena yaní ono. Mai fura ino.

Romu 16:27

Yisas Karaisini kama avúava sará mai ma afova víkakhein Tiyarafenun aví ena ena yaní ó tifano. Mai fura ino.

Efesasi 1:8

Tiyarafenu ano vei kama ineine vá tarisari vá tetimpin banaen mino.

Efesasi 3:10

Máan tukhan mi véi ma ena anan má Yutan kayo vá ma maman manafiní inain manon bei kama ineine vá afova vá ma ayompin bákan ma ákona ví bá ma vain aunan kayofin afoká inten mino.

Efesasi 3:21

Máan tukhein nará minó mumunan nanin banta ano Yisas Karaisin táké uaren ná ena ena yamú Tiyarafenun kákan bí amen oriyan ná bano. Pura ino.

1 Timoti 1:17

Máan tukhanti vá mai ma fara van oriyan ban Tiyarafenun avisá daní iyáke kákan bí ameno. Para vara seyo veyáká anan Tiyarafenu váken inká ída furinton para van oriyan ban Kin bákan mana nanin banta ano véin ída kanaíen oné iyan mino. Pura ino.

1 Timoti 2:3

Mai avúavá anon kama ukhen mi setin ma Siya Uren Tivikhein Tiyarafenun amusin amé iyan mino.

Taitasi 2:10

Inká ída vá betíi yafisin banta kayo ina yanasinta umoyan barantin ná betin oman pura yoraríin kéká ino vá tino. Máan siyantin ná minó daná ma varan nain mano setin ma Evaránen Tivíkein Tiyarafenui vaya ma ena nanin banta ano iniyáken kama vaya ino sinten mino.

Taitasi 2:13

Mai ma setisi kákan Yisas Karaisi ano ma Evaránen Tivíkein Tiyarafenu ma vei kakhampin ma afoká inain nan tetí inikhé timusin iyá ave ukhé tiféuno.

Taitasi 3:4

Máan tiyaré tifé umpo setí ankan ma Evaránen Tivíkein Tiyarafenui anunu vá avábá bá ma afoká ein nan mi véi setin evaránen tivíken mifo seti ma funtákein avúavá bariyaré é tiferuna rasa ino. Ída ino. Bei arunanápói setin evaránen tivíken mino. Tiyarafenu ano Kantá Aunan pói setin tesé uren evaránen maman auyení urá bá tiféuno.

Iburu 13:8

Yisas Karaisini avúavá ano fefa safi saréa fi áa ena ena yamu safi mai manaí anan ukhen banten mino.

1 Pita 4:11

Tiyarafenui oo vantaí ono van ma arakhanti mai véi ma siretin pinté uaren baya seinisá ono. Inká ena nanin banta aya ono van ma Tiyarafenu ano arakhanti mae mai ma véi amin nain ákona fókesá mai yoran barano. Máan ma esin mi Yisas Karaisi ma mantein avúava san Tiyarafenu aví ara ara avúavá póké daní inten mino. Minó kakhan má ákona vá ben ninan bain ayáká para oriyan banten mino. Mai fura ino.

2 Pita 1:1

Téi Saimon Pita ma Yisas Karaisini aposerí ukhé beni ída miyan ban dorarí iyaruna vanta anon ma vompon uvaré uno. Yisas Karaisi ma setisi Tiyarafenu vá Tiyain Banta vá báken ma setin maman Tiyarafenu avorá puntákein nanin bantaí urá bátiféku ma setin má manaíe funtákein mumunan iyaona kéká baonafái ma vompon uvamádékun oren mino.

2 Pita 3:18

Máan tin nompo setin ma Siyain Bafan Yisas Karaisin ma anunu ukhein tarisari vá afova vasá e inorano. Béimpin ná minó kakhan má aví ma yaní in avúavá bá ano saréa váken ná para van oriyan bano. Mai fura ino.

Revaresen 1:6

Be Afóe Ayarafenui monó doran bantaí uven Tiyarafenu vá barará nanin banta vá aúban báken dorarí ino van mi véi ano setin tivían bei yafisin aúpin kaúken mino. Mai vará béin moéke kákan bí amesin ná beni yafisin doran mano fara van oriyan bano. Pura.