1 Korini 15:23 - Yisasini Kama Vaya

²³ Aminten mifo evaránen ma e mantani aa mai máan mi ukhen mino. Yisas Karaisin naren púbin mi ifan dunan ma yuyaseiníen béin orun avían mantakhein pasen béi ma ovaránen erin nain damú beni vanasi ma fúkaren masí pinté orun mantanten mino.

1 Korini 15:23 ပူးပေါင်းရင်းမြစ်များ

Matiu 16:27

Para vara seyo, Banta Anin mano ma ve Afóeni kákan kakhan má bei enisori kayo vá ma erin nain maí damúi vanasi ano ma variyá inona avúaváká ten mi yaíden mana mana miyan aminten mino.

Matiu 16:28

Téi fura siré tiretí ankan tiamé uno. Ma ma saréa ma mantakheona kéká pinté ída manáa ano fúkesin mi Banta Anin mano kin an daven erinti onan nono.”

Aposeri 26:23

Mai ma Tiyarafenu ano ma aní ukhein banta ano vá uman o varen púben ná purin kayoi aníen orun mantan banta vá báken bei vanasifin má ena anan nanin bantafin má Tiyarafenui kakhan ná bano sen tiádan baren mino.

1 Korini 15:20

Máan tukhen mifo Yisas Karaisi ma fúbin masí pintena Tiyarafenu ano orun avían mantakhein mai fura yaná ino. Mai ma fúká intin evaránen orun avían mantan nain kékái véi ano aníen ifan dunan pinte ma araíen duyasein an mi yakhen mino.

1 Korini 15:52

Tipá kípan ufen ma asinti mai ma auu makhí diyaona an den mi mai avúavá afoká inten mino. Mai fara vara seyo, ufen ma asintin mai ma mumunan uven púká in nain kéká ano auyen bukhafa vái orun mantanten mino. Inká mai ma ída fúká ótifanuna nanin banta ano maman auyení é ída furin para oriyá bá tifanté uno.

1 Korini 3:23

inká tireti Yisas Karaisin ninan banan béi Tiyarafenu inan ban mino.

1 Korini 6:14

Tiyarafenu ano ma setisi Bafan púkáin ma masí pinte orun avían manteiníi en mi vei ákona fóké tetin tu vukhafa masí pinte evaránen tivían mantanten mino.

2 Korini 10:7

Tiretí ankan afoká ma vain danasintarái ineine kaiya ono. Mana ano ma Yisas Karaisini vantan bá uno ma sinten ná mai setin má deren Yisas Karaisini vantan bá tifé umpo véi ovaren ná me inino.

Karesia 3:29

Yisas Karaisini kéká ma vanteya mai siretí ankan Abaraamun akhafanan baona minó daná ma Tiyarafenu ano ma véin iyáantákaré ein mai siretin ninaíi inten mino.

Karesia 5:24

Yisas Karaisini kékasí ma ukhein kayo ano fefái vetíi ume avúavá daa unkamádantá aruan púken mino.

Firipaí 3:11

Mai fara vara seyo, mai ma véi fúkaren e manteiní ana ono van muno.

1 Tesaronika 2:19

Máan té iyan mifo Bafan Yisasi ma erin nain damú náinasá baré intí béin mo aní é tifékun ná tetisi yoran nan amusin uren miyan timinten nafino. Ída ifo siretíi vaona Bafan Yisasi ma ovaránen erin nain damú ma ven avorá o mantakhesí ma siretin oniyáké anan kákan timusin onté uno.

Revaresen 1:5

Inká Tiyarafenui vaya ma funtáden tian dákó en ma inká purin pinté an uanten orun mantaven ma ma vara ráke kin kayoi ánon bantaí ma ukhein banta Yisas Karaisini sarisari vá kusin má ano yere vá tiretin má bano. Mai ma setin avábá uren ma vei narefó ma umei karavusi fintena útútintein banta avisá daní ó tifano.