1 Tesaronika 1:3 - Yisasini Kama Vaya

³ Máan tiyáké tiretí ankan ma Yisasintá mumunan iyáke ma yoriyaona vá ena nanin banta ará amire ma ayae yoriyáke ma inká tetisi Bafan Yisas Karaisin nan ovaránen erinten mino siren ma ákona inin kauráke ma kama yorarí iyaona van mi ovaré me iniré teti Sifóe Tiyarafenun timúkimpó tiamiyá tiféuno.

1 Tesaronika 1:3 ပူးပေါင်းရင်းမြစ်များ

Yoni 14:15

“Tiretí ankan ma sen nan anunu inteya vá minó tenti vaya ánain ná kamaeya vákurono.

Yoni 15:10

Tiretí ankan ma senti vaya ánain ma kama e yakhafinteya mai senti avábá aúpin mi van nono. Téi ma Sifóeni vaya ánain ma kamaé bakúdé ma veni avábá aúpin barunaíi inono.

Aposeri 10:31

E mantaven mai vanta ano máa semí, ‘Koniriasi oe, éi ma kama avúavasí eya ona ma i vain nanin banta ma aya iyaona van Tiyarafenu ano amusin uren inka eni amúkin inen mino.

Aposeri 3:19

Máan tukhen mifo siretí ankan ará baéde sirun noe sireya Tiyarafenu vaípá oresin ná tiretíi ume arúantano.

Romu 12:12

Mai ma Tiyarafenu ano ma kama uantano van ma iyain nará amusin iya ave ukhe vá bano. Uman ma siretimpin afoká iyantiya mantaan ákona ukhe vá amúkiya vano.

Romu 15:13

Mai ma ameno siren iyáantáka ave iyaona Tiyarafenu vaípá timúkékun ayainti mumunan esin amusin má ará kusin má bíkaantanten mino. Mai ma varano sire ave iyaona inimpin Kantá Aunan mano moéken ákona amintin mantaan ákona in nono.

Romu 15:4

Para vara seyo, mai vaya kayo ano setin afova simiyantí mantaan ákona ukhé Tiyarafenun ave ukhé tifékun tetin evaránen tivirano van mi fefá bompon dókifin uvantaren mino.

Romu 16:26

Mai ma fefá sakhanampa vanta kayo ano siádan baré einíen mi fara van oriyan ban Tiyarafenu ano ma ákonaen tiádan baré ein mi minó barará nanin bantafin inka sian amá é tiferuna mai kasaen Karaisintá mumunan uren ben ánain dakhafinten mino.

Romu 16:6

Mai ma siretin aya ono van ákona yorarí iyain nanin Marian dere vá tenti simusin baya siameno.

Romu 2:7

Máan tinten mifo inte kéká anó mantaan ákona ukhen kama yorarí iyaré inten nafi mai Tiyarafenu ano ínaimpáké betin amo siren kákan bí bá ayun ma fara van oriyan ban aunan ma aminten mino.

1 Korini 13:13

Máan tukhantin kanú manaú avúavái fara vanten mino. Mai máa maen mumunan in má kama yana san ma avein má ena ma avábá uantan má ifo avábá in manon moéken kákaní ukhen mino.

1 Korini 15:58

Máan tukhein nan mi séi ma moéké tinunu iyaruna mumunan tiyofi sifá tiváeyan noe, Tiyarafenui yorantá mantaan ákona uveya vá moékan dorarí ono. Mai fara vara seyo, siretí ankan ma Bafani yorarí iyaona mai ída fa savifá o afeyorantéi afová ukha rono.

2 Korini 2:17

Máan tukhéi setí ankan ona ma mamáken miyaní ino van me khoe khoe en noin kayo an ída yakhé tiféuno. Moní barano siren ma monó ten noin kayo kokhon mi van mino. Tetí ankan Yisas Karaisi yafíká ben avorá pura sen puntákein avúavákái Tiyarafenui vaya sé nó tiféuno.

Karesia 1:4

Yisas Karaisi anon teti Sifóe Tiyarafenui anunu ánain dakhafen mi saréa ma vain namu avúavá pintena setin tiya ono van e fúkaren mino.

Karesia 5:13

Mumunan tiyofi sifá tiváeyan noe, Tiyarafenu anon tiretin maman kama uren mi kuse vano van anunu ukhen mifo ída vá evaráne ume avúavápin oriyaya avábá posá ben moéken ayain maran ná iya vano.

