1 Korini 13:2 - Yisasini Kama Vaya

² Máan tinten mifo sakhanampa vaya sin amusin baré ma inká Tiyarafenui aúpá baya afováin baré ma inká minó afova varé ma inká anuyon kayo siantantin ma e afánen orin mumunan ma sempin bantin ma ena ará amin avúavá ma ída vantí maé mai senti yoran mano mo faen danasíi inten mino.

1 Korini 13:2 ပူးပေါင်းရင်းမြစ်များ

Matiu 13:11

Máa síkan Yisasi evaránen betí ankan tiamemí, “Inaru yafisin pintenai aúpá baya ana ma afováin Tiyarafenu ano inka siretin amikhen mifo vetí ankan ída amikhen mino.

Matiu 17:20

Máa síkan béi evaránen betí ankan tiamemí, “Tiretíi mumunan tító máan bákayai ída kanaí iya ono. Téi fura siré tiretin tiamiyá uno. Para vara seyo, siretíi mumunan mano ma mastati yaa aran aú an den ma sító suron ma vantiya mai siretí kanaíeya ma anuyon nan ma mesapá e afáne orono ma sesin maen orinten mino. Máan tiyasin maen mana yaná ano siretimpin ída kanaíen uman danten mino.

Matiu 21:19

Arafan puríkan béi onan mana fiki yaa ana aa akhempá baré íkan ádé oriven mai anafin onákan ída mana aran iren mifo anaa ana variyan baré íkan béi mai fiki yaa ana van temí, “Éi ída vá enádá bá aran irano!” Máa siyain má mai yaa ainen kafuren mino.

Matiu 21:21

Máa sen ina íkan Yisasi evaránen betin tiamemí, “Téi fura siré tiretí ankan tiamiyá uno. Tireti ma ída kan ineine in ma fura seya mumunan uron ma inteya ma fiki yará ma eruna avúavá ana ída varan nompo ma anuyon nan ma e afáne un nompin orono ma sesin maen kasaen tiretí ma sinonaí inten mino.

Aposeri 13:1

Antiokí monó namumpin manáa sakhanampa vaya sin banta kayo vákan ma inká Tiyarafenui vaya ma afova amin banta kayo van ma ukharé ein mai vetin aví maen Banabasi má Saimonin nan ma sókon banta e sen ariyain má Sairiní baru rákena vanta Rusiusin má inká Kin Erotin má ma avunté iyá ein banta Manaenin má Sorin má ino.

Romu 11:25

Ena anan nanin banta ma mumunan iyaona kéka soe, aúpá baya sireti afová ono van muno. Ída vá teya Tiyarafenu ano Isareri nanin banta inka me oyan amiren teti nan mana iniyá uno sire au khákan ono. Manáa Isareri kékái ará bá ineine vá ano ákona ukhen bantin ma ena anan nanin banta kayo ano mumunan en maifin mun asótú uvintin mi máan tinten mino.

Romu 15:14

Mumunan tifá tiváeyan noe, Tiyarafenui kama avúavá inka sireti afová uren nan mai yanasinta ano siretimpin bíká téi fura siré afová eruna kasae ena nanin banta mai vaya afova amin nono.

Romu 16:25

Yisas Karaisi ano ma siretin ena anan nanin banta ayain nan ma fefá bompon dókifin tiádan aúpá baré ein mai saréa Tiyarafenu ano siretin aya inti mantaan ákona in nono.

1 Korini 11:4

Ánontá ma yóki yádáken amúken ma inká sakhanampa vaya sé iyain banta kéká ano mai vei ánon Yisas Karaisin nan ída iniyan mino.

1 Korini 12:28

Tiyarafenu ano ma Yisas Karaisini au vukhafafin asotú uran bain kéká maen masi van mino. Esé ma vain mai vaya varen orin banta kéká bákan mairá sakhanampa kéká bákan ukhen mino. Inká kanú manausí ma ukhein kéká mai afova amin kayo vá enará ukhein aní daná ma uvaran kayo vá bákan inká aí ma ayofan amusin ma mantein kayo vá ena nanin banta ma kasaen aya orin kéká bákan ukhen mino. Inká mai ma yoran danasintará ma yafíken doran amin kéká bákan inká ara ara vaya finté ma vaya sin kéká bá bákan ukhen mino.

1 Korini 13:1

Barará nanin bantai ara ara vaya vá inká enisori kayoi vaya vá pó ma siyákun ma ena avábá uren ará amin avúavá ma sempin ída vantin maen mai senti vaya ano yavena ma ankamiyan avaya yakhaní iyan inká bano ano ma aseiníi iyákun pasen mi veni ana ída vanten mino.

