Pol Uqa Jaqec Je Oso Rom Tamanec Jaqiaden 11:28 - Bal cehec je haun

^28-29 Isrel age Anutna me je hibemdogina eunu agenu, Juda dana qee eundec, age Anutna cad bilegina. Euqa Anut uqa age wele bahic nesili cedaden. Anut uqa age wele utaaden, uqa wele eeladec uum aden. Odocob uqa uqana cisdoc haun hibna qee falicdoiaun. Eunu Anut uqa Isrel jajanagailnu cisdumei Isrel dana cajaca nalunuga mena.

Pol Uqa Jaqec Je Oso Rom Tamanec Jaqiaden 11:28 ပူးပေါင်းရင်းမြစ်များ

Jenesis 26:4

Odimig ija hinana sihul eu odocomin age malaqa saona nijia eu odiwe caloqagan. Odimig hinana sihul eu maha i cunug adigen. Odocomin hatuhatu cunug hinana sihul jabajabna age ha eeldoc oqagan.

Jenesis 28:14

Hinana sihul euha age mati bahic caloqagan. Age maha bobos cinigwe caloqagan. Odimeig maha hagen cunug ihoc loqagan. Hinaca hinana sihulca agenu dana sihul cunug mahana biluqagan eu eeladec oqagan.

Matju 21:43

Jisas odi maadimei maaden, “Eunu ija maadigina. Anut uqa uqana cul age cawaladimei dana sihul fil adigian. Age Anutna cul uqana aig qoc eu Anut utuqagan,” aden.

Me Je i Luk Jaqen 1:54

Uqa weleca Ebrahamca, uqana sihul eundecca je hahun maaden eunu cisdon. Uqa agenu waug qocnu dahig bileceb catanigian ec maaden. Eunu uqa Isrel dana age Anutna cabi ogina cesuladen,” en.

Aposel 14:2

Euqa Juda dana leih wawaga qee meleel eundec age Juda dana qee eundec wawaga ihulahaladecebil me je madesin eunu me qee cisdoin.

Aposel 18:6

Odocob age me je eu cahacdoc sanan mena imeig uqanu je me qee madecebil uqa uqana lotocnadec comis foidudu maaden, “Age fadalifeig agedodoc agena cahuldoc! Eu ijana cabi qee. Qila sanan mimig Juda dana qee eundec gami himec ligen,” aden.

Pol Uqa Jaqec Je Oso Rom Tamanec Jaqiaden 11:11

Eunu ija sisiligina, age wele toni aqen odimeig odoc eu odina wele me qee meinfo? Qee bahic! Age Anutna me je hibemdoin eunu jic euna Anut uqa Juda dana sihul qee eundec cahahaaden, odocob Isrel age sihul fil eu Anutna cahahaadec ocobil fimeig wawaga me qee migian.

Pol Uqa Jaqec Je Oso Rom Tamanec Jaqiaden 11:30

Anut uqa dana cajaca cunug age uqana loo je tefacdoginanu uqa ameg me qee wadacadigen ec maden. Eunu uqa dana cajaca cunugnu waug qona. Eunu age Juda dana qee eundec, age wele Anut filedoin. Qilaqa Isrel age Anut filedoinnu Anut agenu waug qoc ageca bilen. Eu odiwe Anut agenu waug qoc ageca bilennu Isrel age Anut agenu waug qoc oqagannu age qila Anut filedogina.

Pol Uqa Jaqec Je Oso Rom Tamanec Jaqiaden 11:7

Eunu adi? Isrel dana cajaca age Anutna ititom kobol eu oqagannu walein eu age qee oloin. Dana cajaca Anut nesili cedaden eu age himec oin. Odocob leih wawaga eu menen.

Pol Uqa Jaqec Je Oso Rom Tamanec Jaqiaden 5:10

Ge, wele ege Anutca cad bibiluqun saen euna Anut Melah cal men euna uqa cad kobol eu qee mudimei Anut egeca tanawigen. Eunu qila ege Anutca tanawigec biluqa euna Anut uqa Melah cebac bilecna ege cahahagigian eu tutuc bahic doqona!

Pol Uqa Jaqec Je Oso Rom Tamanec Jaqiaden 9:5

Isrel dana weledec ijanagaca matu eu age jajanagail himec. Odocob agena sihulnadec himec Krais uqa dana ibuldon. [Krais uqa cunug agena ilo, uqa Anut.] Ege binan sulocomun cataneiale! Mele!