1 Korini 16:22 - Yisasini Kama Vaya

²² Bafan ma ída avábá in nain nanin banta ano vá uman barano. Tetisi Bafan noe, ereno.

1 Korini 16:22 ပူးပေါင်းရင်းမြစ်များ

Matiu 10:37

“Mana vanta ano ma ve anóe afóen nan ma moéken anunuen ma sen nan ma ída moéken anunu inain mai ano ída kanaíen ten bákurinten mino. Inká mana vanta ano ma ve anin nafi ve araun nafi moéken anunuen ma sen nan ma ída moéken anunu inain mai ano ída kanaíen ten bákurinten mino.

Yoni 14:15

“Tiretí ankan ma sen nan anunu inteya vá minó tenti vaya ánain ná kamaeya vákurono.

Yoni 14:21

Tenti man baya ma mana ano ma iniren kamaen mai ánain dakhafin nain mai ano sen nan mi anunu iyan mino. Mana ano ma sen nan anunu intin te Sifóe ano venan anunu intí ten má dere véi nan tinunu uré teyan aní onté uno.”

Yoni 14:23

Máa síkan Yisasi evaránen béin tiamemí, “Banta ano ma séin nan anunu uren tenti vaya ánain ma kamaen dakhafintin maen Tifóe ano mai vanta van anunu inten mino. Máan tintí berasan mai vanta vá o vá ena ena fara vá oriyá banté uno.

Yoni 15:24

Máan tiyan mifo vetin aúbaná ma váké mana vanta ano yoká ein doran ma ída yoriyákun maen umei miyan ída vetí baranten mino. Taréa enará ukhein danasintan téi aní iyákun betí ankan oniyáken mifo se Sifóe má téi má deren para namuroí usintiyan ban mino.

Yoni 16:14

Béi ma sen pinte varan nain baya ma siretin timamin nain manon tenti kakhan maman dákó inten mino.

Yoni 8:42

Máa síkan Yisasi vetí ankan tiamemí, “Tiyarafenu ma siretin Afóe ma varéintiya mai séin tivábá inonaren mino. Para vara seyo, Tiyarafenu vaípákéi séi eréi mará e vá uno. Téi ída sesi sinunurá erikhé umpo Tiyarafenu anon tisintá erikhé uno.

Aposeri 23:14

Máan turen mai kayo ano monó ánon banta kayoi ánon banta kéká bá monó doran banta kayo vá baípá oriven mo máa semí, “Tetí ída mana yunan nakhé tifé ma Porin aruan púdé maé mai anan dunan nanté uno sé baya sian damuádé tiféuno.

Romu 9:3

Isareri kéká ma se siyofi sifá tiváeyan ma vain mai Tiyarafenu ano evaránen avirano van mi iniyá uno. Téi ma Karaisin pinte yo sisintan nain mano ma vetin ayairí ma ukhantin mai kasaen téin tisintano van mino.

1 Korini 12:3

Máan tiukhein nan mi siretin tiamiyá uno. Tiyarafenui Kantá Aunan má ma vaya siyain kéká ano ída kanaíen Yisasin amaniná aau amino van Tiyarafenun tiaminten mino. Inká ída ma Kantá Aunan ban nain kéká ano ída kanaíen Yisasin nan Bafan mino sinten mino.

Karesia 5:6

Mai fara vara seyo, Yisas Karaisintá ma mumunan iyá tiferuna mai anon au ma khavin má ída ma au khavin má maman paen danasí ukhen mifo Tiyarafenurá ma mumunan uren ma ena nanin banta ma ará amin manon pura yanasí ukhen mino.

Efesasi 6:24

Mai ma setisi Bafan Yisas Karaisin nan ma aúkáké anunu iyain kayofin ná Tiyarafenui sarisari ano vano.

Firipaí 4:5

Minó avúavá ma variyaona áesin ná banasi ano oniyáken kusen ban avúavái variyan mino sen afová ino. Bafan inka ádé anantá erinten mifo afovasá ono.

Iburu 6:10

Mai fara vara seyo, Tiyarafenu ano funtáken ban mino. Mai ma veni ákona yorarí iya ma mumunan nanin banta avábá ureya ayaiya ma kama e yafisiya vaona van béi ída áun inten mino.

1 Pita 1:8

Tiretí ankan béin ída yákó oné iya ompo véin nan para anunu é iya ono. Inká béin ída onteya mumunan iyáke mae moéke amusin é iya ompo mai moékentasá amusin ono.

1 Pita 2:7

Mai ma veni vaya iniren oyan amiyain kéká ina va van naifo mumunan ma iyaona kékái kama yanái van mino. “Má uvaran banta kayo ano ma yo maman karúdein onámaná ano maman má dádaimpin mana ákona onámanasí ukhen mino.” Íbo 118:22

1 Yoni 4:19

Tiyarafenu ma esé araíintá tetí ankan nan anunu ukhein nan mi setí ankan ena vá anunu in maran iyá tiféuno.

1 Yoni 5:1

Minó ano ma Yisasin nan Tiyarafenu ano vei vanasi evaránen avirano van ma aní ukharé ein banta ino sen mumunan inten maen mai vetí ankan Tiyarafenu akhafana ino. Inká minó ano ma Tiyarafenu van anunu inten mai ven akhafana vá inan anunu inten mino.

Revaresen 22:20

Ma vaya kayo ma sian dákó ein banta ano máa semí, “Eyo, séi ainé erenté uno.” Pura ino. Bafan Yisasi ereno.