1 Tesaronika 5:12 - Yisasini Kama Vaya

¹² Mumunan tiyofi sifá tiváeyan noe, mai ma Bafani yorarí iyáken ma siretintá dafíkein kéká aránaópasá bano. Betí ankan manon tiretin aúbaná ákona yorarí iyáken ída namu avúavá barano van ákonaen baya siamiyan mino.

1 Tesaronika 5:12 ပူးပေါင်းရင်းမြစ်များ

Ruku 10:7

Tiretí ankan mai namumpin mana vá bákeya mai finté ma amin nain dunan má non má ana vá nano. Para vara seyo, yoriyá ein banta ano miyan baré iyan mifo siretí ankan ída vá ena namumpin e fere khuve ono.

Yoni 4:38

Máan tukhein nan mi siretí ankan ída yunan dore nan ena kayo ano ákona yorari uren dóádein dunampin mi siretin nan duyaseno van mi siantiyá uno.”

Aposeri 20:28

Máan tukhé umpo siretiyan kama e yafíare vá inká tiretin nan ma yafisino siren ma Kantá Aunan mano ma amikhein nanin banta kayo rasá kama e yafiseno. Tiyarafenu ano ma ve anini narefó ma miyaní uan beinaí ukhein mumunan nanin bantarasá sipisipirá ma yafisiyain kéká an de vá dafiseno.

Aposeri 20:35

Ákona yorarí uren ma ona i van kéká ma ayain inka siretin aní é uno. Bafan Yisasi ano ve oo fenté máan mi sikharen mino, ‘Ena vanta ma amin kékápin mi moéken avábá ban mifo ena finte ma varan kékápin ída avábá ban mino’ ma sikharé ein baya vá ovare me ineno.”

Romu 16:12

Mai ma Bafani ákona yorarí in nanin kan Tri finan nú Tirfosa nú bá inká ena sen tirona nanin ma Bafani ákona yorarí iyá ma sinunu ukheruna Pesisi masá tenti simusin baya siameno.

Romu 16:6

Mai ma siretin aya ono van ákona yorarí iyain nanin Marian dere vá tenti simusin baya siameno.

1 Korini 12:28

Tiyarafenu ano ma Yisas Karaisini au vukhafafin asotú uran bain kéká maen masi van mino. Esé ma vain mai vaya varen orin banta kéká bákan mairá sakhanampa kéká bákan ukhen mino. Inká kanú manausí ma ukhein kéká mai afova amin kayo vá enará ukhein aní daná ma uvaran kayo vá bákan inká aí ma ayofan amusin ma mantein kayo vá ena nanin banta ma kasaen aya orin kéká bákan ukhen mino. Inká mai ma yoran danasintará ma yafíken doran amin kéká bákan inká ara ara vaya finté ma vaya sin kéká bá bákan ukhen mino.

1 Korini 15:10

Máa siyá umpo sesi yoran tasa Tiyarafenu ano séin tarisari usintádá máan tukhe rauno. Ída ino. Mai fara vara seyo, ena aposeri kéká esantaré téi yóké umpo mai seyantasa yóke rauno. Ída ino. Tiyarafenu ano vei sarisari fókéi séin pinté uaren doren mino.

1 Korini 16:16

Máan avúaváká teya ma ma aví teruna kéká bá inká pura sen ma monó dorarí iyain kayo vá kama e yafiseno van mi siamiyá uno.

1 Korini 16:18

Mai ma siretíi mumunan ákona uantiyá einíen mi senti mumunan me ákona usinten mino. Máan ma en kama yorarí iyain kékasá amusin uantano.

1 Korini 3:9

Mai fara vara seyo, setí ankan manafin mi Tiyarafenui yorararí iyá tiféku siretí ankan beni yunan bara vá má bái va ompo seti sina vaono.

2 Korini 11:23

Mai kéká ano Karaisini yoran banta uno sé iyan mifo séi mana óen banta an ma yiyaruna anoi vetí ankan esantaré moékantá Karaisini yorarí iyá uno. Téin karavusifin pákaan moren ída yankaforen dádá dafiyó tinkáden tiruan purirí é iyan mifo séi moékantá ákona yorarí é iyá uno.

