Yoni 2:22 - Yisasini Kama Vaya

²² Béi ma masí pinté e mantavin maen mi veni eyo iyampon kayo ano mai ma sikhá ein baya afová uren mi Tiyarafenui vaya ma vompon dókifin uvamádan baré ein má Yisasini vaya vá ovaren inen mumunan en mino.

Yoni 2:22 ပူးပေါင်းရင်းမြစ်များ

Ruku 24:26

Mai ma Tiyarafenu ano ma vei vanasi evaránen avirano van ma aní ukharé ein banta ano vá uman nare mamaren ná ínaimpákesá Tiyarafenui kakhampin un perano ma sikharé ein tiré kanan ídá afová ukhe fono.”

Ruku 24:44

Oniyákan béi máa sen tiamemí, “Téi ma siretin má ma fara váké Mosesini man baya vá sakhanampa vanta kayoi vaya vá í bompon má ano ma séin pákena sikharé ein mai minó daná ano vá pura sen afoká ino sé pefái mai yanasinta van tiamikharé uno.”

Yoni 12:16

Beni eyo iyampon kayo ano amino ukharen mifo Tiyarafenu ano ma Yisasin purin pinte orun avían mantaren kákan bí amiran maen ínaimpákéi vetí ankan afová iyáken bompon dóki ano Yisasin nan mi sikharen mino sen mai avúavá ma afoká ein nan ovaren me inen mino.

Yoni 14:26

Tiamiyá umpo siretí ankan ma ákonaen ayain nain mai Kantá Aunan mino. Téin tivíkái Sifóe ano véin tiantantin eriven tiretin minó daná afova amiren ineine orun mantaantantiyai minó baya ma séi siretí ankan tiamiyáeruna van ovare me ineine inono.

Yoni 16:4

Máan tintéíi séi siretin má ayáká bantéi ma vaya fefá ída siamikharé umpo ínaimpá ma vanta kayo ano ma mai avúavá ma siretin amaniná kaintiya ma vaya ovare me ineno van mi siamiyá uno.

Yoni 2:11

Máan mi en Kariri varafin Kaná barurá Yisasi araíen enará ukhein daná ma afoká ein mai vei kakhan má ákona vá aní uran mai van mi vei eyo iyampon kayo ano ódaren béintá mumunan en mino.

Yoni 2:17

Máan tiyan ma mai avúavá bei eyo iyampon kayo ano oniyáken Tiyarafenui vompon dókifin ma máa sikharé ein baya ovaren me inen mino. “En ama san tiran nakhan mai ano súpin ira ma kheiní iyan mino.” Íbo 69:9

Yoni 2:2

Yisasin má bei eyo iyampon kayo vá dere arákan mai omápin o varen mino.

Aposeri 11:16

Máan tíkan Bafan mano fefá tiyáken ma Yoni ano nompói vanasi monó non péanten mifo siretí ankan Kantá Aunan pói féantanten mino ma sikhá ein baya ovaré me iné uno.

Aposeri 13:33

Taréa ma vetin akhafana ma varunafin mi Tiyarafenu ano mai ma sian damuádan baré ein baya kanaí ino van purin pintena Yisasin orun avían mantakhan mi kan dádasí ma en uvantein Í Bompon dókifin uvamádan ban mino. Mai vaya ano siyáken, “‘Taréa séi en afóení ékuya éi sen taniní e ono,’ sikhen mino. Íbo 2:7