1 Korini 13:3

Ona ída van nanin banta ma se sina yanasinta varé mo amiyá ma inká ira khiyaimpin te su ampian kaiyá ma ena nanin banta ma ída avábá onté maé mai senti yoran paen danasíi inté uno.

1 Korini 13:8

Avábá in avúavá maen para van oriyan banten mifo sakhanampa vaya sin nafi ara ara vaya finté ma sin nafi inká kákan afova ma mantein mai avúava sinta kípanten mino.

1 Korini 14:29

Áésin ná kan mano fi kanú manaú ano fi vá sakhanampa vaya siyantin minó ano mai ma siyain baya vá daíden afová ino.

1 Korini 14:39

Mai vará mumunan tiyofi sifá tiváeyan noe, amusin pintesá sakhanampa vaya siyákeya inká ara ara vaya finté ma siyaintá ída vá are ono.

1 Korini 14:4

Ída afová ukhein baya finté ma vaya siyain banta ano veyan manan aya iyan mifo sakhanampa vaya ma siyain banta ano monó nanin bantan aya é iyan mino.

1 Korini 15:51

Máan tukhen mifo inikhesirá taréa Tiyarafenui aúpá baya ma setí ankampin afoká ukhein tiaméku vá ineno. Ída minó ano fura sé puró tifanté umpo maman ena vukhafaíi ó tifanté uno.

1 Korini 16:22

Bafan ma ída avábá in nain nanin banta ano vá uman barano. Tetisi Bafan noe, ereno.

1 Korini 4:1

Máan tukhen mifo Aporosi rasan nará Yisas Karaisini yoran bantá kanan mi váken beni aúpá bayan kamaen dafíben tisimiyan mino seya vanasi ano vá afová ono.

1 Korini 7:19

Mai fara vara seyo, au khain avúava safi inká ída ma au khain avúava safi mai sító daná ifo Tiyarafenui man baya ánain ma vákurin manon kákan danasí ukhen mino.

1 Korini 8:4

Máan tukhen mifo namu yanáká ma ákonte uran dunan pontá mai náiesá tétifante rafuno. Mai fura ino setí ankan afová ukhékun ída ena ayarafenu vákan mana Tiyarafenu máan báé iyan mino.

2 Korini 12:11

Tiretí ankan manon téin tirá maman mantarenái óen banta an davé te simo siyá uno. Tiretí ano ma séinti sivútivá baya uvádeya ma séin timo seren mifo siretí ankan ída máan tená paséi seyantá tian dákó é umpo mai ma aví bain aposeri kayo aránaópá ída séi vá umpo séi faen danái vá uno.

Karesia 5:16

Máan tukhein nan mi Kantá Aunani ákonarasá auyen aunan mamare vá ume avúavái anunu ánain ída yakhafono van mi inin amiyá uno.

Karesia 5:22

Máan tukhen mifo Kantá Aunan mano ma setinti saunantá ma yafíben maen mayan aran mi imádanten mino. Ena van anunuin má amusin en kusen ban má bempáké báken ena avábá in má kamaen puntáden non avúavá bá

Karesia 6:3

Ena ano ma umampin bantiya ma eyan inian kákan bantaí ure ma ída ayainteya mai eyan mi mákasiya ono.

Efesasi 3:4

Máan tukhein mi mai ma uvaman amikharé eruna vompon ma yankafinteyan Yisasi ma yoriyaré éi pákena ma afová ukheruna mai afová inono.

Efesasi 6:19

Máan tiyákeya Tiyarafenui kama vaya ma vain mai ena anan nanin banta ina vá dere ifo vá amúkusintiya sirá beni aúpá ineine ída feran kamaesá tian amá uan ameno.

Korosi 1:26

Tiyarafenu ano fefái ma vaya aúpá kain ban eriyan baren mifo saréan kantasí ukhein nanin banta avorái véi sian dákó en mino.

1 Timoti 3:16

Tiyarafenu ano Yisasini kama vaya afová inon tiren mi aúpá bá ein maman dákó ukhein pasen mana ano ída kanaíen mai vaya van ina inten mino. Yisas Karaisi ano varará banta an daven afoká ukhan Kantá Aunan mano véin nan puntákein banta e siren maman dákó uran enisori kayo ano ódaren banasi siamíkan barará nanin banta ano véintá mumunan uvin Tiyarafenu ano véin aviren inarufá óden mino.

1 Yoni 4:8

Máan tukhen mifo mana ano ma ena van ída anunu inten mai véi ída Tiyarafenu afová inten mino. Mai fara vara seyo, anunu ma in avúavái anan Tiyarafenu van mino.