Matju 7:28 - Bal cehec je haun

^28-29 Jisas uqa Juda agena loo je iwaladec dana oso cunug maadeinwe odi qee maadel qa uqa je Tibud gagadic odocca iwalaadi maaden. Eunu uqa je eu maadi mamaden dana cajaca age wawaga cacaden bilein, uqana iwaladec je eu wawaga qon.

Matju 7:28 ပူးပေါင်းရင်းမြစ်များ

Matju 11:1

Jisas uqa malogom 12-pela je eu cunug maadi hedumei uqa caji nunui uqa jobonjobon dana cajaca iwalaadi Anutna me je maaden.

Matju 19:1

Jisas uqa je eu madi hedumei Galili hatu culimei Judia hatu Jodan Wa ono isec nui bilen.

Matju 22:33

Dana cajaca age Jisasna je eu dah mimeig tumatumaein.

Matju 26:1

Jisas uqa je eu cunug maadi hedumei uqana malogom maaden,

Matju 7:27

Odocob wa ben neceb wa cue humei jona leceb gugula ha hu jo heweceb jo eu cabaten. Odimei jo cabati nui me qee bahic muden,” aden.

Me Je i Mak Jaqen 1:22

Uqa agena loo je iwaladec dana oso cunug maadeinwe odi qee maadel qa uqa dana oso, Anutna gagadic odocca madenawe, odi iwalaadi maaden. Eunu uqa je eu maadi mamaden dana cajaca age wawaga cacaden bilein, uqana iwaladec je eu wawaga qon.

Me Je i Mak Jaqen 11:18

Odocob ihanec dana benbenca loo je iwaladec age je eu dumeig uqa qagadoqagannu jic wali coboin. Ge, dana cajaca cunug uqana iwaladecnu filicitein eunu age cucuidoin.

Me Je i Mak Jaqen 6:2

Juda agena cuha deelna uqa Juda agena cuha jona limei iwaladen. Dana cajaca mati uqana je dah mimeig tumatumai madein, “Dana i uqana je cunug i anadec on? Uqana doc silecca in uten? Uqa ebenna adi kobolkobol ben odona?

Me Je i Luk Jaqen 19:48

Euqa dana cajaca cunug age uqa dah mudoloig eu je osol bahic ha wooldocnu culoloig. Eunu age adi bahic odocnu ec jic qee felein.

Me Je i Luk Jaqen 2:47

Cunug age uqana je wadacdoc dumeig eu docca bahic ein. Eunu filicitein.

Me Je i Luk Jaqen 4:22

Odocob age uqanu je me bahic madimeig uqana je me bahic dodoig ben bahic odi tumatumaein. Odimeig age madein, “Uqa Josef melah qeefo?” ein.

Me Je i Luk Jaqen 4:32

Uqa je Anutna gagadic odocca iwalaadi maaden. Eunu age uqana iwaladec jenu tumatumaein.

Me Je i Luk Jaqen 7:1

Saen Jisas je eu cunug dana cajaca maadi hedumei uqa haun Kapaneam jobon ono nuen.

Me Je i Jon Jaqen 7:15

Uqa je maadeceb dumeig Juda dana age tumatumai madein, “Meca oso dana i qee iwaldol. Eunu dana i adi loo je jaqec sildiadecnu fena?” ein.

Me Je i Jon Jaqen 7:46

Odocobil tempel cofdoc dana maadein, “Dana i je madena eu wele oso uqa ihoc qee madel,” adein.