2 Korini 5:9

Mai van mi ma vukhafafin má inká ena vukafafin má ma vanté maé mai véin ma amusin amin inin onan masá bá tifano.

2 Korini 6:1

Tetí ankan Tiyarafenu vá manafin doriyákéi véi ma sarisari ukhein nan béin pákaan ákona ono van mi ínané tiamiyá uno.

Karesia 4:11

Máan tiya ompo senti yoran ma savifá o afeyoran nain nan mi siretíi avúava san tikhokho fiyan mino.

Firipaí 2:16

Aun bain baya ma fákaan ákona ukharé esí maé Yisas Karaisi ma ovaránen erin nain damúi séi ma yoriyaré eruna yoran ída fa savifá o afeyoren mino siré timusin onté uno.

Firipaí 2:19

Bafan Yisas Karaisi ma anunu inain nan mi ainé Timotin tiantékun tireti ma monó dorarí iyaona o ódaren intesá é doriya fo mai me sisimintí timusin onté uno.

Korosi 1:29

Máan tukhein nan mi Yisas Karaisi ano ma simiyain ákona fói kákan dorarí iyá uno.

1 Tesaronika 2:9

Mumunan tiyofi sifá tiváeyan noe, setí ankan ma manáa yana san ékun ma siyain uman ída varano van mi inuran má bayan má miyan baran dorarí iyá uno. Máan tiyái Tiyarafenui Kama Vaya ma siretin tiamé iyaruna van ídá ovaré me iné iya rafono.

1 Tesaronika 4:1

Mumunan tiyofi sifá tiváeyan noe, Tiyarafenu ma amusin in nain avúaváká bano van mi Bafan Yisasin aviká tiretí ankan aní ukhé uno. Máan tukhare saréa mai avúavá bariyan ná moéke varano van mi ákonaé tiamiyá tiféuno.

1 Tesaronika 5:14

Mumunan tiyofi sifá tiváeyan noe, mai ma vetíi yoran mo ampiren avesara iyain kéká ákona e vaya siamesin ída avesara ino van mi siamiyá uno. Akhokho van ma iyain kékái mumunan ákona uantiya inká ma vara ráke avúavá ano ma ineine máden asuse iyain kékáká kama e vá dafiseno. Máan tiyáke minó nanin banta vá ará manafiní ureya vempáké bano van mi siamiyá uno.

1 Timoti 5:1

Anon banta ída vá asin baya siyákeya e afóen má ma vempáké baya siyaonaisá ono. E afá aváeyan ma kama iyaonaí eya vá ena fumara vanta kama ano.

1 Timoti 5:20

Umeí ma uran nain kékasá banasi avorá asesin ná ena nanin banta ano máan avúava baran nan perano.

2 Timoti 2:6

Ákonaen ma yunan dorarí iyaré ein kéká anoi amusin iyáken esé araíen mai yunan naan oné iyan mino.

Taitasi 1:3

Pefá ma véi siádakaré ein damú pura sen afoká íkan mi vei Kama Vaya maman amasí urái mai Vaya setí ankan minó nanin bantafin tian amá iyá uno. Mai ma setin evaránen tivíkein mai Tiyarafenu ano séin aní uren beni yorarí ino van tisintái ma Vaya minó nanin banta siamiyá uno.

Taitasi 1:5

Erasan ma ída yóan kípakheruna yoran dóan kípiyákeya séi ma siamerunaí e vá minó kákan baru kayo fimpá Yisasini mumunan nanin bantai yoran banta kayo khaono van mai anarái éin Kirití Musóká me afaé uno.

Taitasi 2:15

Máan tukhein nan mi Taitasi oe, mai ma éin tiameruna vaya kayo vá ena ena yamú minó nanin banta siamiyáke vá baya ma átakharéin kéka sá ákonae funtarano. Mai ákona éimpin ban mifo ída vá áesin éi ma sinona vaya van mana nanin banta ano oyampá baya sino.

