Pol Uqa Jaqec Je Oso Rom Tamanec Jaqiaden 14:23 - Bal cehec je haun

²³ Euqa dana oso uqa ceteh osonu waug lecisca meceb u jena euqa uqa eunu waug meleecca qee jenanu Anut uqa dana eunu silail dana ec madena. Ceteh cunug dana uqa waug meleecca qee odona eu silail.

Pol Uqa Jaqec Je Oso Rom Tamanec Jaqiaden 14:23 ပူးပေါင်းရင်းမြစ်များ

Pol Uqa Jaqec Je Oso Rom Tamanec Jaqiaden 13:2

Eunu dana oso uqa gabman ilo jejeg wooldona eu uqa ceteh Anut men wooldona. Odocob dana eu age gabman ilo jejeg wooldogina eu age agedodoc agena ameg me qee oqagan.

Pol Uqa Jaqec Je Oso Rom Tamanec Jaqiaden 14:5

Dana oso uqa deel oso eu uqa meca bahic cisdona, deel leih wooladec bilina ena. Odocob dana oso uqa deel cunug uqa caca dih bilina ec cisdona. Dana osolosol cunug agedodoc tebandodoig cisdu cuhadoigale.

1 Korin 8:7

Euqa dana cajaca cunug age doc eu qee dogina. Dana leih age wele kadan tibudna kobol toodoloig, agena cisdoc eu gagadicca qee. Odocob age sab eu kadan tibudnu ihanec jegina saen euna age sab eu kadan tibudnu ihanein ec cisdogina. Odocob age sab jegina eu age kobol gegehinca odoqona ec tebandogina.

Taitas 1:15

Dana age cataniec bilegina eu agenu ceteteh cunug cataniec bilia. Euqa dana agena cisdoc wawaga eu gegehinca, age wawaga qee meleena eu agenu ceteh oso cataniec qee bilel. Agena cisdoc silecca, agena wawagaca eu wele gegehin qon eunu.

Hibru 11:6

Dana oso uqa Anut cemenug ligiafi uqa Anut bilina, odocob uqa dana Anut walegina eundec Anut uqa ameg me bahic adena ec ha waug meleena. Eunu dana uqa Anutnu waug meleecca qee uqa Anutna gale doc toodocwe qee.