Matju 8:20 - Bal cehec je haun

²⁰ Odocob Jisas jejeg hewi madon, “Qa cus agena helona nijegina, odocob man fululec agena teicna nijegina. Euqa Dana Melah uqa us nijec cudunca qee,” don.

Matju 8:20 ပူးပေါင်းရင်းမြစ်များ

Matju 12:32

Odocob dana oso Dana Melahnu je me qee oso madecebfi Anut uqa dana eu uqana silail cagasitugian. Euqa oso Kis Gunnu je me qee madenafi Anut uqa silail eu saen qilaca saen bilec catanecca qee cagasitoiaun,” aden.

Matju 12:8

Ge, Dana Melah uqa Tibud, uqa cuha deel uqana ilo bilina,” aden.

Matju 13:37

Odocobil Jisas jejenega hewi maaden, “Dana aig me helena eu Dana Melah.

Matju 16:13

Jisas uqa malogom gami Sisaria Filipai agena hatuna cobimeig Jisas uqana malogom sisiladi maaden, “Mateiga, dana age Dana Melahnu in egina?” aden.

Matju 17:9

Age aluhnadec totoni Jisas malogom cijed je gatiti maaden, “Qila feiga eu oso cain saadowain. Dana Melah cal mecnadec qee cajec ninijeb je i oso cain doiaun,” aden.

Matju 19:28

Odocob Jisas maaden, “Ija mele maadigina, maha haun ibuldocna Dana Melah uqana king bilec bahim kobolkobolcana bibileb ageha king bilec bahim 12-pelana bibili Isrel sihul 12-pela gesiladoqagan.

Me Je i Luk Jaqen 12:8

Jisas je haun maaden, “Ija maadigina, oso uqa dana amagana tatawi ijanu madi madena, ‘Ija Jisas uqana malogom,’ ena eu uqanu Dana Melah Anutna ensel amagana madigian, ‘Eu ijana,’ igian.

Me Je i Luk Jaqen 18:8

Ija maadigina, uqa agena culumennu cesuladigian. Odocob uqa mahuc bahic cesuladigian qa Dana Melah uqa camas mec saenna mahana nimei wawaga meleec gulucdugianfa?” aden.

Me Je i Luk Jaqen 2:12

Age fecnu gadac oso eu odi nijigian. Age mel momo oso lotocna jelec uqa bulmakau agena bohna ninijeb foqagan,” aden.

Me Je i Luk Jaqen 2:16

Odimeig age mahuc belimeig Maria Josefca gulucalimeig mel momodo eu bulmakau agena bohna ninijen fein.

Me Je i Luk Jaqen 2:7

Odimei Maria mel matu basimei lotocna jeludimei ono nijec jo cudunca qeenu uqa bulmakau agena bohna mudeceb nijen.

Me Je i Luk Jaqen 21:36

Saen cunugna saciadoc bileiga. Odocob gaidgaid Anut gagadic odoc adigiannu sisildoiga. Eu odina age ceteh cunug ageca caligian eu ihoc wooldoqagan. Odocob age Dana Melah olana tawoqagan,” aden.

Me Je i Luk Jaqen 8:3

Joana, uqa Susa aideg, uqa Herodna jona dana cofdoc, uqaca, Susanaca, caja mati agedodoc agena ceteteh euna Jisas uqana malogomca cesuladein, ageha Jisas gami belein.

Me Je i Luk Jaqen 9:58

Odocob Jisas madon, “Qa cus age helona nijegina, odocob man fululec agena teicna nijegina. Euqa Dana Melah uqa us nijec cudunca qee,” don.

Me Je i Jon Jaqen 1:51

Odi madumei maaden, “Ija je mele maadigina, age sao jobon hudec tataweb Anutna ensel age Dana Melahca toni tobi eebil foqagan,” aden.

Me Je i Jon Jaqen 12:34

Dana caja amca madoin, “Egena loo je eu Anutna Krais uqa cebac bileceb catanigian ec maden. Hina adinu age Dana Melah suldocobil ohis tigian ec madaga? Dana Melah eu in?” doin.

Me Je i Jon Jaqen 13:31

Judas nueceb Jisas uqa malogom maaden, “Qila Dana Melah uqana kobolkobol ona. Qila Anut uqa Dana Melah odocna kobolkobol ona.

Me Je i Jon Jaqen 3:13

Oso sao jobonna qee ti calel. Dana Melah himec uqa sao jobonnadec toni nen,” don.

Me Je i Jon Jaqen 3:14

“Anut uqa Melah mahana dana agena silailnu gesiladigiannu suldocob qee nel qa mahana dana cahahaadeceb demico biluqagannu suldocob nen. Odocob Anut uqa dana cunug mahana bilegina nalunuga mimei cunug age uqanu wawaga meleigian eu age qee fadalowain qa age cebac bilec catanec eu oqagannu uqa melah osol himec culiaden. Eunu Moses uqa wadauna man sononec ihicon qoc suli u caqusenwe dana cunug age uqanu wawaga meleena eundec age cebac bilec catanec eu oqagannu Dana Melah age odi suli u caqusuqagan,” don.

Me Je i Jon Jaqen 6:27

Age sab qee migiannu nijia eu cain cabi owain qa age sab eu cebac bilec catanecna gaid bilina eu cabi oigale. Sab eu Dana Melah adigian. Ge, Memige Anut uqa Melahna uqana sisi mec men. Uqa Melahnu madi maden, ‘Melami ihen, uqa ijana odoc eu odona,’ en,” aden.

Me Je i Jon Jaqen 6:53

Odocobil Jisas maaden, “Ija je mele maadigina, age Dana Melah deweg golacca qee jifeig age cebac bilec wawagana qee bilel.

Me Je i Jon Jaqen 6:62

Age Dana Melah wele biloloi euna haun ceseli teteb fifeig age adi cisdoqagan?

Aposel 7:56

Odimei Stiwen maaden, “Feiga! Ija sao jobon cebec hudeceb Dana Melah Anut eben meulana isec tatawen figina!” aden.

2 Korin 8:9

Ge, egena Tibud Jisas Krais uum igec igen eu age dogina. Uqa cehewan ben tumutumca biloloi, euqa uqa agenu ceteh cunug cuculi sawen dana ibuldon. Eunu uqa sawen dana bilec euna age cehewanagaca bilec adigiannu odi odon.