Iburu 13:17

Tiretíi monó tin avúaváká ma yafíkein ayafa kayo ano ma siamin nainisá oro. Tiretíi aú bukhafa ma maman puntáantan doran mi vetíi yoran bákan inká mai yorarí ma iyáin nain mai vetí anon Tiyarafenun tiaminten mino. Betin oo yaiyesin ná ída arunaná bá doren ná amusin masá dorano. Mai fara vara seyo, ída ma amusin pinté doriyá inti mae ída uron mi siretin aya inten mino.

Iburu 13:7

Ei yafisin banta kayo ano ma Tiyarafenui vaya sikhá ein nará ovare me ineno. Betin pinté ma kama avúavá erikhein nará iniyáke vá beti ma iyainí e vá Bafantá mumunan ono.

Revaresen 1:20

Mai ma yan manápá ifo afápá kan un kádan ofu ma siyan kurompá páké ma inká yan manápá ifo afápá kan un kádan oon kayo vá ma uruan korifó uvantein dankará ma intánuran bákan ma oneonai ana vaya mai máan mi ukhen mino. Dan manápá ifo afápá kan un kádan ofu maen mai ma yan manápá ifo afápá kan un kádan monó namun kayo ma vain pintena enisori kékái van mino. Inká dan manápá ifo afápá kan un kádan oon ma uruan dankará intánuran bain maen mai ma yan manápá ifo afápá kan un kádan monó namun kayo ma vain mino.

Revaresen 2:12

“Perkamumí baru ráke monó namumpin ma mumunan nanin banta vákan ma vetintá dafíkein enisori vaípasá ma vompon uvamádan ná orino siren máa sen mino. Mai ma sefá tefá avan iyain baenati ma fákakhein banta ano máa mi sen mantino.

Revaresen 2:18

“Taiatirá baru ráke monó namumpin ma mumunan nanin banta vákan ma vetintá dafíkein enisori vaípasá ma vompon uvamádan ná orino siren máa sen mino. Mai ma Tiyarafenu Anin auufenté ma ira kheiní iyan ma inká aeni ma iyó uran ma karo kharo einí ma arantan táké iyain banta ano máa mi sen mino.

Revaresen 2:3

Téin tivisare sireya ída avesarain uman bariyáke ákona yorarí e ono.

Revaresen 2:8

“Simená baru ráke monó namumpin ma mumunan nanin banta vákan ma vetintá dafíkein enisori vaípasá ma vompon uvamádan ná orino siren máa sen mino. Mai ma Esé Araíin má Kípan má báken ma fúaren orun mantakhein banta ano máa mi sen mino.

Revaresen 3:1

Sadisí baru ráke monó namumpin ma mumunan nanin banta vákan ma vetintá dafíkein enisori vaípasá ma vompon uvamádan ná orino siren máa sen mino. Mai ma Tiyarafenui yan manápá ifo afápá kan un kádan Aunan má inká dan manápá ifo afápá kan un kádan ofu kayo vá ma fákakhein banta ano máa mi sen mino. Éi ma vare aruve iyaona yanasinta afová ukhékuya siyáke setimpin taunan báká bá uno siya ompo fura seya fúkarono.

Revaresen 3:14

“Raodisiá baru ráke monó namumpin ma mumunan nanin banta vákan ma vetintá dafíkein enisori vaípasá ma vompon uvamádan ná orino siren máa sen mino. Mai ma Tiyarafenu ano ma uvantein danáká ma fura siren dafíken ma véin ánain ákonaen dakhafiyan ma funtákein avúavá ana fura sen baran banta van ma Pura Vaya ana sin banta e sen ma ariyain banta ano máa mi sen mantino.

Revaresen 3:7

“Firaderfiá baru ráke monó namumpin ma mumunan nanin banta vákan ma vetintá dafíkein enisori vaípasá ma vompon uvamádan ná orino siren máa sen mino. Mai ma Devitini ki fákakhen pura sen kantasí ukhein banta ano máa mi sen mino. Intéa yanasá béi ano yivé iyan nafi mai ída mana ano kanaí e munkin nono. Inká be ma munkuran nain daná ída kanaí e mana ano yivin nono.