1 Korini 13:7 - Yisasini Kama Vaya

⁷ Avábá in avúavá maen ída ainen o kípan maen inká ena ena Tiyarafenurá inin kaen inká ena ena yamú kama yana san ave en maen inká ara ara uman eriyantin ákonaen dafíken báken ma ena kéká bá manafin ban avúavá ino.

1 Korini 13:7 ပူးပေါင်းရင်းမြစ်များ

Matiu 10:22

Téin tiví ma siretimpin banti ma séin bákuriyanona van mi minó banta kéká ano siretí ankan ará namu uantanten mifo iye anó mantaan ákona ukhen baré intin ná ma varai kípan damú afoká inten nafi Tiyarafenu ano mai nanin banta kayon evaránen aviranten mino.

Maki 9:23

Máa síkan Yisasi véin tiamemí, “Éi ma mumunan inteya éi kanaíeya minó daná baran nono.”

Romu 15:1

Tetisi mumunan ma ákona ukhá baruna kéká ano vá mai ma vetíi mumunan ída ákona ukhan ma umampin bain kékasá aya ótifan numpo ída vá tetiyan nan mana ma simusin timin avúavá ana variyá bá tifano.

Romu 8:24

Tiyarafenu ano setin evaránen tivídái véi ma kama avúavasí usintano van ma sikhein nan mi setí ankan mumunan ukhé béin ave iyá tiféuno. Mai fara vara seyo, fefá ma mantanuna yana san ída ave iyá bá tifanté uno.

1 Korini 13:4

Avábá in avúavá maen mai ída ma ainen aran édavin avúavá bákan inká ena ma ará amin avúavá ban ukhen mino. Avábá in ma vain mai ena ina yana san inian namu uanten ma inká be amo siyan be aví daní in naino. Ída ino.

1 Korini 9:12

Ena kéká ano ma monó baya siretin me siamiyain nan ma vetin aya iyaona mai setin má dere ídá moéke siya inte fono. Máan tiyaré Yisas Karaisini kama vaya ma oriyain aa iyaranuna van mi sireti vaonafá tiya ono van ída ina iyá tiféuno.

Karesia 6:2

Tiretí ankan afá aváen ayain maran ma inteya mai Yisas Karaisini man bayan mo kanaí inono.

2 Tesaronika 1:4

Ara ara uman bariyáke ma mai uman kayo van ída ininto ma ákona e mumunan iya ma yorarí iyaona van mi minó akhempá ma Tiyarafenurá mumunan iyain kékápin ma orivé maé tiretí ankan nan amo sé iyá uno.

2 Timoti 2:24

Bafani yoran nanin banta ano ída vá aruve asive in avúavápin oferiyáken ná inká béi ma ará namu uantan nain kéká kama ana iyáken ara ara nanin banta vá kama inin amino.

2 Timoti 3:11

Téin ma uman timiyáká ma sí pinté erikheruna éi afová ukha ono. Inká téi ma Antioki safi Aikoniamu safi Ristará barura safi ma váké umampin oriyákun ma Bafan mano mai uman kayo finte siya iyá ein éi afová ukha ono.

2 Timoti 4:5

Máan tinten mifo ara ara avúavá ma yákó iyantiya afová ukhe vá bano. Bafani yorantá ma aí o yosin nan ída vá periyáke vanasi ma o aviádesin Karaisi vaípá ma erin nará ineno. Máan tiyáke Tiyarafenu ma amikhan nain doran ná dóan piseno.

Iburu 13:13

Máan tukhein nan mi erí baru akhempá aravuvé mai ma véi ayave vareiní é bará tifano.

Yemisi 1:12

Mai ma akhenóka iyákan ma maifin mantaan ákonaé iyain kékái Tiyarafenu ano avábá uanté iyan mino. Para vara seyo, maifin ma mantaan ákona ukharé inain manon mai ma Tiyarafenurá ma anunu ukhein kéká ma aunan bain kamamó iyáantan ma vain baranten mino.

1 Pita 2:24

Tetin nan ume avúavá me ampiren puntákein avúaváká bano van mi veyantá tetisi ume maman be aurá kaúden baren daa unkamádantá un puren mino. Béin ma arein afun kayo anon tiretin ayofen mino.

1 Pita 4:8

Moéken ma kákaní ukhein daná ma vain mai ven avábá uantan maran eya vá oriya vano. Para vara seyo, avábá in avúavá anon ara ara ume kayo yaran ten mino.