Romu 4:17 - Yisasini Kama Vaya

¹⁷ Tiyarafenu ano ma véin tiamikharé ein mai vompon dókifin máa sikhen mino. “Téi anon éin maman kokhon nanin banta anafuní é uno.” Esé 17:5 Purin banta ma evaránen aunan amen ma ída varé ein daná ma vayafó tíkan afoká ein Tiyarafenurá ma mumunan ein nan mi Abaraamu maman barará nanin banta anafuní uanten mino.

Romu 4:17 ပူးပေါင်းရင်းမြစ်များ

Matiu 3:9

Téi siretí ankan tiamé umpo siretí ída vá Abaraamu nan tetin tinafu ino se vá ineno. Tiyarafenu ano kanaíen ma onámaná kayo sintin Abaraamun anavasiní inten mino.

Yoni 5:21

Para vara seyo, fúká ein kéká ma ve Afóe ano orun avían mantiyainí anan en mi ve Anin mano ve ma anunu inain kéká kasaen aunan aminten mino.

Yoni 5:25

“Téi fura siré tiretí ankan tiamiyá uno. Damú ma afoká ono van iyá ein taréa inka afoká íkan pefá ma fúkaré ein nanin banta ano mai Tiyarafenu Anin avaya iniyantin inká mai vaya ma inin nain kéká ano fara ayun banten mino.

Yoni 6:63

Kantá Aunan manon ída kípan ayun ma fara van aunan banasi amé iyan mifo vantai ákona ano setí ankan ída uron mi siya iyan mino. Ma vaya ma siretí ankan ma siamiyaruna mai aunan mi váken béi ayun ma fara van oriyan ban mino.

Aposeri 15:18

Pefa suron mi ma yanasinta ma afokáin nain baya sikhan afová ukharen mino.’

Romu 3:29

Tiyarafenu maen mai Yutan kayoi Ayarafenu aná ban nafino. Béi ídá ena anan nanin bantai Ayarafenu van nafino. Ída ino. Béi ída Yutan kékái Ayarafenu ana van mifo ena anan nanin bantai Ayarafenu vái van mino.

Romu 4:18

Tiyarafenu ano máa sikharen mino, “Éi kanaíé minó ofu yankafinte fono. Ída ifo en ana akhafana ano máan uron mi en mo kokhoní inten mino.” Esé 15:5 Mai ma iyáantein danasinta ano ída kanaíen afoká irí ukhan mifo Tiyarafenui vayará ana Abaraamu fura sen mumunan ukharen mino.

Romu 4:2

Abaraamu ma kama yorarí iyá ein nan puntákein banta uno siren be amo sinten mifo Tiyarafenu avorá ída ino.

Romu 8:11

Tiyarafenui Aunan mano Yisas Karaisin masí pintena avían manten mino. Mai Aunan ma siretí ankampin ma vanti mai ma furin bukhafafin Aunani yorantá Tiyarafenu ano ayun ban aunan aminten mino.

Romu 9:11

Reveka karina iyampon kanan kauran maen Tiyarafenu ano míkani kama avúavá bá namu avúavá bákasa ódaren aníen naino. Ída ino. Tiyarafenu ano vei anunurái mana aníen mino. Béi fe o útúben Revekan tiamikharen mino. “Esé ma ká inain iyampon mano ínain ma afoká inain iyamponi yoran bantaíi inten mino.” Esé 25:23 Mai ma siamikharéin ma afoká ein avúavá ano Tiyarafenui ineine ánain mi vákuren mifo seti ma kama yoran má namu yoran má ma variyarunara saino. Ída ino.

Romu 9:26

Inká ena anafin máa sikhen mino. “‘Ída senti vanasi ono’ ma sikharé inain kéka san ínaimpáké ‘taunan bain Tiyarafenu sikhafana ono’ sinten mino.” Ose 1:10

1 Korini 1:28

Kama ineine ma vain kékái afova mádé asuse ono van mi ma ma vanasi ano namuen púta ukhen mino siyá ein kéká Tiyarafenu ano aní uren doran amen mino.

1 Korini 15:45

Máan tukhan Tiyarafenui vompon dóki ano máa sikhen mino. “Esé araíintá Adamu ne ma siyain banta ano aun mantaren mino.” Esé 2:7 Mantein mifo ínaimpá ma Adamun an dakhein banta Yisas Karaisi ma erein manon ayun para van oriyan ban Aunan amin bantaíen mino.

1 Timoti 6:13

Minó danasinta ma aun amikhein Tiyarafenun avorá bá inká mai ma Pontius Pairotin avorá ma funtákein kó ma sein banta Yisas Karaisin avorá bái éin ákonaé tiamiyá uno.

Iburu 11:12

Máan tukhein nan mi Abaraamu maen ayokhuviníen puroren ukhen ída iyampon kaoren mifo ven ana akhafana anon ayompin ma vain ofu kayo vá inká un non akhempá ma vain eyu kayo vá an den ída yankaforen ukhen mino.

Iburu 11:3

Ma varará ma saréa afoká ukhá ma oniyá tiferuna yanasinta maen mai suufó ma ída oniyá tiferuna yanasintan baré íkan mi Tiyarafenu ano ma seintái mai yanasinta afoká ukhen ne sé afová iyái mumunan iyá tiféuno.

Iburu 11:7

Noa ano mumunan iyaren mi ída afoká ukhá ein daná afoká inten ne sen ma Tiyarafenu ano afova vaya siamin maen ben oo yaiyen sipi uváden mi ve aná akhafana vá anafú basin nan má maifin ódivíkan non taven ída aren mino. Noa ma mumunan iyáken ma variyá ein avúavá ano ma ma vara ráke nanin bantai ume avúavá daídan ma vetin amaniná uman afoká ein manon Tiyarafenun avorá puntákein bantaí ukhen mino.

1 Pita 2:10

“Pefá tiretí ankan banasi va vare va ono. Taréa siretí ankan Tiyarafenui vanasin ba ono. Pefá tiretí ankan Tiyarafenui arunaná ída mantare saréa veni arunaná inka vare ono.”

2 Pita 3:8

Máa sikhen mifo séi ma sinunu ukheruna sirona kéka soe, ída vá áun nono. Bafan avorá mana tauseni (1,000) orana ano maná damú an mi yakhan inká maná damú ano mana tauseni (1,000) orana an mi yakhen mino.