Yemisi 2:17 - Yisasini Kama Vaya

¹⁷ Máan tukhanti afovasá ono. Mumunan iyáken ma kama yorarí in avúavá ma ída vantin maen mai mumunan mano mo faen danasí en purein an mi yakhen mino.

Yemisi 2:17 ပူးပေါင်းရင်းမြစ်များ

1 Korini 13:13

Máan tukhantin kanú manaú avúavái fara vanten mino. Mai máa maen mumunan in má kama yana san ma avein má ena ma avábá uantan má ifo avábá in manon moéken kákaní ukhen mino.

1 Korini 13:3

Ona ída van nanin banta ma se sina yanasinta varé mo amiyá ma inká ira khiyaimpin te su ampian kaiyá ma ena nanin banta ma ída avábá onté maé mai senti yoran paen danasíi inté uno.

Karesia 5:6

Mai fara vara seyo, Yisas Karaisintá ma mumunan iyá tiferuna mai anon au ma khavin má ída ma au khavin má maman paen danasí ukhen mifo Tiyarafenurá ma mumunan uren ma ena nanin banta ma ará amin manon pura yanasí ukhen mino.

1 Tesaronika 1:3

Máan tiyáké tiretí ankan ma Yisasintá mumunan iyáke ma yoriyaona vá ena nanin banta ará amire ma ayae yoriyáke ma inká tetisi Bafan Yisas Karaisin nan ovaránen erinten mino siren ma ákona inin kauráke ma kama yorarí iyaona van mi ovaré me iniré teti Sifóe Tiyarafenun timúkimpó tiamiyá tiféuno.

1 Timoti 1:5

Mai van mi Yisasin ánain ma vákuriyain kékápin ná ena ma moéken avábá in avúavasá bano. Betí ankan aú ma avusese intin ma kama yaná bá namu yaná bá ma yaíden afová in ineine ma vantin inká pura mumunan má ma vantin mi ena ma moéken avábá in avúavá afoká inten mino.

Yemisi 2:14

Mumunan tiyofi sifá tiváeyan noe, siretíi avúavá ano ma ída kama ukhantiya mai nái ana vará teyá tetí ankan mumunan ukhé tiféuno siya rafono. Máan mumunan mano ída kanaíen mana nanin banta aya urantin Tiyarafenu ano aviranten mino.

Yemisi 2:26

Kama yorarí in mumunan ma ída vantin maen mai mumunan mano furein an mi yakhen mino.