Pol Uqa Jaqec Je Oso Rom Tamanec Jaqiaden 6:19 - Bal cehec je haun

¹⁹ Agena cisdoc eu mahanadec eunu ija dana egena cisdoc toodumig maadigina. Wele age dewenega amihilon cunug kobol gegehinca uqana cabi dana biloloig, odimeig age eunu qisol mec kobol gehgeh odoloig. Qilaqa age dewenega amihilon cunug ititom kobolna cabi dana mudeiga. Odimeig age kobol gun odocnu oodi bileiga.

Pol Uqa Jaqec Je Oso Rom Tamanec Jaqiaden 6:19 ပူးပေါင်းရင်းမြစ်များ

Matju 4:23

Jisas uqa Galili hatu cunug cocobi nuen. Uqa Juda agena cuha jonana limei dana cajaca iwaladen. Odimei uqa sao cul jobonnu me je qasali maaden. Odimei uqa dana cajaca agena hag filfilca age dewenega laleg mein eundec filfilca me maden.

Pol Uqa Jaqec Je Oso Rom Tamanec Jaqiaden 15:1

Ege wawige meleec gagadicca ege dana wawaga meleec gagadic qee eundec cesuladecnu cabi oum. Agena culumen agedodoc gahidocwe qee eu ege gahidocnu. Egedodoc egena gale gec cain toodoqaun.

Pol Uqa Jaqec Je Oso Rom Tamanec Jaqiaden 3:5

Odocob eu adi? Egena kobol tutuc qee eu Anutna kobol tutuc bahic eu camasac mudecebfi ege adi madeqan? Ege madi, Anut ameg me qee wadacgena eunu uqana kobol eu tutuc qee, eqanfo? (Ija danana cisdoc himec toodudu madiga.)

Pol Uqa Jaqec Je Oso Rom Tamanec Jaqiaden 6:13

Qila age loo je bisalu qee bilegina qa age Anutna eelgec uum igec bisalu bilegina. Eunu silail eu agena cilehadec haun qee biluwain. Odimeig age ebenega jaimagaca dewenega amihilon filfil cunugca kobol me qee odocnu silail kobol haun cain utuwain. Euqa age dana eu cal mecnadec ceseli cajen cebac bilia cinigwe age dewenegaca agena cisdocca cunug eu Anut uteiga. Odimeig age dewenega amihilon cunug eu ititom kobol odoqagannu Anut uteiga.

Pol Uqa Jaqec Je Oso Rom Tamanec Jaqiaden 7:23

Euqa ija dewenina loo je fil bilina eu odi figina. Eu Anutna loo je ijana cisdocna bilina eu ija gale tena euca cadesina. Odocob eu uqa silail loo je ija dewenina bilina eu uqana gihactec mitina.

Pol Uqa Jaqec Je Oso Rom Tamanec Jaqiaden 8:26

Eu odiwe ege cel cetehnu bahic inondocnu eu qee doqona. Eunu Kisha ege dana gagadicca qee eundec cesulgena. Odimei Kis uqadodoc ege cesulgecnu Anut inondona. Kis uqa dana egena jena madecwe qee eu odi sogoii inondona.

1 Korin 5:6

Age agedodoc ijanaganu deboegina eu cois qee! Age jis nag bahic eu odocob bred cunug diena ec qee doginafo?

1 Korin 6:11

Age Korin tamanec leih age dana eundecwe odi biloloig. Euqa Anut uqa agena silailnu soiaden, odimei uqa age qagu maden, odimei uqa Krais Jisas Tibud ijannaca Anutna Kisnaca age dana cajaca ititom maden.

1 Korin 9:8

Age ija dana agena cisdoc himec toodumig je i edi madigina ec cain cisdowain. Qeeo! Mosesna loo jeha eu odi madena.

Galesia 3:15

Ija wawige meleec cotiel, ija qila dana egena kobolna je ihoc migina. Dana lecis ale je oso togodumesi bal cehi hedosin eu dana oso uqa bal cehec je eu qatanecwe qee, eu je leih haun tubdocwe qee.

Hibru 12:15

Age cofdu cuhadoiga. Qee fifi dana cotoga oso culdecebil toni qocob Anutna eelgec uum igec eu culiaunnu. Qee fifi dana cotoga oso culdecebil age gemona aig gulihinca gisinawe caleiaunnu, odimei gulihin aadi Anut amegna gegehinca madeiaunnu.

Hibru 4:15

Ge, egedodoc egena gagadic odocna silail cilehdocwe qee. Euqa egena nawel tawec ihanec dana ilo uqa egenu waug qocca qee odi qee bilina. Temgec egeca calena euha cunug temdoc uqaca calen. Euqa uqa silail qee mel.