Matiu 5:37 - Yisasini Kama Vaya

³⁷ Tiretí ankan ná eyo ana seya vá ída ino ana seya vá inompo manáa vaya ma mairá mo asotúin maen Ban Anon pintéi eriyan mino.

Matiu 5:37 ပူးပေါင်းရင်းမြစ်များ

Matiu 13:19

Banasi ano ma inaru yafisini kama vaya ma iniren ma ída mai vayai ana ma afová iyain mai yanayun ma aasá eraveiníi íkan mi Ban Anon mano eriven Tiyarafenui kama vaya ma aúká pafasirein ainen do varé iyan mino.

Matiu 13:38

Dunan bara maen mai ma vara ino. Inká kama uviti ayun maen mai inaru yafisin pintena nanin banta ino. Namu káta maen mai Ban Anoni vanasi ino.

Matiu 15:19

Banta aú pinte namu ineine kayo vá banta aruan purin má ena ana safi avafun nafi ma varen non avúavá bá pamúku avúavá bá umoyan avúavá bá kópin ma kampun tin má inká ena nanin banta ma namu vaya sen asiyain mái khuvé iyan mino.

Matiu 5:36

Máan tukhen mifo éi ída vá mana vayará ákona ono van e ánon aví teno. Mai fara vara seyo, éi ída kanaíeya ánon do maman efanteni safi sókonteni safi in nono.

Matiu 6:13

Inká éi ida vá tétin akhenókafin tivire ore vá Ban Anon ayan pinte vá tétin do sivían ka ono.’

Yoni 17:15

Ma vara rákena vetí ankan do aviran novara inaiya raumpo vetintá dafíbesin Ban Anon mano ída vetin namu ino van mi simúkiyá uno.

Yoni 8:44

Tiretí ankan Ban Anon akhafanan bákeyai siretí afóeni anunu ánain mi vákuriya ompo esé araíintá béi vanta aruan purin bantan báken béi ída fura sikhein avúavá ánain bákuriyan mino. Mai fara va ino. Pura sikhein avúavá ída vempin ban mifo kampun bantan báken kampun baya afóe uron mino.

Efesasi 4:25

Mai vará kampun tin avúavá ifa ureya vá pura sikhein baya ana vá ben tiamin maran ono. Mai fara vara seyo, setí mana vukhafa finte nan bá tiféuno.

Efesasi 6:16

Mai aruvin danasinta ma variyákeya inká mumunan ná pákaan ákona uresin ná mai ano sanko an davintin ná Ban Anoni ira khiyain uve kayo ano e khútino.

Korosi 3:9

Tiretí ankan ída vá kampun bayafó monó nanin banta van e sian more mere ono. Mai fara vara seyo, fefái mai avúava sinta me ampikha rono.

Korosi 4:6

Ena ena yamú ma vaya sinonafin ase vain kama vaya ana siyá esin ma ena kéká ano ma éin má bayaí inti mae anona funtákein baya siamin nono.

2 Tesaronika 3:3

Máan tukhen mifo Bafan mano ma sirein baya ánain pura sen bákuriyain mi vantin tiretin ákona amiren dafíkantin Ban Anon mano siretin ída uman aminten mino.

Yemisi 5:12

Máan tukhen mifo mumunan tiyofi sifá tiváeyan noe, ída uron ná inaru fi vará fi áa manáa yanasinta fi aví tireya vá pura ódino sire ayan befiyó ono. Para vá eyo seya ída inó se iya vá mairá ída uman barano.

1 Yoni 2:13

Monó bayafin ma karakheona nanin banta oe, esé araíen ma minó danasinta afoká ein bantan Yisas Karaisin báká tiretí ankan béin afova suron ukhen nái ma vompon uvaman amiyá uno. Auyen nanin banta oe, Ban Anon má aruvúde véin maman bararasí ureya ven esantakhen nái ma vompon uvaman amiyá uno. Téi ma sinunu ukheruna iyampon kayo oe, inarufá ma vain Afóen pefái afová ukhen ná ma vompon uvaman amiyá uno.

1 Yoni 3:12

Keni ma Ban Anoni kékasí uven ma ve afá aruan purein an ída vá dá tifano. Mai fará béin aruan puren nafino. Mai fara va ino. Keni namu avúavá bariyan maen be afá ano funtákein avúavá bariyaréin pasen mi máan ten mino.

1 Yoni 5:18

Tetí ankan afová ukhé tifékun Tiyarafenui kékasí ma ukhein kayo ano ída umeí ana en oré iyan mino. Mai fara vara seyo, Tiyarafenu Anin manon betin pákaan ákona uren dafíkan mi Ban Anon mano ída kanaíen betí au aruvé iyan mino.