Karesia 5:6

Mai fara vara seyo, Yisas Karaisintá ma mumunan iyá tiferuna mai anon au ma khavin má ída ma au khavin má maman paen danasí ukhen mifo Tiyarafenurá ma mumunan uren ma ena nanin banta ma ará amin manon pura yanasí ukhen mino.

Karesia 6:9

Máan tukhen mifo kama avúavá ma in nan ída vá tivesara ó tifano. Mai fara vara seyo, veni yamusí ma intí kama amusin mi unafó tifanté uno.

1 Tesaronika 3:6

Orikharen taréa uron mi Timoti ovaránen me sisimen tiretíi mumunan nan para ákona ukhan ena ma avábá in avúavá moéken bariyan mino síká iné uno. Tetí ankan ma fefá tiretin o ontaréeruna van ma ovare me iniyákeya setin nan moéke amusin pinté tonano van iya ono. Máan tiyan nái setin má dere simusin pinté tiretin o onano van ineine iyá uno.

2 Tesaronika 1:11

Máan tukhein nan mi siretí ankan Tiyarafenu ano sesi funtákein nanin banta e siren béi ma araren avíká einíen bei ákonafó tiretí ankani kama ineine vá kama avúavá bá ma mumunan mano afoká uádiyain kanaí ino van mi ena ena simúkuan béin amiyá uno.

2 Tesaronika 1:3

Mumunan tiyofi sifá tiváeyan noe, funtákein avúavá baréi siretin nan Tiyarafenu susu sianté iyá uno. Mai fara vara seyo, siretí ankani mumunan mano mo ákonaen kákani iyákayan ben moéken ará amin maran iya ono.

1 Timoti 1:14

Bafan Tiyarafenu ano séin moéken tarisari uren mi Yisas Karaisimpin ma vain mumunan má avábá bá maman téin túpin bíkasinten mino.

1 Timoti 2:3

Mai avúavá anon kama ukhen mi setin ma Siya Uren Tivikhein Tiyarafenun amusin amé iyan mino.

Iburu 10:36

Mantaan ákona ukhe ma Tiyarafenui anunu ánain ma yakhafiyare maeya mai ma iyáantákein amusin baran nono.

Iburu 11:17

Tiyarafenu ano ma Abaraamun akhenóka uan onan maen béimpin mumunan baré íkan mi Aisakin íkun uan béin ameno van en mino. Tiyarafenu ano ma Abaraamun iyáantan baré ein danasinta mantaren mi auuanon táke iyampon Aisakin íkun uan ameno van en mino.

Iburu 4:11

Máan tukhein nará mai avíkan barufin ma orin nará ákona ó tifano. Para vara seyo, fefá ma Isareri nanin banta ano ma Tiyarafenui vaya ma átakharé einí ma inain manon eraven ankaminten mino.

Iburu 6:15

Máa siran ará kusin má Abaraamu ave ukharen mai ma Tiyarafenu ano iyáantáká ein daná baren mino.

1 Pita 3:4

Mai ma Tiyarafenu avorá moéken kama uron ukhan ma vempáké ban avúavá ano ma aú pinté eriyan ma ída ainen mo kipé iyain avúava sará ineno.

1 Yoni 3:18

Téi ma sinunu ukheruna iyampon kayo oe, setí ankan ída vá bayafó ana ena avábá iyá uno sé tifan numpo sivútivá pókesá pura sé aní ó tifano.

1 Yoni 3:21

Téi ma sinunu ukheruna sirona kéka soe, setin tú bá inin má ano sisimen ma ída umeí ukha ono ma sin nain manon ákona simintí ída feran kasaé Tiyarafenu avorá o mantá tifanté uno.

1 Yoni 3:3

Mai van ma mumunan in nain kéká anon Yisas Karaisi ma avusese ukhein an den avusese ukhen banten mino.

1 Yoni 5:3

Tiyarafenu van ma anunu in nan ma siyain mai veni man baya ánain ma funtáden bákurin avúava san mi siyákan mai ída uman dakhen mino.

Revaresen 2:19

Ena kéká ará amin nafi mumunan ma iyaon nafi inká ará kusin pinté ma ara ara yorarí iya ma mantaan ákona uve ma uman bariyaona mai fefái afová ukhé uno. Mai ma esé bariyá eona avúavá kayo ma esantare variya onan oniyá uno.

Revaresen 3:10

“Mai ma sen too yaiye uman bariyáke ma senti man baya fákaan ákona ure varé eona anonafá maé Tiyarafenu ano ma ma varará nanin banta akhenóka uan onan nain damú tiretin aya onté uno.